الشاعر / سعود بن عايض ال بريك

[معلومات العضو ابو زياد البريكي]

بسم الله الرحمن الرحيم

هذه القصيدة قالها الشاعر / سعود بن عايض آل بريك الدوسري

في الشيخ الفاضل / بدّاح بن ناصر الزقروط آل بريك الدوسري

مبروك مبروك يا بداح جعلك دوم فالدار= يا طايل البوع يا رجل المواقف واللبابه
تستاهل المجلس اللي فيه للضيفان مقدار= زيّنت بنيه وراع الدار يا مسهل جنابه
يضحك حجاجه اليامنّه لفى للبيت خطّار= دون المطاليق والضيفان ما قد صك بابه
كريم سبلا وطيبه شايعٍ في كل الأقطار= يفداه منه بخيل ودايمٍ رزقه هبابه
بيته ينادي لهشال الخلا مع كل معبار= وسهيل نجمٍ شهير وكل مخلوقٍ درابه
يدري به اللي بعيد وتلتفت له كل الأنظار= ومثله مثل شيخنا بداح في قدر ومهابه
الله يجيره من أصدوف الليالي هي والاقدار= بداح لا من نخيته يعجبك ويجيب ما به
لا من لفاه الغريب اللي من الصكات محتار= يشفي غليله وياقف له مواقيف الذيابه
موقف عديمٍ يبشر بالفرج لا صار ما صار= حلاّل عسر العقود إليا التوى حبل الطلابه
طيب السجايا وفعل الطيب له عنوان وشعار= ومن طيب راسه على الطولات موجفةٍ ركابه
للمرجله حاظرٍ ويعد من وافين الأشبار= حاش المراجل وباشرها على مقدم شبابه
يتعب ورا الطيب من يد الحقوق ويكرم الجار= مثل أبو ناصر على الطولات ضافيةٍ ثيابه
جاهه وماله يسوقه دون عرضه سر وجهار= ومن طيب حظه يخلّص كل موضوعٍ سعابه
سليل عودٍ عسى له مسكنٍ من بين الأبرار= ولعل ربه نهار الحشر يمن له كتابه
عرَّب مجانيه حرَّ ما كره في راس سنجار= تدمي الحبارى مخاليبه وعون اللي لجابه
وحفيد شيخٍ على سوق المنايا ساق الأعمار= يجدع قبيله وفي اللقوات فعله يندعابه
كم شيخ قومٍ بدابه ما يهمه خوف وأخطار= وغيره منيعٍ ولآخر ما يكافي من صوابه
سقم العدا لا قبس بين العوادي حامي النار= كم من عديمٍ قصر عمره وهو سبّة ذهابه
اسمه ظهر واشتهر في نجد وبعيدات الأمدار= يعرف بصيته وللزقروط فعلٍ يقتدا به
أمارته ما تهيّت له بسوق ولعب وقمار= جاته بفعلٍ على فعلٍ ينومس من حكابه
هذي صفات الفهود اللي لهم بين العرب كار= متوارثينٍ مقام الطيب وفعوله وأدابه
يطيب في مدحهم جزل الكلام ونظم الأشعار= وصدق المعاني تبيّن كل رجَّال وجوابه
زين النبا ينتشر ويجيك عنه علوم وأخبار= أفعل ويكفيك غيرك وافتخر في كل جابه
يفنا البنادم ويبقى له مع أهل الجود تذكار= وهذا طريق الفهود وكل منعورٍ مشابه
وصلاة ربي عدد ما لاح برق وهلت أمطار= على محمد شفيع الخلق وآله والصحابـه

وسلامتكم

 

 

 

 

[معلومات العضو شافي القويسي المخاريم]

يستاهل الشيخ/ بدّاح بن ناصر الزقروط آل بريك الدوسري
ماقيل فيه
و صح لسان الشاعر سعود على القصيده
لاهنت يا ابو زياد على الطرح
تحياااااااتي

 

 

 

 

[معلومات العضو ابو زياد البريكي]

بيض الله وجهك الف مليون ياشافي

ولاهنت

 

 

 

 

[معلومات العضو ابو فهد الغييثي]

يستاهل الشيخ/ بدّاح بن ناصر الزقروط آل بريك الدوسري

ماقيل فيه

و صح لسان الشاعر سعود على القصيده

لاهنت يا ابو زياد على الطرح

تحياااااااااااااااتي

 

 

 

 

[معلومات العضو العماني]

الله الله

صح الله لسان الشاعر القدير سعود بن عايض آل بريك الدوسري ويستاهل الشيخ بدّاح بن ناصر الزقروط آل بريك

ولاهنت اخوي بوزياد البريكي على ايراد القصيدة وبيض الله وجهك

تقبل تحياتي،،

 

 

 

 

[معلومات العضو محمد الولامين]

صح لسان الشاعر / سعود بن عايض آل بريك الدوسري

ويستاهل الشيخ / بدّاح بن ناصر الزقروط آل بريك الدوسري كل علمن غانم

ولا هنت يا بوزياد البريكي على ماقدمت .. وبيض الله وجهك

 

 

 

 

[معلومات العضو ابو زياد البريكي]

المشاركة الأصلية كتبت بواسطة ابو فهد الغييثي

يستاهل الشيخ/ بدّاح بن ناصر الزقروط آل بريك الدوسري

ماقيل فيه

و صح لسان الشاعر سعود على القصيده

لاهنت يا ابو زياد على الطرح

تحياااااااااااااااتي

لاهنت يابو فهد ولاعليكم زود وبيض الله وجهك على المرور الطيب

 

 

 

 

[معلومات العضو ابو زياد البريكي]

المشاركة الأصلية كتبت بواسطة هايف العماني

الله الله

صح الله لسان الشاعر القدير سعود بن عايض آل بريك الدوسري ويستاهل الشيخ بدّاح بن ناصر الزقروط آل بريك

ولاهنت اخوي بوزياد البريكي على ايراد القصيدة وبيض الله وجهك

تقبل تحياتي،،

لاهنت يا هايف العماني وصح بدنك ولاعليكم زود وبيض الله وجهك على المرور الطيب

 

 

 

 

[معلومات العضو ابو زياد البريكي]

المشاركة الأصلية كتبت بواسطة محمد الولامين

صح لسان الشاعر / سعود بن عايض آل بريك الدوسري

ويستاهل الشيخ / بدّاح بن ناصر الزقروط آل بريك الدوسري كل علمن غانم

ولا هنت يا بوزياد البريكي على ماقدمت .. وبيض الله وجهك

لاهنت يا محمد وصح بدنك وبيض الله وجهك على المرور الطيب