حفل الدواسر الثالث في الكويت

[معلومات العضو محمد بن محسن بن حشفل]

مشاركة بمناسبة حفل قبيلة الدواسر الثالث في دولة الكويت في 1/1/1429هـ

بداية مابتدابه كل بادي=عليه ابدا بسم رب العبادي
نعظم قدرته ونقول يالله=بلطفك نطلبك ياخير هادي
توفقنا لمرظاتك وعفوفك=وتامرنا على درب الرشادي
ونرجي من عطاك وفيض جودك=تغيث القاع من غر الغوادي
سحابٍ لا نشاء ينهل وبله=يسيّـل مع مناحيه الحشادي
يعم اوطانا كلٍ بداره=بفضل اللي بزود الخير جادي
بعدها ابدي سلامي والتحيه=بريح المسك مع ريح الزبادي
على من شوفهم ذليل كنه=لنا عيدٍ من ايام العيادي
بجهد المنتدى اللي بان نفعه=نهج له منهج ٍ يحسب ريادي
لجمع الشمل واللي قايم ٍ به=رجالٍ في مساعيهم سدادي
وهي جمعا صلة رحم وتعارف=بعد ما صار كل ٍ في بلادي
أسودٍ دارهم وادي الدواسر=عرين ٍ ما طمع به كل عادي
بعضهم فيه واللي عنه راحوا=الى حلوا بدار صار وادي
بكل انحاء الخليج لهم مواطن=بعد ماحدهم مالوقت حادي
تنحوا يوم شحات المعوشه=وكل ٍ صاد خير ٍ واستفادي
ومعهم سمعة المجد القديمه=وكسب الطيب لاغلي المزادي
لاجت الاخبار لاحدٍ من طرفهم=الى انه راقي روس المبادي
دواسر فعلهم بالمدح ياسر=اهل الامجاد خطلان الايادي
رجال ٍ من على التاريخ الاول=تصون الحد وتضد المعادي
على القالات ومصالا الحرايب=رسوا والشره ينصونه عمادي
ياكم خصم ٍ شكا الضدات منهم=كسر ولا تعشته الحنادي
ايلوا باعدها الامثال واجد=مواقف مروية حدب الهنادي
هم الحصن الحصين اللي يزبن=الا يا سعد منهم له سنادي
اهل شيمه واهل كرم وشجاعه=واهل رايه واهل راي ٍ قيادي
واهل نخوه واهل خوه وجيره=مقاطع حق عراف ٍ عوادي
واهل غرس ٍ واهل ملك وحضاره=واهل حردٍ واهل سرد وعتادي
واهل حدٍ وسيع ما يوصف=مسايـيـل تنثر في حمادي
من الوادي الى الخرج وشماله=على ما حدر العارض قصادي
واهل علم واهل سلم وبداوه=واهل مارد واهل قفر ومنادي
هل ابل فالمهامل هم جنبها=من الحد المطرف ما تحادي
ينوسون الخطر في كل ديره=لا زاف العشب بحلول البرادي
ومعهم جارهم عصاه توسم=على عيون الملا يمشي عنادي
على مشهاة نفسه يهملونه=ولا حدٍ ينشده وين انت غادي
غداء سلم ٍ لهم بين القبايل=يوم ان الوضع من قدح الزنادي
نعد اللي سمعنا ونتفاخر=بعلم ٍ صدق ماهوب اعتقادي
بدون قصور في باقي القبايل=من اهل الطيب من حضر وبوادي
اقوله من مقامي خص هذا=بعد جينا ولبينا المنادي
لكم ياهل الكويت ويوم جينا=شعرنا بالفرح والكيف زادي
بدار اهل الوفاء دار الصباحي=لها بالفعل معروفٍ يشادي
بلادٍ ضيفت صقر الجزيره=ومنها اعلن مسيرة للجهادي
هذاك معزي اللي عز داره=بعد ما كان في حال النكادي
قضى مقدار عشر سنين نازح=وهو ما طاب له حلو الرقادي
جزع مما نظر ثم سل سيفه=وقال اليوم انا مالي قعادي
يبي دار شكت من عقب فقده=يراودها وهي باسمه تنادي
ورجع ما عاد طاوع للعذايل=مغل ٍ بايع ٍ روحه مفادي
معه سته من رجال الدواسر=من الستين بحساب العدادي
يحثون السرى من فوق ضمر=مضراةٍ على قطع الريادي
على ساقة صليب الراي ساقوا=عماراً تاليتها للنفادي
من المشرق ضوى باليل الاضلم=ودك الحصن بطيور الهدادي
وظهر فجر السعد ليلة رجوعه=بعد ما رد ملكه واستعادي
وأقام الدين في شبه الجزيرة=وصان حدودها والامن سادي
وسلمها عياله وحفظوها=بحفظ الله بحرص ٍ واجتهادي
خلفهم من سلفهم شيخنا اللي=على الله ثم عليه الاعتمادي
ابو متعب عسى ربي يحفظه=مشيـّد دور الامجاد الجدادي
سعى في صالح الشعب السعودي=وساق الخير في كل امتدادي
وحنا دايم نعلن ولانا=ولا نخلف قديمات المبادي
نحب شيوخنا والدار غالي=هذا والله هو العلم الوكادي
يقوله شاعر مثل ربوعه=بقولٍ ما يجي فيه انتقادي
من الفرجان عطبين الضرايب=هل الردات في يوم الطرادي
وصلى الله على الهادي محمد=شفيع الخلق في يوم المعادي

