قصيده نصيحه لشاعر فيحان القعياني (شاعر الجيلين) في أبنه الكبير صالح

[معلومات العضو الجنوبي الشمالي]

إن كان ياصالـح اليـا غبـت تهتـم=مادام راسـي حـي مابـك همومـي
الهم لـن حطيـت فاالقبـر الاْظلـم=وأنته صغير ولنـت قـادر تقومـي
هـذاك هـو الهـم ياصالـح أعلـم=الله يجيـرك مـن ليـال الثلـومـي
لاكـن أبـا وصيـك عسـاك تفهـم=ويطول عمرك لين تحفـظ علومـي
الأولـه :مـن شـاْن دينـك تعـلـم=وصل الفروض الخمس وأذن وصومي
وأد الزكـاه وحـج وحـذر تـنـدم=وستغفـر الله وطلبـه كـل يـومـي
وإن صلـو الجمعـه تـوض وتقـدم=والماء طهـاره للجسـد والهدومـي
والثانيـه: فـي والديـنـك تنـعـم=وتبـع مراضيهـم وخلـك رحومـي
وعطف عليهم يافتـى الجـود وحلـم=وحذرا تشاهد فيك بعـض الوهومـي
والثالثه: فـي وجـه ضيفـك تبسـم=وكثرلـه الترحيـب جعلـك تدومـي
وحذراك لاتبخل على الضيف الاْكرم=والبخـل خلـه للعفـون الرخومـي
والرابعـه: لاتقطـع اللحـم والـدم=ومواصـل الاْرحـام حقـاً عمومـي
واللي يـزورك فـي حقوقـه تعـزم=والرزق عند اللـي ينـش الغيومـي
والخامسـه: دون الأمانـه تحـكـم=وحرس عليها في جميـع السلومـي
الله محـمـل بالأمـانـه بـنــادم=وتعـوذة منـه السمـاء والحزومـي
والسادسه: في حـق جـارك تلـزم=خله معـك دايـم عزيـز محشومـي
لنجـاك زلــه شيلـهـا لا تكـلـم=والصبـر مفتـاح الفـرج للقرومـي
لابـد مايـنـدم عليـهـا ويسـقـم=وليـا ذكرهـا ينشغـل ماينـومـي
وجارتـك عنهـا ياالسنافـي تشيـم=ولا يستر العورات غيـر الهدومـي
والسابعه: لاتستمع هـرج مـن نـم=راع النميمـه لـو حكالـك ظلومـي
لن راح من عندك حكا فيـك وحكـم=عليك دعـوا كبـر ظلـع البقومـي
والثامنـه: مـع درب ربعـك تولـم=اللـي عليـك يستـرون الخرومـي
وأن كان جوك افـرح بهـم لاتكتـم=خلك لهـم ظلـعٍ طويـل الرجومـي
والتاسعـه: حـذرا دخيلـك يلـطـم=أضف الذرا دونـه وخلـك تعومـي
وعـط الرجـال حقوقهـا لاتظـلـم=والحق ماهو عيب يرض الخشومـي
والعاشره: مـن دون مالـك تحـزم=خلك تصيح صيـاح دونـه وتومـي
والمال يبغـى مـن يقديـه ويضـم=ويضهر مواجيبه ليا جـاء الزومـي
ورعيت(ن) من دون راعـي تقسـم=مابين ذيـب وبيـن طيـرٍ يحومـي
لاتجالس لأنـذال لوهـم بنـي عـم=جالس هل العليـا عيـال القرومـي
ونـذل مايسقيـك مـن بـارد الجـم=ولا يقطـع الفرجـه ردي العزومـي
اليـا نصيتـه شـان وجهـه ودلهـم=وليـا طلبتـه ماقضالـك لـزومـي
وصلات ربي عد مـن حـج وسلـم=وعداد من شاف القمـر والنجومـي

 

 

 

 

[معلومات العضو ابو فهد الغييثي]

صح السان الشاعر والله يعطيك العافيه على طرحها ولاهنت

تحيااااااااااااااااااتي

 

 

 

 

[معلومات العضو الزين]

لاتجالس لأنـذال لوهـم بنـي عـم=جالس هل العليـا عيـال القرومـي
ونـذل مايسقيـك مـن بـارد الجـم=ولا يقطـع الفرجـه ردي العزومـي
اليـا نصيتـه شـان وجهـه ودلهـم=وليـا طلبتـه ماقضالـك لـزومـي

[/QUOTE]

لاهنت وصــــــــــــــــح لسانك علي القصيدهـ الطيبـــــــــــــه

 

 

 

 

[معلومات العضو الجنوبي الشمالي]

المشاركة الأصلية كتبت بواسطة ابو فهد الغييثي

صح السان الشاعر والله يعطيك العافيه على طرحها ولاهنت

تحيااااااااااااااااااتي

صح بدنك نيابه عن الشاعر الكبير فيحان القعياني والله يعافيك ولاهنت ع المرووووووووووور

 

 

 

 

[معلومات العضو الجنوبي الشمالي]

المشاركة الأصلية كتبت بواسطة الزين

لاتجالس لأنـذال لوهـم بنـي عـم=جالس هل العليـا عيـال القرومـي
ونـذل مايسقيـك مـن بـارد الجـم=ولا يقطـع الفرجـه ردي العزومـي
اليـا نصيتـه شـان وجهـه ودلهـم=وليـا طلبتـه ماقضالـك لـزومـي

لاهنت وصــــــــــــــــح لسانك علي القصيدهـ الطيبـــــــــــــه

[/QUOTE]
أختيار موفق والله لايهينك ع المرووووووور

الزين

 

 

 

 

[معلومات العضو غازي المسعري]

صح لسان شاعر الجيلين فيحان القعياني على هذه النصيحة

ولاهنت على نقلها

كل الشكر