قصيدة القلوب المصده للشاعر شايع العيافي القحطاني
الهــــم .. عدابي على نايف الصوح=رجمٍ تعداه " القلوب المصده "
مايجذب الا ضايق البال مجروح=لطمه من ايام الوزا ..... فوق خده
عليه مشرافي.. مثل طلعة الروح=تجمع به الساعه ثمانين شده
جالي على نايف مباديه نازوح=ولا ينزح الا من غثا الوقت" حده "
الله كتب لي فآخر الوقت ساموح=وانا ما قلت من ابلج الوجه رده
يا تل قلبي تلة البعد شرشوح=جربٍ على سوج الخلا مستجده
غدا بها الحواف متلــي ومشفوح=ليلين والثالث ورا " سيف جده "
وياحن قلبي حنة الورق بالنوح=وياعيني اللي للبكا مستهده
عليك ياللي حط في جوفي سروح=ملاك...!! والمملوك " مافيه شده "
يا من تواضع .. لك ترف كل مملوح=من عاذلك .. في لوعتي واستمده
وشفيك تتركني ... من الصد مذبوح=بابٍ يسوق البين ...لاهنت سده
ماجيت لك قبل امس واليوم اباروح=ابيك تالي الوقت ... تصخي بمده
يالنادر المحسوب لي صوبك شبوح=والله لو تدري جفيت المخده
تراك منت من المواجيب مسموح=صاحبك صارت كل الأوضاع ضده
والبارحه بد الليالي لها شوح=في ضفها ...جاء للمجاريح لده
ذابت على خدي ومرت لها فوح=" الدمعه " اللي ردها الصبر.... مده
اثر الغلا لازاد.... جا للعرب بوح=والرابح اللي.*. لا انتزح باح سده
ياما كتب...؟؟ ربي على غرة اللوح=من الشقا...!! وصدوفه المستبده
شي بلا مصلح ...!! وشي بمصلوح=لاشك علمٍ تستحي منه " بده "
اما اجفني...وعتاب الأحباب مطروح=والا على مصفوط..." والكف نده "
حنا خلقنا روس ,, " عمارة صروح"=الا لميلات " القلوب ,, المصده "
24-02-2009, 09:20 PM
القلوب المصده
العرض العادي
