قطيعه بين اب وابنه

[معلومات العضو كل الدواسر خوالي]

قرأت هذه القصيده واثرت فيني من ماتحمله من معاني جدا حساسه وجارحه

في نفس الوقت صاحب القصيده غير معروف ولكن حسب ماور د

في القصيده من دلالات تدل على ان صاحب القصيده عتيبي من قبيلة عتيبه

العريقه لكونه ورد فيها اسم الهيظل والهيضل من شيوخ عتيبه

لذا نقلت لكم هذه القصيده على امل ان تحوز على اعجابكم

الله وأمر بالوصل من بين الاقراب=وحنا بوقت زايدن بالقطيعه
وانا من الي شفت بالحيل منصاب=وضاقت علي الارض لوهي وسيعه
يابوي انا من صدتك عارضي شاب=وحطيت في كبدي جروح شنيعه
ماغير اهوجس مثل منهار الاعصاب=انشهد ان صدتك عني وجيعه
ولالقيت لها تفاسير واسباب=و معاتبتك محرمه في ا لشريعه
شفت المهونه من شباب وشياب =وانا على الحقران نفسي رفيعه
لا نيب سربوت ولا نيب كذاب=ولالي مع الانذال شريه وبيعه
يابوي أفك الباب وتسكر الباب=وخصيتني يابوي في ذا الطبيعه
حتى أصغر الاخوان كشر لي الناب =ما كني إلا با يقلي و ديعه
ولاحدن خذالي شورفي كل لانساب=يالله دخيلك من حياة الهزيعه
ويوم النزايل يايبه صرتوا احزاب=احدن نصى الهيظل وا حد بالبديعه
ترا المعونه جات من رب الارباب =لحدن يحسبني برجوا صنيعه
لكن ابي جمع القرايب والاحباب=قدام كلن يغلق الموت ريعه
صاروا أخواني عندورعاني أغراب=شيّ يولع في ضميري وليعه
ليسألوني غرق الدمع الاهداب=يالله عسى من لامني للفجيعه
يونس على كبده مثل عظة الداب=وارحم عياله لاوامر ما يطيعه
يابوي طيرك له جناح ومخلاب=يحط في ربد الحباري فنيعه
ماهو بحق انك تحطه بسرداب=و تحمله من فوق ما يستطيعه
حطه على يمناك وتشوف الاعجاب=وأفخر بطلعاته مع اهل الطليعه

ومن الواضح ان ام اخوانه ليست امه نسال الله ين يصلح احوالهم واحوال المسلمين

 

 

 

 

[معلومات العضو شافي القويسي المخاريم]

فعلاً قصيده مؤثره




لاهنت يا القرم على الطرح الرائع




تحيااااااااتي

 

 

 

 

[معلومات العضو كل الدواسر خوالي]

الاخ شافي شكرا على المرور العطر

 

 

 

 

[معلومات العضو ابن ادريس]

الله يصلح مابينهم القصيدة مؤثرة لاهنت