غـــلااا البــنت ... عــند ابــوهــااا ........؟؟

[معلومات العضو المـزوون]

الســــــــــــلااااااااااااام عــــــــــلاااااااااااااااكم ..

قصـــه قريـتها وعجبــتني .. وحبيــت انقــلها لــكم .. وذي القــصه قـد قايلها الراوي .. محمد الشرهان .. واللـه تحزن .. عورت قلبي .. يوومـني سمعتها مـنه .. بس انا جبتها لكم .. مكتوبه .. ماهيب .. مسموعه من صوت الراوي لاني مالقيــتها ..

وانشـالله انها تعجبــكم .. وســامحوونا على القــصوور ..


قصة وقصيدة....(( غلا البنت عند أبوها ))


هالشاعر من شعراء السرمن أهل بلدة جفن توفي عام 1356 ..واسمه .. عبدالله بن علي .. الدويرج ...

هالشاعر يوم كان شباب كان يشتغل في النخيل وبعد ما كبر صار يشتغل في البناء والطين هذا الشاعر عاش في ...

منطقة السر وتزوج في أول شبابه وجاه ولد ولا قعد عنده طير مثل هالعيال اللي يطيرون ..راح واستقر في ..المنطقة الشرقية .. وجلس هالرجال فتره ما عنده أحد ولا عنده حرمه ولا هاك الحرمة الصالحة الدينه اللي ..متوفي عنها رجلها تقدم لها وخذها وهو على كبر ويوم خذها ولاها حرمة ذربه وفيها دين وضفره بالحيل وبعد ....

فتره رزقه الله هاك البنية من هالمره ... وبدت البنية تكبر ودائماَ البنت لها حنان خاص من أبوها والبنت دائماَ ...

الطف من الولد المهم كبرت البنت .. والحاصل يالربع أن هالرجال في هالبيت عنده هالمره مدللته وماشاء الله..

عليها ضفره وسنعه تسوي قرصان وجريش هالجريش اللي ما شاء الله ...وكبرت وصار عمرها 13 مربيتها أمها على الضفاره والذرابه صارت هي اللي تقابل أبوها إذا جاء وهي اللي تقهويه...

و فيها جمال يهبل هاك المبسم اللي يالله تدخل معه العنبه...عاد كثرو العيال اللي يتسنعون ويتملحون

عند أبوها اللي يسلم عليه في ..المسجد واللي يحب رأسه واللي يقول تأمر شي ياعم أنا ولدك اللي ما تعبت عليه ويا كثر هاللي يحببون رأسه

والله ياجبهته أنحفرت من التحبيب كلن قام يتكلم ما شاء الله تبارك الله يابنت عند عبدالله بن علي بن دويرج

المهم يالربع كبرت البنت وصار عمرها 16 وصارت هي اللي تقهوي أبوها وطيبه اذا بغا

يروح المسجد وتولم بشته عاد صار أبوها معتمد عليها في كل شي .. الحاصل يوم جاء يوم من الأيام الله لا يعيد الشر ..ولاها أيام شتاء مثل وقتنا الحين جاء هو بعد صلاة العشاء ولا حرمته شابه الجمر وحاطه عليه مركب أبوثلاث رجلين ..جنبه الدله وبريق الحليب قالو ..تبي نصب لك قهوة وإلا حليب قال اللي تبون ... قامت الأم وصبت له

حليب يوم رشف الحليب قال كأنه بارد قالت لا نسخنه الحين قال قومي وأنا أبوك روحي جيبي لنا حطب عويدات ...

رمث ولا تجيبين طوال مره جيبي عويدات تدخل تحت المركب قامت البنت وخذت السراج وراحت للحوش تبي ...

تلقط حطب وقامت تلقط عويدات على قول أبوها تدخل تحت المركب ولا توها ملقطه ثلاث أو أربع وتلقى هاك

العود طويل بالحيل جت تبي تكسره على ركبتها وطق السراج وينجعف وينكب قازه ويطفي قامت هي تلمس في

الحطب يوم تلمست يا دافع البلاء وتقرصها حيه مع أصبعها وتجي معوده وتصبر وتألم ماتبي تبين لابوها وأمها ماتبي تزعجهم ...

المهم راح أول الليل ولا يوم كاد عليها الوجع وقامت تقلب وتسدح مع الألم وتفزع الأم

ويحطون هاك التمرة وعجين تمر ومدري وشو يبغونه يفيد يوم يومين ويوم جاء نهار ثالث وهي توفى....

ولا يوم أنحشت كبد الأبو وقعد أربعة أشهر مثل الجرح قاطب على صدره كل ما ذكرها يتزفر هاك التزفر الله يجيركم ....

أن ناظر الباب هذا تذكرها يوم أنها واقفه عنده وتذكريومها تقلط له الغداء ويومها تقهويه .

عاد قال هالقصيده وهي من قصائد.... الرثاء..




