قصيدة محمد الودعاني في الحقبان،،ورد بن جفيران عليه

[معلومات العضو العياضي]

السلام عليكم ورحمة الله وبركاته

هذه قصيدة للشاعر محمد بن فهد الودعاني الدوسري ،، مادحا ً فيها أبناء عمه الحقبان عندما إشترى مزرعة بجانب حي الحقبان " الروضة " بالخرج" ،،

يا الله يا المطلوب خلاق الإنسان = يا فارج الضّيقات منْشي المخيله
أنّك تزيّن أزمة الوضع زيّان = وانك تهوّنها على أحسن وسيله
بيتي بإيجار وساكن ٍ بين جدران = مالي على شوف السموات حيله
في الشارع إزعاج ٍ وفي البيت بزران = ولا أهتني في جلستي و الحليله
يا زين شيّاد الشعر فوق عمدان = في خايع ٍ قفرٍ و ناسه قليله
ريح الخزامى خالطه ريح مكنان = والجرّ توّه دارج ٍ فيه سيله
لا فيه مشروع ٍ ولا فيه دخان = فيه الهوا يشفي النفوس العليله
مير الظروف اليوم حكم ٍ وسلطان = مقيدين ٍ بالقيود الثقيله
عزمتنا أطلع لو في وسط بستان = لو أتحمل بالقسوط الطويله
لو قال بعض الناس خسران خسران = ثقّل على نفسه وحـمّل كفيله
لو قال بعض الناس غلطان غلطان = ما عاد في نكث المزارع نفيله
قلنا توكلنا على عالي الشان = سبحان من يعطي العطايا الجزيله
و الدّين كل الناس داين وديّان = واللي نوى التسديد ربي وكيله
ويزيّنه في جنب ربع ٍ و ظفران = الجار قبل الدار ينزل نزيله
في جانب الروضه هل العز حقبان = أولاد تغلب في الليالي المحيله
ألنا الفخر في جيرة طوال الأيمان = أهل الشهامه والعلوم الجميله
وأهل السخا وأهل الحميّة وشجعان = لا طاب جارك لاتدور بديله
من غير ذمّ ٍ للقبايل وحقران = اللي على فعله يحضر دليله
وما كان حولي من حديدٍ وجيران = مكرمين من الردى والرذيله
وصلاة ربي عدّ ما هل ودان = على نبي ما يوصَّف مثيله

،،،،،،،

ورد عليه الشاعر ماجد بن جفيران الحقباني الدوسري بهذه القصيدة

بديت باسم اللي فرض خمس الاركان = جزل العطا ما خاب من يستسيله
من بعد ذكر الله بابدا بقيفان = أبيات شعر ٍ بالمعاني جليله
رد ٍ على اللي عادته يذبح الضان = راعي الوفا راعي العلوم النبيله
قدّاك ربي يا سلايل كحيلان = ستر الهنوف اللي تقض الجديله
نزلت عقب الضيق يا طير حوران = في منزل ٍ فيه الغروس الظليله
في وسط بستان ٍ وفيه الثمر زان = ويطيب وسطه جلسة ٍ واتعليله
تدلّت عذوقه على كل الألوان = يستانس اللي تحت ظله يخيله
وبداخله تين ٍ وخوخ ٍ ورمان = كم واحد ٍ يابو فهد يمتنيله
يابو فهد قصرتْك ما هي بالأثمان = والرابح اللي حط مثلك خليله
من قاصر أهل الدين يزداد بايمان = يحيي الليال بسجدة ٍ واتهليله
يا مرحبا بقصرتْك يابن ودعان = أهلاً هلا بك يا عزيز القبيله
من لابةٍ يردون لا ثار عكنان = لا جا نهار ٍ فيه قدح الفتيله
يردون حوض الموت ماهم بذلان = يروون حد المرهفات الصقيله
ركبوا على اللي جوّدوها بالأرسان = من كان قدم نحورهم عزتيله
وردوا على العدوان مع ولد بدران = ميرادهم يشفي القلوب الغليله
ناصر فزع وبكفه السيف شامان = ما همه الخطه ولا من اللي هي له
يوم ارتكز عج الرمك كنه بركان = وأهل العشر بين الجموع المهيله
مشى على دربه فهود ٍ وفرسان = ركبوا على قبّ الخيول الأصيله
مركاضهم يشبع به الذيب سرحان = كم واحدٍ لا طاح محدٍ يشيله
تالي نهار تختلف فيه الأذهان = راحت على جمع الأعادي سحيله
وختامها صلوا على نسل عدنان = على نبي ٍوضّح الله دليله

