وابانخي هل الشيمة وابانخي هل النخوات

[معلومات العضو زينه]

انا شايف فعلآ غريب عليه اثبات = تسويه ناس مالقت من يطالبها =
اخص الرجال اللي تخلو من العادات = تبيع الحليب وخالفت عن مذاهبها =
على شارع وسط البلد تشبك الخلفات = تسلم صبيآ للزباين يحلبها =
ولا ها حلال القوم ما يحصي الحلبات = تولا عطايا الله نشيط يعاقبها =
ولا همه الأ قول يازول دوك وهات = على كل وقت لابغا الحلب مدبها =
ينادي على عشرة تعود على عشرات = وتليم على الشارع خدوش يشربها =
وليا كرر الحلبة ترى مالها لذات = هبيل عليها يركي الحلب وتعبها =
عليها كفوف الزول لاسلهمت صلفات = وعمه يحسب كل ليله مكاسبها =
يشوف الزباين تحتلب ناقته زافات = حسبها مكينة تشتغل مايحسبها =
توثم بها فالشبك واحوالها هزلات = على غير حق ميت النار عذبها =
على الشارع الأصفر تحت شعت اللمبات = تهامل دموع اعيونها اللي تشوف بها =
وترى حلبة الناقة لها يالرجال اوقات = ولاهوب دايم كل وقت تقربها =
لها حزة تحلب ولاتنحلب حزات = وانا اخص ناسآ كل ساعة تراقبها =
كلامي يخص اللي شبك خلفته بالذات = وباقي الرجال الطائلة ماتعقبها =
وبه واحد قال الي مرة من المرات = يقول احتلبنا دمها مع محالبها =
غربية على راعي الوطن يخلف الهقوات = يغير سلوم فالجزيرة نفوز بها =
نسى اللي عليه اجدودنا في زمان فات = وسلوم تغير سلم اهلنا نحاربها =
وابانخي هل الشيمة وابانخي هل النخوات = ازحول الرجال اللي خذت سلم شايبها =
سلايل رجالآ تنثني حزة الغارات = وكم حزة زيد ابعدوا راس راكبها =
سلايل هل النخوة سلايل هل الطالات = تلد النظر وضعوف الأنفس تعاتبها =
مادام الشجيع اللي تعزواء بها مامات = يعجل عليها فزعته لايشح بها =
نبا شرهة من واحد يفهم الشرهات = يقابل بها اللي مايحسب عواقبها =
نبا العاقل اللي كلمته تنفهم بسكات = فهيم حليم كل دعوا مجربها =
يقول اتق الله واحد يفرج الضيقات = تحسن بها ولا على السوق فجلبها =
ترازم عطايا الله تبا منكم الفزعات = على اللي قناها ماعرف قدر واجبها =
حجزها بشبك واحد يجهل الشيمات = قولو له عطايا الله ورا ما تروف بها =
عقب ماتمشي فالجزيرة زمان فات = وتسج الديار اللي وساعآ مناكبها =
ولبنها لهلها مدة وجزل المدات = تقاليد لاهل المملكة لو تطوفبها =
نجدد عوايدنا ولا نفرح الشمات = ونشجع سلوم اجدودنا مانخربها =
يقولون للراعي لاشفت النشامى جات = تبد الحليب اللي يدسم شواربها =
وتحلب لروس اضيوفها وبرك الحزات = ودوم النشامى فالمفالي تعزبها

الشاعر/ الحبيل العتبي ..

 

 

 

 

[معلومات العضو فرد حمزة]

صح لسان الشاعر مرير الحبيل العتيبي ولسانس يازينه على القصيدة الرائعة الهادفة

 

 

 

 

[معلومات العضو الزين]

لاهنتي علي النقل الطيب

وصــــــــح لسان الشاعر مرير الحبيل ملايين

شاعـــــــــــــــر رائع ومميز له قصايد وشيلات اكثر من رائعـــــــــــه

 

 

 

 

[معلومات العضو ابو فهد الغييثي]

صح السان الشاعر مرير الحبيل
والله يعطيك العافيه على طرح القصيده

 

 

 

 

[معلومات العضو زينه]

المشاركة الأصلية كتبت بواسطة فرد حمزة

صح لسان الشاعر مرير الحبيل العتيبي ولسانس يازينه على القصيدة الرائعة الهادفة

يــــــــــــــــــــــعــــــــــــطيك العافيه ومشكور ع المرور....

 

 

 

 

[معلومات العضو زينه]

المشاركة الأصلية كتبت بواسطة الزين

لاهنتي علي النقل الطيب

وصــــــــح لسان الشاعر مرير الحبيل ملايين

شاعـــــــــــــــر رائع ومميز له قصايد وشيلات اكثر من رائعـــــــــــه

يـــــــــــــــــــعــــــــــــطـيك العافيه ومشكوره ع المرور ...

 

 

 

 

[معلومات العضو زينه]

المشاركة الأصلية كتبت بواسطة ابو فهد الغييثي

صح السان الشاعر مرير الحبيل
والله يعطيك العافيه على طرح القصيده

يــــــــــــــــــعـــــــافيــــــــــــــــــــ ـك ومشكور ع المرور ...

 

 

 

 

[معلومات العضو فيصل بن جزاء]

لاهنتي علي النقل الطيب

وصــــــــح لسان الشاعر مرير الحبيل ملايين

شاعـــــــــــــــر رائع ومميز له قصايد وشيلات اكثر من رائعـــــــــــه