سلامي على اللي لحيته مايجيها الموس**ولاشجـع الكـورة وصفـق للاعبـهـا

[معلومات العضو الصقر الحر]

بدينا بذكر اللي خلـق جنـة الفـردوس = خلقهـا وبيـن فـي كتابـه مراتبـهـا
قريب مجيب يعلـم السـر والهاجـوس = ومن حكمته سير الفلـك مـع كواكبهـا
الله خلق كل البشـر رئيـس ومريـوس = خلقهـا وفـي يـوم القيامـة يحاسبهـا
سلامي على أهل الدين كسابة النامـوس= سلامـي عليهـم عـد ذاري هبايبـهـا
على منهج التوحيد نأخـذ عبـر ودروس =دعـاة العقيـدة ماتقـصـر بواجبـهـا
سلامي على اللي لحيته مايجيها المـوس= ولاشجـع الكـورة وصفـق للاعبـهـا
على سنة المعصـوم ماطـول الملبـوس= عفيـف جنابـه والمعاصـي مجنبـهـا
يقرأ الكتاب ولايدانـي أهـل المنكـوس= كمل بالصفـات الطيبـة مـن جوانبهـا
فعله رفع رأسـه مـع رأفعيـن الـروس= تقدم على كسـب المعالـي وفـاز بهـا
ترى راعي الطاعات عاداتـه النامـوس = علـى طاعـة المعبـود نفسـه مدربهـا
أنا أشوف بعض الناس في سيرته دنفوس = حريمه مع السـواق دايـم يـدوج بهـا
يشري لها الموتر وسواقهـا الهنـدوس = ولايشنـده لاراح متـى يـعـود بـهـا
وفي منزلـه خدامـة تعبـد الجامـوس = تربـي وراعينـه علـى خبـث مذهبهـا
وفي البيت تلفاز عليه الجميـع جلـوس= على شاشتـه كـل المعاصـي يجيكبهـا
والنوع الآخر في المكاسب ضعاف نفوس = مشوا في الربـاء ماحسبـوا مصايبهـا
شباب على درب الردى يدفعون فلـوس= شرى غرشة الويسكي علشان يشربهـا
ولابغى يسهـر كـل الحبـة أم القـوس = أحبـوب خطيـرة والمراجـل تخربـهـا
عيال الحمايل جوا عقب الحبوب تيـوس= وكم واحدا باع الشـرف مـن سبايبهـا
خذ العز من رأسه برجله يدوسـه دوس = جميـع المصائـب مايحسـب عواقبهـا
علامة شربه للزقايـر سـواد ضـروس = علـى فرتـه حـط النجاسـة وجاكبهـا
وصلاة ربـي عـد ماذعـذع النسنـوس = على المصطفى المختار عابـر سحايبهـا

القصيدة الواحد عصيمي
أخوكم
الصقر الحر

 

 

 

 

[معلومات العضو سلطان القحطاني]

السلام عليكـم ..

أخـوي الصقـر الحـر

يعطيك العافيه على نقلك الرائع

و عندي تصحيح يالغالي

القصيده لـ شاعر من ال عاطف الجحادر من قحطان

تقبل تقديري

 

 

 

 

[معلومات العضو عبدالرحمن الشرافي]

اخوي الصفر الحر



الله لا يهينك على ذكر هذه القصيدة الجزلة



ولكن القصيدة ما اظن انها لعصيمي


وعندي مجاره لها من الشاعر / سعود بن شعيفان الدوسري


بنزلها قريبااا





ولكم مني فائق الشكر والتقدير

 

 

 

 

[معلومات العضو الصقر الحر]

أخوي سلطان القحطاني أشكر على مرورك الطيب

والقصيدة الشعر / مهنا بن سعد العصيمي

 

 

 

 

[معلومات العضو الصقر الحر]

أشكرك أخوي العزيز عبدالرحمن الشرافي على مرورك العطر

والقصيدة للعصيمي مهنا بن سعد

أخوك

الصقر الحر

 

 

 

 

[معلومات العضو سلطان القحطاني]

دليلك طال عمرك هاته وولا تهون

تقديري

 

 

 

 

[معلومات العضو يحيى الودعاني]

تسلم يمناك أخوي الصقر الحر
وبيض الله وجهك على النقل الطيب


وصح لسان الشاعر

 

 

 

 

[معلومات العضو العقيد]

أخواني الأعزاء الصقر الحر . وسلطان القحطاني.
وجميع الأخوان.


القصيدة هذه معروفه. منذ وقت بعيد.

وهي الشيخ الداعية/ حمود بن منديل بن حقطان ال وثيله.

أما من ينسبها لغيرة فهذا كلام عار من الصحة .

وأرجو من الأخوة الذين ينسبونها لغيره أن يأتوا بمايثبت كلامهم.

مع تقديري للجميع.

 

 

 

 

[معلومات العضو ابوعبدالرحمن الودعاني]

	صح لسانك ولسان الشاعر وبيض الله وجهك على إيرادها في هذا الصرح الشامخ ولا أخفيك إني فرح جداً بهذه القصيده!!

 

 

 

 

[معلومات العضو الصقر الحر]

أخوي سلطان القحطاني اللي أعرفة عن القصيدة قلته

أخوك

الصقر الحر

 

 

 

 

[معلومات العضو الصقر الحر]

أشكرك أخوي يحيى الودعاني على مرورك العطر

أخوك

الصقر الحر

 

 

 

 

[معلومات العضو الصقر الحر]

أشكرك أخوي العقيد على مرورك

أخوك

الصقر الحر

 

 

 

 

[معلومات العضو الصقر الحر]

أخوي الغالي عبدالرحمن الودعاني صح بدنك

والله أني فرحان يوم أعجبتك يالغالي

أخوك

الصقر الحر