سجلوني للجزاله وكيل ٍ معتمد

[معلومات العضو ابو زياد البريكي]

سالم بن جخير..

غني عن التعريف ..
شاعر اذهل الجمهور في امسياته وخصوصا خلال ظهوره الاول اعلاميا في امسية شاعر المليون التي اقيمت في البحرين العام الماضي..
ولكم هذه الابيات من اروع ما نطق به لسان بن جخير(حسب راي اخوكم) ..
والابيات تقول...

ابعدي ياضيقة الصدر عني واغربي= عن محيا سمح لاضاق للمولى سجد
لاذكرت الله من الخوف عزّي لركِبي =كيف اكابر والله الواحد الفرد الصمد
لنّي ادري تالي العمر وشهو مكسبي= ياتجرّع مر ولا اتلذذ بالشّهد
ياهجوس الشعر غني بصوتي والعبي=واستبيحي كل فكره وعيشي في رغد
للعرب مذهب وانا فالشعر لي مذهبي = وكل واحد شيخ روحه نزل ولاّ صعد
دامني من بحر الاشعار عارف مشربي= سجلوني للجزاله وكيل ٍ معتمد
ويش عاد اقول وانا محدّد منصبي= مابقى الا لمحة البرق لاحن الرّعد
راكب اللي لستوى الخط مايدبي دبي= منوة السواق فالقار ولاّ فالجلد
اسمه ال(vxr) ولاّ عريب المنسبي= يوم غيره لاذكرناه تِكمالة عدد
جابه الساير يغيض الفطيمي في دبي= كاتب ٍ في دفتره كافلينه للابد
ان نطحته قلت لبيه ياوجه الظبي = وان قفيته قلت حر ٍ يبشّر بالهدد
طلته طلة حليمه وريما مكتبي= ماعلي امن الطبايع علي امن الجسد
كن صوت محركاته تردّد ياصبي= الله اللي عزنا وين وابشر بالسعد
صانعه ماقال ضيّعت جـِهدي واتعبي= لنّه اصلاً سهم رابح ومكسب للبلد
صانعه ملعون كوثر وكافر واجنبي =مايفكّر فالقبر والنصايب واللّحد
لو اقول انه غبي كيف يصنع ذا غبي؟؟ = مااعتقد ان الغبا من صفاته مااعتقد
ان تكلّم جات الاحرف ذليله وتحبي = من كلامه كن عنده مشاكل فالغدد
الوكاد انه تفوّق على كل أعربي =لاتعهد لك بحاجه تمسّك بالعهد
ولا حنّا والنعم بس في كلمة ابي= ابي هذي وابي هذي وابي هذي بعد
شغلنا الشاغل لا ذعذع نسيم المغربي =إلبس عقالك وحافظ على الغتره هدد
نفتخر ونقول حنا على نهج النبي= ونتفاخر بالقصايد ولا فينا جهد
الولد لامن سألته عريض المنكبي= قال انا شوق الغنادير مَنّور وشهد
اعرف mbc فيها رزان المغربي = واعرف اللمبي بطولتك يامحمد سعد
ولا سئلت العود غنى ياكنزي وذهبي= التجاره عندنا فالنعيم وفالنّجد
ويوم جات قريش تبغي تخون اليثربي= وين راح العود ولاّ الولد وين الولد؟؟!!
الله اكبر يازمان ٍ سبى حالي سبي =الوعد مدري متى وين لكن الوعد
كان عمري طال والله لحقّق مطلبي= وعقّب اللي فالشدايد يمينه ترتعد
والهنوف اللي تحاكت وقالت وش تبي= قلت انا قالت نعم انت وش عندك بعد
دون مااشعر جات يمناي من فوق اشنبي= وابتسمت وقلت ياجعل مافيها برد
ان طفت نار الغلا ماطفت نار حطبي= والدليل اني باصرح ولا عندي فحد
دامني مرتاح واشوف زول امي وابي =جعل عين ٍماتبيني يطاولها الرّمد

وسلامتكــــــــــــــــــــــــــــــــــــــم

وعسى ان تحوز على رظاكم

ودمتم بود

 

 

 

 

[معلومات العضو الزين]

ابعدي ياضيقة الصدر عني واغربي= عن محيا سمح لاضاق للمولى سجد
لاذكرت الله من الخوف عزّي لركِبي =كيف اكابر والله الواحد الفرد الصمد
لنّي ادري تالي العمر وشهو مكسبي= ياتجرّع مر ولا اتلذذ بالشّهد

لاهنت علي النقل الطيب وصح لسان الشاعر المميز سالم جخير العرجاني

 

 

 

 

[معلومات العضو ابو زابن المسعري]

وأضف رايي إلى رأيك

اشهد بالله انها جزله

صح الله السانك والسان بن جخير

 

 

 

 

[معلومات العضو محمد الولامين]

شغلنـا الشاغـل لا ذعـذع نسيـم المغربـي= إلبـس عقالـك وحافـظ علـى الغتـره هــدد
نفتخـر ونـقـول حـنـا عـلـى نـهـج النـبـي=ونتـفـاخـر بالقـصـايـد ولا فـيـنــا جــهــد
الـولـد لامــن سألـتـه عـريـض المنكـبـي=قـال انـا شــوق الغنـاديـر مَـنّـور وشـهـد

عز الله انه شاعر جزل


صح لسان الشاعر .... ولا هان من جاب القصايد


نادر النادر


بيض الله وجهك على ماقدمت


تقبل تحياتي

 

 

 

 

[معلومات العضو نواف الرجباني]

صـــــــــح اللسانه

وشاعر غني عن التعريف

شكرا لكـــــــــــــ اخوووي


تقبللل مرور ي

 

 

 

 

[معلومات العضو ولد ودعان]

الله على القصيده الجزله لااهنت على هذا النقل المميز

تقبل شكري وتقديري

ولد ودعان

 

 

 

 

[معلومات العضو ابو زياد البريكي]

الف شكر للجميع على المرور الطيب وانتظرو المزيد من القصائد الجزلة