سليمــــــان الســـــديـــري

[معلومات العضو أبوفهيد الودعاني]

السلام عليكم ورحمه الله وبركاته


الاخوه الاعضاء والزوار الكرام


هذه قصيده للمرحوم / سليمان التركي السديري ينصح بها ابنـــه فيصل .. واتمنى ان

تنال اعجابكم :

أشوف ديّاني وقف لي على الباب=يبي الوفا منيّ ويطلب حسابه
ماينسيّ دينٍ تقفّاه طلاب=الدين مايوفيه كثر الطلابه
يافيصل أودعّك توديع الاحباب=لاتحتريه انّه يجي من غيابه
غيبة دهر ماهي شهر عدّ وحساب=في مظلمٍ ينهال فوقي ترابه
ابيك ماتجزع وتفزع وترتاب=انّ جاك من ينعي ويشلع ثيابه
عمر البكا مافاد حيٍ ولاثاب=لوّ سرّ غيرك كان سرّ الندابه
اعزم وشم وأصعد من المجد مرقاب=واطلب لبوك انّه يخفف عذابه
وعليك بخوانك وربعك والاقراب=حقيّ عليك مواصلك للقرابه
ومن بينكم لاينقل الهرج سبّاب=ترى دمار الدار نقل السبابه
ومن الرجال الى تخيّرت الاصحاب=تخيّر اللي مايغيّر جوابه
مغلاق باب الشر حلال الانشاب=زبن الدخيل الى تنصىّ جنابه
وابعد عن الدوني ولوّ مرةٍ طاب=لزوم يظهر لك مرادٍ عيابه
وانصى الرجال الى تخيّرت الانساب=كل يعوّض به يكون النسابه
وانشد عن المزبي ترى العرق جذاّب=عرق الردى لابد يجذب جذابه
بلغتك الاعلام من غير نجّاب=والحر يعرف من خطاه وصوابه

 

 

 

 

[معلومات العضو تركي ال فنيس]

بيض الله وجهك يالبراق وصح السان الشاعر والسانك يالقرم

متألق دايماااااااااااااا البراق مبدع في طرحك

 

 

 

 

[معلومات العضو الودعاني]

لاهنت يالبراق على القصيدة وكلن بيقضي دينه

 

 

 

 

[معلومات العضو محمد البدراني]

السلام عليكم ورحمة الله وبركاته :
شكراً لك اخي الكريم على هذا المقال ^_*

 

 

 

 

[معلومات العضو العاصف 15]

أخي البراق

بيض الله وجهك وصح لسانك ولسان الشاعر / تركي السديري

لقد اخترت المفيد ووفقت وابدعت

ومن الرجال الى تخيّرت الاصحـاب =تخيّـر اللـي مايغـيّـر جـوابـه
مغلاق باب الشـر حـلال الانشـاب =زبن الدخيـل الـى تنصـىّ جنابـه

[font=Arial Black]تحياتي لك يالغالي[/font

]

 

 

 

 

[معلومات العضو ثامر البدراني]

صح لسان شاعرها الله يرحمه

والله يعطيك الف عافيه على النقل يا مبدع

وتقبل مني احلى تحيه

ثامر البدراني

 

 

 

 

[معلومات العضو أبوفهيد الودعاني]

تركي الودعاني


الودعاني


دوسري ولي الفخر


العاصف


ثامر البدراني


حياكم الله جميع ومشكورين على المرور والتعقيب


تحياتي لكم ،،،