عفى الله عن عين(ن) حلى النوم جافيها ** كراهــا قليل وذارف لدمـع محفيهــــا

إلى قلت الا ياعيـن هيــدي وهـــــــودي ** جرى دمعها الصافي وهلت عباريهــا

تبين فــروع الصبــح ما ذاقت الكــــرى ** ولا لوم عين(ن) فارقت شوف غاليها

ولا زل يـــــوم أو ليـــــله ما تعبــــــرت ** على النـــوح أعزيها ولاني بقاويهــــا

وأنا في زجا جزل العطـــا عالم الخفـــى ** يلطف بحـــال(ن) خافي الهم باريهـــا

على نـــور عينـي لب قلبـــي ومهجتــــي ** تحن الضمــــايركل ما حل طاريهــــا

حنين الخلـــوج اللي عن الظــير فـــاختت ** إلى غاب عنها ساعة(ن) ما يباريهـــا

وأنا كيف ما أبكي طفلة (ن) غضة الصبا ** حورية(ن) سبحان رب(ن) مسويهـــا

نشت بالهـــدى والدين والحــــق والبهـــــا ** فالــو طالت الأيــــام ما نيب ناسيهــــا

فيهــــا طــــبــوع (ن) كامـــلات حميــــده ** حنون على الجيـــران وصار عانيهــا

عفيفــــة نظيفـــة جيب ما داست الخطـــــا ** ولا هوجست بالمـذهب اللي يرديهــــا

حشـــــا ما بهـــا من خافــي العيــب ذارب** سـواء حشمــــة الوالد فهذا فهو فيهــــا

كمل عمرها ثنتـيــن مع عشــــر وأربـــــع ** سـواء محترمهـا تسفهه لو يحاكيهـــــا

خذت هجنـــه(ن) فالبــيت عنــــدى قليــــله ** أمانـــه وخذهـا الخيــر اللي عطانيهــا

فـــلا نيب جــــــزاع فـــــلا شك ولعـــــــه ** أعرف الأمانــــة ما لها غير راعيهـــا

فايا ســامــع دعـــــواي في مظلم الدجـــــى** تمحــــي خطاياهـــا وتثبت حسانيهــــا

وتجعــــل لهـا في مجنـــة الخلـــد منـــــزل ** وتقطــف جنا جنـــات طيبة وتجنيهــــا

وتعـــــوظها فيمـــــا قصــــر من شبابهــــا ** برضــاك ياخــلاقهـــا وأنت واليهــــــا

ألهـــــــي ودودي دعـــوتـــي تستجيبهـــــا ** على النـــفس كلها من غــلاها نبديهــــا

ألا وتـكــــدر خاطــــــري من فــراقهــــــا ** ولــــو لا غــلاها ما تكلفــت راثيهــــــا

سمية دمــع المــــزن في غبــــــة البحـــــر ** سواء البنــك ما يدرك ثمنهـا ويشريهـــا

صلــــو على من لافتـــرى سيد الـــــــورى ** وأن مابــي إلايــــوم يطــــري سميهـــــا

صلـــو على من لافتــــرى سيد الـــــــورى ** عدد ما جرى من رايح المزن ودايهـــــا



وتقبــــلوو .. تقــديري .. مع التحيـــــــــه ...

خيــتكم .. المـزوون ..

 

 

 

 

[معلومات العضو صالح الجعيدي]

الأخت/ المـزوون ،، وعليكم السلام ورحمة الله وبركاته ،،،،
لا هنتي على إيراد القصة وقصيدتها المحزنة. أشكرك جزيل الشكر.
في انتظار جديدك ،،، مع خالص التحية و التقدير ،،،،

 

 

 

 

[معلومات العضو الصقر الحر]

وعليكم السلام

أشكرك أختي المزوون على هذه القصة و القصيده

أخوك

الصقر الحر

 

 

 

 

[معلومات العضو ابو سالم الغييثي]

بسم الله الرحمن الرحيم
مشكوووور ولاهنت علي مااا اديته من جوووود وبيض الله وجهك
مع تحيات
اخووووووك
ابو سالم الغييثي

 

 

 

 

[معلومات العضو المـزوون]

العفــو .. اخوي .. صالح الجعيدي .. يعطيك العافيه .. وتسلم على التواجد .. لاهنت ..

تقبل تقديري .. مع التحيــه ..

المـزوون ..

 

 

 

 

[معلومات العضو المـزوون]

العفـو .. اخوي .. الصقر الحر .. ويعطيك العافيه . وتسلم على التواجد .. لاهنت ..

تقبل تقديري .. مع التحيــه ..

المـزوون ..

 

 

 

 

[معلومات العضو المـزوون]

ووجــهك ابيض .. اخوي .. ابو سالم الغيثي .. والعفوو .. ويعطيك العافيه وتسلم على التواجد .. لاهنت ..

تقبل تقديري .. مع التحيــه ..

المـزوون ..

 

 

 

 

[معلومات العضو ابو زابن المسعري]

لا هنتي على إيراد القصة وقصيدتها المحزنة.

أشكرك جزيل الشكر.
في انتظار جديدك

مع خالص التحية و التقدير

 

 

 

 

[معلومات العضو عبدالرحمن الشرافي]

المزوووووووووون


لاهنتي على طرح هذه القصة الجميله والمعبره

ومشكووووووووووووووره على الذوق الراقي والاختيار الجميل




تحياتي

 

 

 

 

[معلومات العضو المـزوون]

اللـه يسلمك اخوي .. عبدالرحمن الشرافي .. والعفـو .. ويعطيـك العافيه وتسلم على التواجد ... حضورك الجميـل .. لاهنت ..

تقبــل تقديري ... مع التحيــه ..


المـزوون ..

 

 

 

 

[معلومات العضو رماد]

سادع شكري يتدفق بغزارة على هذا على اختياركِ الرائع ..
سلمتِ وسلم ذوقكِ ومدادكِ ..
تقبلي من أعطر التحايا وأنقاها .. دمتِ بروعتكِ

 

 

 

 

[معلومات العضو المـزوون]

سادع شكري يتدفق بغزارة على هذا على اختياركِ الرائع ..
سلمتِ وسلم ذوقكِ ومدادكِ ..
تقبلي من أعطر التحايا وأنقاها .. دمتِ بروعتكِ

العفـو اخوي .. سلطان الليــل .. وتسلم .. حضوورك الرائع .. يعطيــك العافيه .. واللـه يقويــك لاهنت ..


تقبــل تقديري .. مع التحيــه ..

المـزوون ..