اطلب عسى الجنه منـازل "مطيـره"............

**معلومات** **العضو** · 18-02-2006, 09:31 AM

في هذه القصة تبين اختلاف طبايع الحريم كما تختلف بالتأكيد طبايع الرجال
صاحب القصه: محمد الفهيد الروقي من عتيبه
وقصة زواجه على (مطيره)
فقد كان محمد متوجه الى بلدة قصيبه ليحضر بعض الغريس والنخل وهو في طريقه مع اخوياه ووضعوا غداهم وكان عباره عن قرص مفروك بسمن وكان بقربهم امرأه ترعى لايعرفونها قدموا لها قطعه من القرص لكنها رفضته فتركوه لها على الشجره.
وبعد أشهر رجعوا من نفس الطريق فوجدوا القطعه مكانها ما لمستها، فتعجب بن فهيد من امرها وكيف شامة نفسها مما يدل على انها من بيت رفيع فسأل عنها فأخبروه انها بنت بن سبيله من عبده (احد فخوذ شمر) فخطبها من ابوها فتزوجها.
وبعد الزواج ولاها كل شي الطعام والزاد والمفاتيح فكل شي تقوم بتدبيره فعرفت نفسيته معرفه تامه فاذا جاهم ضيوف ارسلت احد العبيد يسأل من يكونون وكم عددهم ومن زعيمهم وتحط لهم على قدر مكانتهم وزوجها مع ضيوفه يؤانسهم بالسوالف ولا يتحرك من مكانه لعلمه انها تقوم بالازم بدون توجيه.
وفي يوم لفى عليه ابن سليم من عنيزه ومعه خمسين من الرجال فبقي معهم طيلة الوقت لم يتحرك حتى قدم لهم الذبائح وكان طيلة ذاك الوقت بمكانه مع الرجال.
وبعد عامين مر ابن سليم ومع خمسه فقط من الرجال على ابن فهيد وبعد ان سلم عليهم ورحب بهم لكن هذه المره كان بن فهيد على غير عادته فكان يدخل البيت كل ساعه ولم يجلس معهم كما السابق فاستغرب بن سليم دخوله وخروجه على غير عادته وبعد ان اكرمهم ووادعهم قال له بن سليم: يامحمد ابنشدك عن شي في بالي
انت هالسنه غير، منت مثل اول؟
قال محمد: وقف انا بعلمك، انت جيت وكان معك خمسين وانا ماتركت المجلس ابد
وهالسنه تشوفني داخل وطالع للبيت والسبب ان زوجتي الاولى توفت وزوجتي الثانيه ماتعرف التدبير الا لما اقولها واسمعك هالابيات اللي قلتها بزوجتي الاولى مطيره:

اطلب عسـى الجنه منـازل مطــــيره =حيث ان بها طبع على البيض ماصار
ما معجـبـن زينه ولو هي نظــــــيره =قـــصدي تـنـومـسي الى جون خطار
مـع زيــنتها الوافــي بها زود سـيـره =دبــــره وعـــرف وكـل شــي بمقدار
لاجو على هجن من ارض الجزيـره =تعومسوا عنهم رديـــيـن الاشـــــوار
ان جـيـيـت للمطبخ ايلا فيه نــــيـره =تــلقى الحطب عندها تقـل شغل نجار
ماهــيـب مثل هــالــدعـلة المستديره =يجـي العــتــيـم وطامي الــقدر مافـار
يــــدلاك وين اللي خطـاهــم قصيره =مـن جـيتــه ما قـط طلعت مـن الـدار
ياعنك مايســــمـع نبــــاها قصـــيره =ولاقط شــفـت الغيـض منها والاكدار
الا ومع قصـرة اخطاها ســتيــــــره =جــتنا وراحـت ماسـمع صوتها الجار

انتهت القصه.
منقول،، وسلامة الجميع.
وتقبلوا خالص تحياتي.

