ياضيقة البال

[معلومات العضو محمد منيخر]

بسم الله الرحمن الرحيم
لست بارعاً في تنسيق شعري في المنتديات بقدر براعتي في أختلاق الأعذار دائماً
لذا وجب التنويه ومن ثم
أخواني الأعزاء السلام عليكم ورحمة الله وبركاته
إن من أسباب إحجام بعض الشعراء عن المشاركات بقصائدهم في المنتديات الألكترونية (المجاملة)وأنتم أبناء عمومة فلا تبخلوا علينا بانتقاد بنّاء فإنه والله يثلج صدري والسلام

ياضيقة البال عن صدر الشقا عدّي= إالى متى فوق رجم الضيق مقعادي
أي والله أني أحب أضحك ولا ودّي= أضيق في كل حزة واظلم رقادي
يارب أنا طالبك لاينكشف سدّي= ولا تشّمت بعد يارب حسادي
الوقت ضدي ورفقان الرخا ضدي= والحال مستهلكة وش ذنب عدّادي؟
كل مابغيت أنتبه وارتاح واهدّي= حطّت هواجيس بالي للشقا نادي
ثم نادت همومي اللي من سنة جدّي= لين أنعزل عن جميع الناس في وادي
الله يعوّض عليك بخير ياكدي=الطيب بعضه مع بعض البشر غادي
ياناشدٍ كيف حالي أستلم ردي=أنا من الله بخير وضيقتي عادي
والدمعة اللي رسمها الوقت في خدي= ماسالت الا عقب ماهزت عنادي
قل لي وش اللي اسوي والزمن ندي؟= واللي معي للزمن في الجيب ردادي!!
أصد مير البلا مافادني صدي = وانا اجودي واحسب اللي حولي اجوادي
أمد للطيب جسر ومانفع مدّي= واقلّط اعداي من جهلي على زادي
كم واحدٍ من ذنوبي راح متغدّي = في غيبتي ماتورّع عن تنّقادي
وكم واحدٍ ذاخره للضيق مالدّي =وانا من الطيب بديته على اولادي
واللي على فزعة العربان محتدّي = خلوه يشرب على الهقوات برّادي
((بعض الهقاوي تجيب احيان وتودّي= وبعض الهقاوي تمر وصوتها هادي!))
كلّش على الله وانا مانيب متردّي = الا مع اللي عليّه بالردى بادي
وياالله عسى الأمس مايشبهك ياغدّي= يمكن أحقق مناي وغاية مرادي
وياالله عسى ضيقةٍ مرتني تعدّي= ولا يطوّل في رجم الضيق مقعادي

 

 

 

 

[معلومات العضو بنت الشايب]

صح لسااانك قصيده رائعه


بس ياليتك مكبر الخط شوي .. لان بالحسره قريت

دمت بود

 

 

 

 

[معلومات العضو محمد منيخر]

أختي بنت الشايب
شكراً على الملاحظة
وشكراً على الدخول
تحياتي

 

 

 

 

[معلومات العضو سالم بن صمهود]

ياناشدٍ كيف حالي أستلم ردي=أنا من الله بخير وضيقتي عادي
والدمعة اللي رسمها الوقت في خدي=ماسالت الا عقب ماهزت عنادي
كم واحدٍ من ذنوبي راح متغدّي=في غيبتي ماتورّع عن تنّقادي
وكم واحدٍ ذاخره للضيق مالدّي=وانا من الطيب بديته على اولادي

الشاعر المبدع محمد منيخر
صح الله لسانك وماشالله على الابداااااااااااااااااااااااااااع+الابدااااااااااا اااااع

 

 

 

 

[معلومات العضو نايف الخييلي]

صح لسانك


قصيده جزله ورائعه


أشكرك على إتحافنا بها

 

 

 

 

[معلومات العضو شافي القويسي المخاريم]

صح لسانك اخوي محمد
قصيده رائعه
بيض الله وجهك على الطرح الرائع
و لا تحرمنا من قصائدك الرائع
تحياااااااااتي

 

 

 

 

[معلومات العضو أبونواف الدوسري]

صح لسانك أخي محمد منيخر..

وبارك الله فيك علي هذه القصيده الجزله ...

وفقك الله...

 

 

 

 

[معلومات العضو الجراح]

صح لسانك أخوي محمد منيخر وبارك الله فيك علي هذه القصيده الرائعة وعسى الله يوفقك

 

 

 

 

[معلومات العضو ابو فهد الغييثي]

صح لسانك اخوي محمد

قصيده رائعه

بيض الله وجهك على الطرح الرائع

و لا تحرمنا من قصائدك الرائع

تحياااااااااتي

 

 

 

 

[معلومات العضو ســـطام الروقي]

صح لسانك شاعر ولاتبخل علينا بجديدك

 

 

 

 

[معلومات العضو مفرج بن ناصر بن جنبان]

صح الله السانك اخوي محمد منيخر شاعر جزل ونت ذكرتني ببيات قايلها يمكن فيها تشابه في المعنى وقافيه الصدر ونا توني بادي فيها وشكلي بهون ماعدنيب امكملها اقول فيها

الضيقه اللي لفتني يا (فهد هندي)= دايم تجيني ولادري وش سبايبها
لاجتني هلت الدمعه على خدي=والنفس قامت تعاتبني وعاتبها
بسبابها قمتنا من العالم اصدي= وبسبابها الرجل وسط البيد ادوجبها

 

 

 

 

[معلومات العضو محمد الولامين]

صح لسانك مليون وعساك ماتهون ابيات جزله وكاتبها جزل

ولا هنت على ماقدمت من ابداع وياجعل يمناك سالمه