فدوه لطه

[معلومات العضو سماري]

[دوك التحضر تمادى شايل (ن) غيّه = والشر كشّر عن الخافي والاسناني
بس كيف يضحى الشتم في صورة رسميه = واللي شتمنا تحرسونه بالاعياني
تجريحنا في نظركم صار حرية = ومن جاس منا طرفكم صار طوفاني
يخسى اللذي قال منكر قولت أمية = مدحور مذموم مقطوع النبا جاني
الدين خط (ن) حمر ميّه على ميّه = واللي تعّداه عديناه كالفاني
ماحنا عروق (ن) قليل العد واشويه = حنا شعوب (ن) تحيل القفر بنياني
رهبان بالليل بس قلوبنا حيّه = بالصبح شجعان وطول الليل فرساني
حريبنا يرتعد ويلازم الفيّه = يحتاس من ذكرنا يغشاه دوفاني
وفي السلم تلقى التعامل صيغه عصريه = محد (ن) يضاهي فعلنا طول الازماني
وعشنا بوهم يوم عديتونا محميه = وشعوبكم تحصد الخيرات الواني
ومدينا لكفوف وقلنا صفحه منسيه = وقلوبنا تدمح المخلوف نسياني
بس التجني جرا من جاهل (ن) عيّه = لا يعتذر بالخطا يعلنه اعلاني
هو مستخف (ن) بنا وفعوله معنيّه = والا التعلي طغا من حقد الادياني
الشاهد احنا نسوم الروح مفديّه = فدوه لطه نبي القاصي والداني
كود التحضر يزيح العج عن غيّه = ويعيد رسم المواقف قدر الامكاني [/LEFT][/CENTER][/RIGHT][/CENTER]

 

 

 

 

[معلومات العضو العماني]

صح الله لسان الشاعر ولاهنت اخوي سماري

تقبل تحياتي،،

 

 

 

 

[معلومات العضو سماري]

الشاعر هو نفسه الذي شارك بهذه المساهمة .. تحياتي

 

 

 

 

[معلومات العضو أبونواف الدوسري]

صح الله لسانك ولاهنت يا سماري .

تقبل تقدير وأحترام

أخوك أبو نواف الدوسري

 

 

 

 

[معلومات العضو سعد هذال آل جيعان]

صح السانك يالسماري وعساك على القوه تقبل تقدير واحترامي أخوك \ سعد ال جيعان الغييثي الدوسري