نقطة نهـــــــــاية

[معلومات العضو عبدالله الحافر الغييثي]

كنتي وكنتي وكنتي غاية امناية=واليوم روحي ترى منتي كما كنتي
كنتي حروف القصيد وكنت ابداية=بسك غشيمة بالعب الدور ماتقنتي
واليا الوسيله تبرر عندك الغاية=بدري على حضرتك لامن تمكنتي
تبديل الادوارصارت عندك اهواية=في بالك انك بحكم الدور هيمنتي
لاتنتظر حب يجري لك مع ادمايه=وش عاد لوك من الادوار هونتي
يا آنسة جيت احطك نقطة انهاية=يلي شرحتى وشرّحتي وكفنتي
كفنتي ابسط معالم حبك التايه=يوم أن جيتك وكلي شوق مايقنتي
روحي وانا اروح واخر عهدك امعاية=لاذبح بقايا غلاك وصورتك وانتي
وقول ماتت ومات الحب بقصايه=ودفنك في قلبي الي به تسلطنتي
وقول كانت غلا واكبرقضايايه=لكن خسرت القضيه يوم ماعلنتي

الشاعر/ الكايد

 

 

 

 

[معلومات العضو أبونواف الدوسري]

لا هنت أخي خميس الغييثي علي النقل

وصح لسان الشاعر الكايد

تقبل تقديري وأحترامي

 

 

 

 

[معلومات العضو نايف الفصام]

ابـــــن غــــيـــــــاث

تسلم يمناك ..وصح لسان الشاعر

ولاهنت على القصيده الرائعه ...دورتلك شي امسكه عليك ولاعينت؟؟؟هههه

تقبل مروري واحترامي...

مطنوخ

 

 

 

 

[معلومات العضو لين]

الأخ خميس الغييثي
شكراً للنقل الموفق
صح لسان الشاعر الكايد
تقبل مروري

 

 

 

 

[معلومات العضو عبدالله الحافر الغييثي]

هلابكم جميع وشاكر ومقدر
والله يوفقني لرقي الى ذوقكم الرفيع

وتسلمووووووووووون

والله لايولي علينا من لايرحمنا يامطنوخ
ههههههههههههههههههه