 

 

 

 

[معلومات العضو الودقطرعاني]

تسلم وصح لسانك

 

 

 

 

[معلومات العضو فرحان فهد ال فرحان]

ونعم بك وبمن جابك وبربعك كلهم الل يوفقك لما يحب ويرضى اعجبني استشهادك بوسم العصى وهذا ذكاء منك ورد لكل من تسول له نفسه تزوير تاريخ الرجال

ويستاهل ابن براك وبيض الله وجهك ووجه
الله يكثر من امثالك يابطل

 

 

 

 

[معلومات العضو ابو زابن المسعري]

يقولـه شاعـر مثـل ربـوعـه=بقولٍ مـا يجـي فيـه انتقـادي
من الفرجان عطبيـن الضرايـب=هل الردات في يـوم الطـرادي
وصلى الله على الهـادي محمـد=شفيع الخلق فـي يـوم المعـادي

اللهم اصلي وسلم على رسول الله
ونعم وسبعين نعم بك وباللي انت منهم
صح الله السانك واعتلى شانك وبيض الله وجهك على هذه الجزله الدره الثمينه

 

 

 

 

[معلومات العضو سالم بن صمهود]

وابن براك فـي ليـل ٍ مبـاركدعاهم واحضروا والعـز بـادي

دعا جملة بنـي عمـه وجولـهتعنـوا لـه مـن ديـارٍ بعـادي

سنافيٍ سعـى بامـر ٍ مشـرفوكسب الطيب له غايـة مـرادي

يبي جمعا الرجال اهـل المعـزهوكل ٍ قـال لـه ممشـاك قـادي

الشاعر المبدع محمد بن حشفل
صح الله لسانك وسلمت بنانك وليس غريب عليك الابداع هذي باقه من بستانك المثمر

 

 

 

 

[معلومات العضو محمد فراج الدوسري]

بيض الله وجه يا محمد

وفيت وكفيت

كلام مليان لافض فوك


لك الود والورد

 

 

 

 

[معلومات العضو مسفر المصارير]

صح ألسان ملايين يا القرم

جزل جعلك تحيا

كل التقدير و الأحترام

 

 

 

 

[معلومات العضو الشقرديه]

صح لسانك على ابداعك في قصيدتك الجميله

 

 

 

 

[معلومات العضو ابوهادي الودعاني]

الشاعر / محمد بن محسن بن حشفل .

صح لسانك وبيض الله وجهك على هالقصيده الجزله.

 

 

 

 

[معلومات العضو بدر بن صقر العجالين]

من الفرجان عطبيـن الضرايـب=هل الردات في يـوم الطـرادي

كفو كفو كفو كفو

( الشاعر - محمد بن محسن بن حشفل الخضران )

صح الله لسانك ملايين على ماكتبت ولا يوفون يالقرم..

بيض الله وجهك..

وتقبل تحياتي،،

 

 

 

 

[معلومات العضو المرتكز]

تسلم وصح لسانك

 

 

 

 

[معلومات العضو أبو سعود الودعاني]

صح الله لسانك

كفيت و وفيت

قصيدة وافيه من وافي


تقبل خالص ودي

 

 

 

 

[معلومات العضو عبدالكريم البليهي]

صح السانك يسنا في على هذه الدرة التفيسه جعلك تسلم وتبقا تقبل تحياتي

 

 

 

 

[معلومات العضو فتى الوداعين]

تسلم وبيض الله وجهك على هذه القصيدة الرائعة المنسوجة بخيوطمن ذهب وتستاهل البيضا يالخضراني ونعم الحمولة

ويستاهل براك الدوسري عاى فعله


فـــــــى الوداعيـــــن

 

 

 

 

[معلومات العضو ابن رشيد]

صح لسانك وبيض الله وجهك