قصيده --الولد وان طاب قالوا من خواله-للشاعر راشد بن حسن الذيب العجمي

[معلومات العضو المجمول]

قالها إبن الذيب من هاجوس باله=كلمةٍ يلعب بهـا والبـال زينـي
قالها يومه طرالـه مـا طرالـه=من هواجيسٍ تشيب المرضعينـي
غرّني بعض الرجال بكثر مالـه =مادرى إن الموت في حبل الوتيني
كيف ينفعني وبعض الناس خاله =ما يدوم البيت كان الساس طيني
ماش وين اللي عوايده الشكالـه=مثل إبن ظافر حمد ليته يجينـي
الثنا والجود دايـم فـي خيالـه =علّمه ظافـر سلـوم الطيّبينـي
جـوّد العليـا ولزّمهـا عيالـه=وأدركوا من علمته دنيا ودينـي
واهني من باع حظّه وإشترالـه=سار في درب النبي وأخزا اللعيني
موقفـه ماكـل رجّـالٍ ينـالـه=ومن بغا ممشاه يقعـد مرّتينـي
وكم ذبح من حايلٍ من حر مالـه=وعادته لطمة خشوم العايلينـي
حالفٍ ماخذ على الطرقي ريالـه=وبالثلاث محرّم إنها مـا تجينـي
لا لقيت اللي على السكّه لحالـه =يلتفت ويقول : وين المستحينـي
أوقف الموتر حيا وأبغا الجمالـه=يوم ولد اللاش وجهه ما يلينـي
والطمع في كرّوة الرجلي رذالـه=خصّ به وإن جا مجال الغانميني
والردي في حالةٍ ماهيـب حالـه=يا عوينه مـن كـلام الطيّبينـي
الولد وإن طاب قالوا : من خواله=بالخوال يسـال قبـل الوالدينـي
وأركبه لعيون من زيـنٍ دلالـه=ما تحاكوا في قفـاه الرامسينـي
ما بغى غيري وأنا مابغا بدالـه=قاعدٍ لي بالرجـا مـدّة سنينـي
ما قعدنا فالعمل نبغـا الرزالـه=ناخذ العليـا طريـق الفايزينـي
وأشرب الفنجال وأكـب البيالـه =تابعٍ سلمـي سلـوم الأولينـي

 

 

 

 

[معلومات العضو الصخيبري]

صح السانك والسان الشاعر

 

 

 

 

[معلومات العضو المجمول]

مرحبا ومسهلا يالصخيبري ومشكوور ولا هنت على المرور
ولك الود والتقدير
اخوووك
المجموووول

 

 

 

 

[معلومات العضو فالح الشكره]

سلمت يالمجمول وسلمت يمينك على نقل القصيده الجزله اللي نادرا ماتلقى احد مايحفظ البيت اللي ذكرت بالعنوان وانا عندي قصيدة الدوسري في ابن حسين الزعبي على وزن قصيدة الذيب فارجوا ان تسمحلي بالمداخله

راكب اللي لامشى تومي حباله=لانوى له ديرة جاها بحين
انص خر الذيب عندي له رساله=عندنا مثله ربوع طيبيني
عندنا بن حسين يفعل ماطراله=يركب الطرقي وهيف للسمين
كم نقله خبرة من حر ماله=لا لقاهم بالخلا متعطليني
ضوهم ضوه وكيفتهم دلاله=شوف عيني واشهدوا يالحاضريني
جعل يفداه الردي راعي البياله=شارب الشاهي وربعه جالسيني
والولد فان طاب طيبه من خواله=وان تردى فاعرف انهم خاينيني
مشتهر بالطيب لا من جا مجاله=يطلب العليا بها فعله يبيني
الصبي وان طاب طيبه من حلاله=والمراجل ذبحة الشاة السمين

 

 

 

 

[معلومات العضو عبدالرحمن الشرافي]

اخوي / المجمول


الله لا يهينك ولا شلت يمناك على نقل هذه القصيدة الجزلة والشهيرة


وتصحيح لما ذكره اخوي / فالح الشكره

فإن ابن حسين المقصود بالقصيدة هو ابن حسين المصارير الدوسري

وهذه ايضا قصيدة للشاعر : مسعود بن عنبر الصخابره ....

مجارة لبن الذيب

يقول فيها :

ابن خر الذيب يطرا لـه جمالـه=عندنـا مثلـه ربـوعً طيبيـنـي
عندنا ابن حسين يفعل ماطرالـه=يلطـم العايـل وهيـفً لسمينـي
كم نقله خبـرهً مـن حـر مالـه=لا لقاهـم بالخـلا متعطليـنـي
ضوهم ضوه ودلالهم مـن دلالـه=شوف عيني وأسمعوا يااحاضريني
الولد وان طاب طيبه من عمامـه=وان تردى فعرف انهم خايبينـي

- ابن حسين : هو دوسري من المصارير من اهل الهدار كان تاجرمشهور راعي حملات للجنوب

وكان مشهور بمسااعده الناس اللى يلقااهم في دربه ومعااونتهم على اتعاب الرحيل


تحياتي

 

 

 

 

[معلومات العضو المجمول]

مرحبا بشيخ الشكره وقرم الشرافاء-----ترحيبه(ن)يطربها كل زيزوووم

والله انه يوم العيد ويوم السعد بمروركم يالقرووم على المشاركه البسيطه ومشكرين وماقصرتوا على التوضيحات والزيادات اللي والله اجلها ويجهلها البعض ودايم علومك طيبه

تقبلوا فائق احترامي وتقديري
اخوووووكم
المجــــــــــــــــمـــــول