الشـِــيخـه !!

[معلومات العضو سعد الموقي]

هذي قصيدة تشرّف بألقاءها أمام الامير / محماس بن مصيبيح آل قويد . وأبناءه . مهدي بن محماس بن مصيبيح آل قويد .. ومصيبيح بن محماس بن مصيبيح آل قويد .. حين شرّفونا في مجلسنا

أترككم معها

من باب تقدير الكرام إن وجبّـو . داع الكرام = والطيّبه بين النشاما .. ما يغيَّر لونها
يا بو مهدي .. يا مرحبا ترحيبة ٍ كنها الغمام = تباشر إبها البدو . لا قامت تخيل امزونها
تسيّل الواد الكبير .. وتروي كبود الحيام = اللي لها مدّة .. وجمرتها على غليونها
يا شيخ ! انا في خاطري كلمة .. لها تقريب عام= كلمة رجل ليا نطقها ؟ كلكم توحونها
الحق ؟ لا غمِغم ظهَر .. والنور ! جلاّي الظلام = والصدق ؟ وقفة حق .. والاجواد ما ينسونها
الشيخة اللي جات في ضرب المشوّك . والحسام = ماهيب معروضه على العالم ! لأجل يشرونها
لا والله إلا ورث جد وعَد .. مافيها كلام = ماهيب ختم .. وحطّها واشتالها .. بمتونها
وانا ما أحب التفرقه .. ولا أؤيّـد الإنقسام = مير العرب .. قامت على ربعي تلّد عيونها
ياربعي اللي طيبكم طيب ومواقفكم جسام = في خاطري بيتين .. والبيتين ؟ ذا مضمونها
حنّا الدواسر .لا احتمى الميقاف ثم ثار العسام = إنقلّع سنون الذياب اللي تحّد سنونها
حنّا هل اليوم العبوس اللي يجي صبحة ظلام = دون إبلنا قبل أرضنا .. حن درعها وحصونها
خيّل صخاف الشول إبن مسعر .. عليّه بالحرام = إنّا نوّقف دونها .. ولو نذبــَّـح دونها
أما خذينا من شعيل النصر .. فالكون ؟ السنام = ولا حرام .. أم الجديل اللي تفلّ قرونها

تمتّ

 

 

 

 

[معلومات العضو الشقرديه]

صح لسان الشاعرعلى القصيده الجميله ويستاهلون المدح والف شكرلنقلك المميزلاهنت تحياتي الشقرديه

 

 

 

 

[معلومات العضو سالم بن صمهود]

الحق ؟ لا غمِغم ظهَر .. والنور ! جلاّي الظلام=والصدق ؟ وقفة حق .. والاجواد ما ينسونها

الشاعر سعد الموقي صح الله لسانك وسلمت بنانك
وابن مصيبيح شيخ ومن شيوخ ادام الله عزهم على الطاعه

 

 

 

 

[معلومات العضو مبارك الخييلي]

	صح ألسانك وبيض الله وجهك ولاهنت ووالله أنها جزله جزله تسلم يمينك تقبل مروري

 

 

 

 

[معلومات العضو راعي البرصا]

الشاعر سعد الموقي صح الله لسانك

 

 

 

 

[معلومات العضو أبو عبد السلام]

صح لسان الشاعرعلى القصيده الجميله

و شكرا لك على نقلك المميز

تقبل تحياتي ،،،،

 

 

 

 

[معلومات العضو أبونواف الدوسري]

الشاعر سعد الموقي صح الله لسانك وسلمت بنانك

وابن مصيبيح شيخ ومن الشيوخ ادام الله عزهم على الطاعه

وفقك الله ورحم والديك

 

 

 

 

[معلومات العضو مصيول]

صح لسانك ويستاهل بن قويد
لاهنت

 

 

 

 

[معلومات العضو سعد الموقي]

الشقردية ،


حياك الله وصح الله بدنك

 

 

 

 

[معلومات العضو سعد الموقي]

سالم ابن صمهود



صح بدنك وتسلم على الكلام الطيّب

 

 

 

 

[معلومات العضو سعد الموقي]

مبارك الخييلي .،


صح الله بدنك ولاهنت على المرور

وتسلم على الكلام الطيّب

 

 

 

 

[معلومات العضو سالم الحراجين]

الحق ؟ لا غمِغم ظهَر .. والنور ! جلاّي الظلام=والصدق ؟ وقفة حق .. والاجواد ما ينسونها

الشاعر سعد الموقي صح الله لسانك وسلمت بنانك
وابن مصيبيح شيخ ومن شيوخ ادام الله عزهم على الطاعه

 

 

 

 

[معلومات العضو السفاح {المسعري}]

سعد الموقي ........




قصيدة وافيه وانت من نسل شعراء معروفين في الجزيرة العربيه كلها .....


ولاهنت يالرويعي ... ويستاهل ابن قويد

 

 

 

 

[معلومات العضو بدر ابن نايف]

السلام عليكم


الله الله


كفو

كفو


مديحين ووافين

صح الله السانك
ولاهنت يالقرم


تقبل

تحياتى

 

 

 

 

[معلومات العضو ابن قـويـد]

الحق ؟ لا غمِغم ظهَر .. والنور ! جلاّي الظلام

والصدق ؟ وقفة حق .. والاجواد ما ينسونها

الشيخة اللي جات في ضرب المشوّك . والحسام

ماهيب معروضه على العالم ! لأجل يشرونها

لا والله إلا ورث جد وعَد .. مافيها كلام

ماهيب ختم .. وحطّها واشتالها .. بمتونها

وانا ما أحب التفرقه .. ولا أؤيّد الإنقسام

مير العرب .. قامت على ربعي تلّد عيونها

>>>>>>>>>>>>>>>>>>>>>>>>>>





وعند هالبيت وقفت طوووووويلاً :

وانا ما أحب التفرقه .. ولا أؤيّد الإنقسام

مير العرب .. قامت على ربعي تلّد عيونها




سعد والله انك شاعر وقسم بالله ان هالقصيدة من اجمل ماقرأت من المدح وحسيت انك تبي توصل شي في بالك للمتلقي ,,,,







حي ذالراس ياسعد هذي الحميه على ربعك اللي يستاهلون العلم الطيب واهل الشيخه ,,,,,


جعل يمينً كتبتها مايجيها العطب وجعل بوحً كتبها يكتب غيرها لكي نرتوي شعراً جزلاً بمعانيه ومفرداته,,,,


فأنت حفيد الشعر كابراً عن كابر وانتم أساس الشعر في تلك العائله المباركه ,,,,,