**معلومات** **العضو** · 18-02-2006, 11:08 AM

**معلومات** **العضو** · 18-02-2006, 11:20 AM

الاخ صالح

لاهنت على هذه ا لقصه

**معلومات** **العضو** · 18-02-2006, 01:22 PM

الا ومع قصـرة اخطاهـا ستيـره=جتنا وراحت ماسمع صوتها الجـار

صح لسانه

هذي المره ولا بلا

عسا الله يزقنا النشيمه الصالحه

ابيض وجه يا صالح الجعيدي على النقل المتميز وعساك على القوه

**معلومات** **العضو** · 18-02-2006, 02:25 PM

لاهنت ياصالح على القصه
وعساك على القوه

**معلومات** **العضو** · 18-02-2006, 02:31 PM

الغالي: ابن فادر: و لا أنت يالقرم. ولا شكر على واجب.
الغالي: أبومشاري: و لا أنت يالقرم.
الغالي: ابن وتيد: الله يقويك وما عليك زود. عسى الله يلبيك طلبك يالقرم.

[line]

مــــروركم شــرف يالنشاما.
وتقبلوا خالص تحياتي.

**معلومات** **العضو** · 18-02-2006, 04:52 PM

اخوي وابن عمي / صالح الجعيدي

تسلم تسلم تسلم ولا هنت ولا هان راسك

بيض الله وجهك اجدت النقل والاختيار

وبن فهيد هو من الاساعده من الروقه من عتيبه وهو راعي الاسياح المشهوره مدينه بالقصيم.

اخوك / وسام العصا

**معلومات** **العضو** · 18-02-2006, 06:41 PM

اقتباس:

المشاركة الأصلية كتبت بواسطة ابن ربيّع

لاهنت ياصالح على القصه
وعساك على القوه

أخوي الغالي: ابن ربيع،، ولا أنت،، والله يقوي الجميع.
مرورك شرف يالنشمي. وتقبل خالص تحياتي.

**معلومات** **العضو** · 18-02-2006, 06:48 PM

اقتباس:

المشاركة الأصلية كتبت بواسطة وسام العصا

اخوي وابن عمي / صالح الجعيدي

تسلم تسلم تسلم ولا هنت ولا هان راسك

بيض الله وجهك اجدت النقل والاختيار

وبن فهيد هو من الاساعده من الروقه من عتيبه وهو راعي الاسياح المشهوره مدينه بالقصيم.

اخوك / وسام العصا

من قال سالم. و لا تهان ويسلم راسك. وجهك أبيض أخوي وسم العصا.
أشكرك على المعلومة.مرورك شرف لي ولمتصفحي.
و تقبل خالص تحيات أخوك ومحبك في الله/ صالح الجعيدي

**معلومات** **العضو** · 20-02-2006, 07:46 AM

الاخ صالح الجعيدي

لاهنت يالقرم على النقل المميز

وهذه قصه فعلا تبين الفرق بين الحريم

مشكور وعساك على القوة ودمت بهذا التوهج

تحياتي لك

محب الجميع

**معلومات** **العضو** · 20-02-2006, 07:55 AM

اقتباس:

المشاركة الأصلية كتبت بواسطة دغش البطي

الاخ صالح الجعيدي

لاهنت يالقرم على النقل المميز

وهذه قصه فعلا تبين الفرق بين الحريم

مشكور وعساك على القوة ودمت بهذا التوهج

تحياتي لك

محب الجميع

و لا تهان ،، ولا شكر على واجب ،، مرورك شرف لي يالنشمي.
وتقبل خالص تحيات أخوك ومحبك في الله/ صالح الجعيدي

**معلومات** **العضو** · 22-02-2006, 12:08 AM

لاهنت يالقرم على المشاركة الجميلة

وبيض الله وجهك يالقرم .

**معلومات** **العضو** · 24-03-2006, 09:02 PM

اقتباس:

المشاركة الأصلية كتبت بواسطة فهاد

لاهنت يالقرم على المشاركة الجميلة

وبيض الله وجهك يالقرم .

من قال ما يهان ،، وجعله ما يشين وجهك يالنشمي. مرورك شرف.
وتقبل خالص تحيات و تقدير أخوك ومحبك في الله/ صالح الجعيدي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

		منتديات صحيفة وادي الدواسر الالكترونية