،،،،،،،،،،،


مع التحية ،،

أخوكم / العياضي

 

 

 

 

[معلومات العضو ابن عياض]

عز الله ماقصرت على القصايد الجزله يالعياضي ولاهنت
على المشاركه الطيبه

 

 

 

 

[معلومات العضو أبوفهيد الودعاني]

صح الله لسان الودعاني والحقباني

ولاهنت على النقل يالعياضي

ولاتبطي بجديدك ،،،

 

 

 

 

[معلومات العضو سعد المقابله]

صح الله لسانك ولسان الشعار

ولاهنت

 

 

 

 

[معلومات العضو مسعود المقيبلي]

لاهنت وصح الله لسان الشاعرين

 

 

 

 

[معلومات العضو تركي ال فنيس]

صح الله لسان الودعاني والحقباني

ولاهنت على النقل يالعياضي

 

 

 

 

[معلومات العضو العماني]

صح الله لسان الشعراء ونعم بجيرة الحقبان

شكرا اخوي على الموضوع

تقبل تحياتي،،

 

 

 

 

[معلومات العضو ابو زيد الغييثي]

في جانب الروضه هل العز حقبـان=أولاد تغلب فـي الليالـي المحيلـه
ألنا الفخر في جيرة طوال الأيمـان=أهل الشهامـه والعلـوم الجميلـه
وأهل السخا وأهل الحميّة وشجعان=لا طاب جـارك لاتـدور بديلـه
من غيـر ذمّ ٍ للقبايـل وحقـران=اللي علـى فعلـه يحضـر دليلـه
وما كان حولي من حديدٍ وجيـران=مكرميـن مـن الـردى والرذيلـه
وصلاة ربي عـدّ مـا هـل ودان=علـى نبـي مـا يوصَّـف مثيلـه

،،،،،،،



بيض الله وجهك

 

 

 

 

[معلومات العضو العياضي]

ابن عياض

أبو فهيد

سعد المقابله

مسعود المقيبلي

تركي الودعاني

هايف العماني

أبو زيد الغييثي


صحت أبدانكم


مشكورين على مروركم


تشرفني ردودكم


ولكم مني جزيل الشكر


أخوكم العياضي

 

 

 

 

[معلومات العضو أبو سعود الودعاني]

صح الله السنت الجميع


ولاهنت يالعياضي

على هذا النقل

 

 

 

 

[معلومات العضو صقر ال حقبان]

تــسلم يبن العم على هذا النقـل ولاهيب غريبه على الودعاني ولابن جفيران كلهم والله ونعم ويشهد بشعرهم اهل الخـرج بيض الله وجهك على ذا النـقل

 

 

 

 

[معلومات العضو فيصل بن جزاء]

لاهنت يالعياضي وبيض الله وجهك

وصح السان الشاعرين الودعاني والحقباني

تقبل التقدير والاحترام

 

 

 

 

[معلومات العضو راعي الرمح]

في جانب اروضه هل العز حقبان::اولاد تغلب في الليالي المحيلة.
انا اشهد انكم كفوووو يا حقبان يا لاد تغلب.
لاهنت على الموضوع.....راعـــي الرمـــح.

 

 

 

 

[معلومات العضو أبوعبدالله الحقباني]

صح لسان شعارنا
ولا هنت اخوي العياضي

 

 

 

 

[معلومات العضو ابو زابن المسعري]

يازين ذالقصايد في ذمتي

صح الله لسان الودعاني والحقباني

الاخ العزيز العياضي

جعلك تسلم ياكحيلان على اتحافنا بهذه القصايد وبيض الله وجهك

لك جزيل الشكر والعرفان

اخووووووووووك

ابو زابن