قصيدة في رويغب واهلهــا ..

[معلومات العضو خيال البلها]

مركز رويغب من مراكز قبيلة السهول بالعارض واهلها المحانيه وآل منجل
وقد عُرفوا من ماض العصور بالكرم والشجاعة وتغنا بهم الكثير من الشعراء .

ومنهم الشاعر / نواف بن نايف القاع العتيبي ويقول ::

يـاهــواة الطـبـيـعـة دون جــــو غـشـيــش=في رويغب هواءَ صافـي يجيـب انتعـاش
يارويـغـب ســلام ويــا رويـغـب تـعـيـش=يـا رويغـب تعيـش وكـل مـن فيـك عـاش
فـيـك نــاس سهـمـهـم فالـلـقـاء مايـطـيـش=كــل رجــال يـقــدم مـــا يـجـيـه أرتـبــاش
فــي نـهـار الـوغــا مايـركـبـون الـكـديـش=يـركـبـون الاصـايــل للـمـلاقـى عـطــاش
مـن غزاهـم بجيشـه راح جيشـه طشـيـش=يطحنـون المعـادي لـيـن يصـبـح خـشـاش
من زمان مضى في وقت ضعف المعيش=رجلهم من كرم لا شاف له ضيف شـاش
لـلـرفـاقـه ولـلـجـيـران وجــهــه بـشــيــش=مـا بقلبـه سـواد أبيـض كمـا لــون شــاش
ليش أرافـق هـل المعـروف تـدرون ليـش=رفـقـت الطيبـيـن أتـسـر وأحــزام جـــاش
والقبـايـل نـعـم وأعــداد مـرمـش رمـيــش=كـل طـيـب يـعـرف العـلـم والــلاش لاش
الاش مهما حصـل مـا قلـت لـه مـا عليـش=والـوفـي لاخطيـنـا يـاخــذ الـعــذر كـــاش
يارويـغـب ســلام ويــا رويـغـب تـعـيـش=يارويـغـب كـــذا الـسـكـان وإلا بـــلاش..

 

 

 

 

[معلومات العضو نايف الخييلي]

صح لسان الشاعر نواف العتيبي ونعم والله باهل رويغب وقبيلة السهول الكرام

وعافاك ربي على طرح القصيده الرائعه ياخيال البلها

 

 

 

 

[معلومات العضو محمد بن حمد الشكرة]

ونعم بقبيلة السهول واهل رويغب وصح الله لسان الشاعر ولاهنت على النقل ياخيال البلها

 

 

 

 

[معلومات العضو ناصر بن فهد]

صح لسآن الشاعر نواف بن نايف القاع العتيبي


ويستاهلون المدح والطيب آهل رويغب و قبيلة السهول كفووو

 

 

 

 

[معلومات العضو برنسيسه الريــــاض]

يستاهلــــــــــــــــــــون المدح والطـــــــــــــــــيب،،،،،،،

 

 

 

 

[معلومات العضو متعب الشكري]

صح لسآن الشاعر نواف بن نايف القاع العتيبي


ويستاهلون المدح والطيب آهل رويغب و قبيلة السهول كفووو