الشاعر / عبدالله بن فراج بن محمد بن هيا الدوسري

[معلومات العضو يحيى الودعاني]

	بسم الله الرحمن الرحيم قصيدة الشاعر / عبدالله بن فراج بن محمد بن هيا الدوسري عام 1419هـ . يا الله أني طالبك يا معين الصابرين = فالق صم الصخر من صليب جبالها ترزق اللي ديرته ما معه فيها عوين = كون بدوان تجول تصلح مالها لا اشهبت غبر الليالي مع حمر السنين = خليت الديره ومنت على نزالها نكفي الغياب واللي حضور جالسين = لا لفوا من ديرة تايه دلالها ضونا يجذب سناها بعيد غايبين = يفرح العمس الخوي يوم شاف ادلالها يا حماة الدار خلو منازلها تبين = قبل تطمح داركم يم غير ارجالها العدو مرقب يمها قلبه حزين = ذايق لذاتها يوم وقت اهمالها من يهمل ديرته من حساب الضايعين = شربته عقب الدبش من صراه احثالها حدها زايد لكم من شمال ومن يمين = غربها حاضا وشرق جنوب ارمالها احتمى غرس ظليل مع قصرا كنين = والصحاري للدبش يطرد اللي جالها راسخٍ بين القبايل مع سيف سنين = يمنع اللي خايف لا يشد ارحالها ثابت في ديرته ما خذاها الطامعين = والعشاير دايما خيلها تبرى لها زاد فعله يوم سموه زايد مستبين = كلمة من قولهم والله اللي قالها دارنا دار السعد تعجب اللي زارعين = والجهام السود في دارنا مدها لها حضرنا مع بدونا كل ابوهم غانمين = يشبعون الضيف يوم الرحى باثقالها مدحهم من طيبهم والقبايل خابرين = كل منعورا الحاله يشيل ثقالها ما يصون الدار كون الرجال الصاملين = يحتمون اقطارها لازفوا عيالها ما وخذ بامر الملك فاقبلوا عذر سمين = والشرايد لاتخلى تفك احبالها وله أيضا : جعل الرفايا على ذا الجو يسقنه = سيل حقوق وعقب السيل همالي يا زين شوف العشاير يوم يردنه = من صوب قمرا زهرها جاله اظلالي لا جات ورد مع المعطان مستنه = اخفافها لوله واثقالها التالي لا خالط الرمث عشب سال من كنه = راعي الغنم هايبه والبدو رحالي ان صدرت قبلة فالعرق يدعنه = مصفوحة البل مراتع شيب لذيالي وان ادهر الحل وادي ما يملنه = تفرح به الهجمة اللي مالها والي دار الدواسر ورثها زايد منه = ثم ابن بدران حددها بلجيالي ورشة وقوز الشريف ارسوم حدنه = واعمان حديدنا والمنجم الخالي ناسم عصا الجار زمله ما يهجنه = يرعن بناته دبشهن مالهن والي بدو وحضر ليالي القيظ مكتنه = جهامهم مشربه غرس له اظلالي سواد غرسه وطرشه لا دنا كنه = سواد ليل تقنع فيه اجبالي ما تنزل الا الفضا والضلع ماجنه = متعودين عليها رق لسهالي وإن لاح برق الوسامي وابعدوا منه = للبل جنب والبلد حاميه جهالي تغذا له الخيل وسيوف لها اسنه = بيدين خطلان ليدي كل عيالي آلاد زايد على الخيل بها اعنه = لا لحقوا البل ترابع كل مشوالي هذا طريح ورمحه ما ظهر منه = وهذا قليع احصانه مركبه خالي لالا الطعن عندها ما خليت منه = ما عاشت البل مع ذربين لفعالي واليوم حكم الملك والسيف والسنه = مال ابمال ورجالٍ ابرجالي عبدالعزيز الملك غصب بلا منه = للراضي ارضاه والزعلان زعالي عود بناها لهم عساه في الجنه = الله ايطيب ثراه ويبقي التالي يا جعل من صلبهم من يلزم السنه = لا مات واحد تقدم عقبه ارجالي كل الشعب في ذراهم ظل واكنه = متفضلين عليه بطيب واقبالي عزيل ذا الجولا من غبتنا منه = لا رحت عقبي قعد ما فيه نزالي لاجات شقح العشاير جالها حنه = عفو جنابه لقاه امن العرب خالي وان جاء اطروش يبون الهيل مع بنه = يوم العهد به عليه ارجال ودلالي ونار اتبوج الظلام ايجي لها عنه = يجذب سناها ابعاد الدار جهالي كم واحد تسعفه ما تاخذه منه = متعطل موتره والجو به خالي لالا السنين الشدايد يوم مرنه = ما ذكر عد رسينٍ وبان رجالي واحة الشعر الشعبي ج/6 عبدالله بن حمير آل سابر الدوسري

 

 

 

 

[معلومات العضو دغش البطي انتقل الى رحمة الله مساء الاثنين الموافق 8-1-2007 رحمه الله واسكنه فسيح جناته]

يحيى الودعاني

جعل يمناك مايجيها العطب ياسنايدي

نقل في غاية الروعه والجمال

وصح الله لسان الشاعر عبدالله بن فراج بن محمد بن هيا الدوسري

عزالله إنها قصائدٍ جزال

من يهمل ديرته من حساب الضايعين=شربته عقب الدبش من صراه احثالها
حدها زايد لكم من شمال ومن يميـن=غربها حاضا وشرق جنوب ارمالهـا
احتمى غرس ظليل مع قصرا كنيـن=والصحاري للدبش يطرد اللي جالهـا
راسخٍ بين القبايل مـع سيـف سنيـن=يمنع اللي خايـف لا يشـد ارحالهـا
ثابت في ديرته ما خذاهـا الطامعيـن=والعشاير دايمـا خيلهـا تبـرى لهـا
زاد فعله يوم سمـوه زايـد مستبيـن=كلمة مـن قولهـم والله اللـي قالهـا

دار الدواسـر ورثهـا زايـد منـه=ثم ابـن بـدران حددهـا بلجيالـي
ورشة وقوز الشريف ارسوم حدنـه=واعمان حديدنـا والمنجـم الخالـي
ناسم عصا الجار زمله مـا يهجنـه=يرعن بناته دبشهـن مالهـن والـي
بدو وحضر ليالـي القيـظ مكتنـه=جهامهم مشربه غرس لـه اظلالـي
سواد غرسه وطرشه لا دنـا كنـه=سـواد ليـل تقنـع فيـه اجبالـي
ما تنزل الا الفضا والضلع ماجنـه=متعوديـن عليـهـا رق لسهـالـي
وإن لاح برق الوسامي وابعدوا منه=للبل جنب والبلـد حاميـه جهالـي
تغذا له الخيل وسيـوف لهـا اسنـه=بيدين خطلان ليـدي كـل عيالـي
آلاد زايد على الخيـل بهـا اعنـه=لا لحقوا البل ترابع كـل مشوالـي
هذا طريح ورمحه ما ظهـر منـه=وهذا قليع احصانه مركبـه خالـي
لالا الطعن عندها ما خليـت منـه=ما عاشت البل مع ذربيـن لفعالـي

 

 

 

 

[معلومات العضو :علي:]

شكراً لك اخي الكريم على هذا القصيده.,ودي اسالكم ليه سموه ابن هيا؟

 

 

 

 

[معلومات العضو يحيى الودعاني]

ياهلا بخوي دغش وخوي علي شرفتوا الصفحه .

علمي علمك أخوي علي .