المدينة والغريب

[معلومات العضو ولد التنيب]

جا يشوف الحـال كيفـه بعـد ماهـزه حنينـه

وقبل يسألني سألته : كيـف حالـك يالحبيـب ؟

قال : انا كني غريـب ضيـع دروب المدينـه

قلت : انا كني مدينـة تنتظـر رجعـة غريـب

قال : اجل وش فيك تكره سيرة الحب وسنينـه

قلت : أجل وش لون ما اكره سيرته دامك تغيب

انت لا من غبت حتى مرايتك صـارت حزينـه

كيف ما تبغاني أحزن وانت لي حظ ونصيب !؟

الهدايـا و الرسايـل و المكاتـيـب الثميـنـه

والليالي و القمر و الريح و الكـون الرحيـب

كل ما تبعد .. تجيب الشعـر ليـه مـن يدينـه

و تقعد جروحي تـودي فالطواريـق و تجيـب

يا بعد كـل القصيـد و نـزوة حـداه و انينـه

لا ذكرتك لاح بيت .. و طاح ورد .. و فاح طيب

و ان نسيتك ما نساني صوتك المبحوح لينـه

ياخذ لجرحي بثاره مـن خطايـاك و يطيـب

و بعد هذا جاي ترمـي ذنبـك بوجـه المدينـه

مـا دريـت ان المدينـه كلهـا شمعـة غريـب





الشاعر : فهد المساعد

 

 

 

 

[معلومات العضو فهد بن مبارك الودعاني]

صح السان الشاعر و بيض الله و جه ناقلها. لأهنت ياذيبان على النقل نقل موفق. ننتظر جديدكـ. لـك كـل الأحـتـرام و الـتـقـديـر.

 

 

 

 

[معلومات العضو ولد التنيب]

تسلم اخوي فهد على مرورك ولا هنت