ياحسااافه /روايه بقلمي المتواضع

[معلومات العضو انآآ غيير]

[align=center]

السلام عليكم ورحمه الله وبركاته كيفكم حبايب قلبي..حابه اشارك معكم بروايتي المتواضعه ((ياااحسافه)) انا نزلتها بمنتديات ثانيه بنك .دمعة ندم* يعني لايجي احد يقول لطشتها ربي يشهد انها بقلمي الخاص ((يآآآآحسافة))) اتمنى تلاقي اصداء جيدة ولاابييح ولااساامح من ينسب هالروايه لنفسه.او ينقلها بدون ذكر اسمي عليها احداث الروايه صارت في قديم الزمان..زمن اجدادنا موفي زمنا هذا [ ياحسافه] الشخصيات الاساسيه علي ...ابوسعد رجل صارم وقاسي لابعد حد مريم ام سعد حرمه طيبه وحنونه وبسبب قساوه زوجها صارت شخصيتها ضعيفه . سعد ابنهم البكر17سنه..ناصر 15سنه ..صالح13سنه.وباقي الشخصيات ستأتي لاحقا ‏@@@@@@@@@@@ مريم /عسى منت مطول؟ علي/ والله مدري بس ربك يسهلها مريم/يعني لازم تسافر؟ تدري انا حامل وصعب تتركني لحالي علي/يعني عاجبك الوضع؟ انا بروح عشان احسن وضعي واجيب فلوس تعيشكم احسن من كذا وبعدين ماعليك خلاف اخوي موجود ومابيقصر عليكم . .مريم/ومتى بتسافر؟ علي/بعد بكره بس اسمعي الموضوع الي قلت لك عليه نفذيه زي ماقلت وتراوصيت اخوي وفهمته كل شي مريم/بس علي/لابس ولاغيره ونقاش في هالسالفه مابي مفهوم؟ مريم/مفهوم علي/ يالله انابروح لابوسالم اتقهوى عنده مريم/بحفظ الله @=@=@=@=@=@ "بعد سفرابو سعد بكم شهر" وفي وقت متأخر من ليله ماطره سعديه/مبروك والحمد لله عالسلامه مريم بحزن وعيون دامعه/اي مبروك سعديه/احمدي ربك غيرك يتمنى ظفرها مريم/الحمد لله بس انتي عارفه وش قصدي سعديه/ايه عارفه بس هذي نعمه من الله وحرام الي يسويه مريم/ادري بس مابيدي شي. سعديه/يعني وشو؟؟ مريم/بكره بعلم عم العيال زي ماوصى ابوسعد وهو بيتصرف سعديه/كنت احسب ان ابوسعد مجنون لحاله بس الحين تأكدت انك انتي بعد مجنونه مريم/شسوي لوماصار الي يبي بيطلقني لاني بنظره السبب سعديه/براحتكم انا بروح تبين شي؟؟ مريم/لاسلامتك ماقصرتي @=@=@=@=@=@ "اليوم الثاني" سعد/يالبيه ياحلوها ناصر/خلني اشيلها سعد/لاانت صغير اخاف تطيح منك ام سعد/ناصر روح شوف صالح وين راح سعد/فديتها يمه شوفي محلاها ام سعد/سبحان الله مثل القمر سعد/خلاص نسميها قمر ام سعد/سعد مابيك تتعلق فيها وانت عارف بكره وش بيصير سعد/يمه حرام عليكم .شوفي كيف تناظرني كأنهاتقول تكفآياخوي ساعدني . ام سعد/والله قلبي يتقطع بس شسوي ابوك محد يتفاهم معه.وحالف يطلقني لوعارضته بهالشي سعد/يمه راح 3بنات ومستحيل أخلي قمر تكون الرابعه ام سعد/وش قصدك؟ سعد/قصدي ان قمر لازم تعيش. ام سعد/‏‎ ‎وشلون وابوك موصي عمك يذبحها بداله. سعد/محد راح يدري انها عايشه ام سعد/انت صاحي؟ سعد/اسمعي وبتفهمين.بنقول انك جبتي بنت وماتت وانتي تولدين ‏ ام سعد/سعديه راح تعلم لانها هي الي ولدتني وشافت قمر بخير مافيها شي سعد/ماعليك منها بنعطيها قرشين وبتسكت ام سعد/طيب وبعدين؟ سعد/انا بكون مسؤل عنها بخليها عندي بغرفتي اذا ابوي موجود واذا راح خذيها .‏ ام سعد ........‏ سعد /تكفين يمه قولي تم هذي فرصتنا الوحيده .نفسي يكون عندي اخت مثل باقي العيال ‏ ام سعد/والله اخاف نتعلق فيها وبعدين يكشفنا ‏‎ ‎‏. سعد/ لا ان شاء الله ماراح يكشفنا @=@=@=@=@=@ اليوم الثاني راح سعد واعطى سعديه فلوس وفهمها السالفه وهي وافقت على طول.انتشرخبر ولادة مريم وان المولوده ماتت على طول. ومحد حس بشي . ‏@==@==@==@==@ سعد/الجو اليوم جنان محمد/اكيد بعد المطر بيكون جنان.اشرايك نطلع البر؟ سعد/خلاص تم محمد/اشفيك تتبسم؟ سعد/شوف شوف محمد/وشو؟ سعد/شف هالبنات الصغار كيف يلعبو يالبى قلوبهم محمد/الا الله يقلعهم ياكرهي للبنات.‏ سعد/بالعكس هم ملح الحياة [آه متى اشوفك ياقمر تلعبي وتتنططي قدامي ‏‎ ‎‏] محمد/هيي وين رحت؟ سعد/معك معك محمد/ايه واضح سعد/ههههه‎ ‎‏ محمد /وجع وش يضحكك؟ سعد/عليك خخخ . محمد/اقول خلنا نروح للعيال قبل يشوفنا ابوي ويقول ..ويقلدصوت ابوه. حميدان قم شوف الغنم جعلك الماحي. سعد/هههه طيب قم بس خلنانصلي العصر بالاول ‏ ‏‎@==@==@==@==@‎‏ ابوسعد رجع للديره وكان الوقت ليل .دخل البيت ونام بالحوش لين قرب الفجر ودخل عند ام سعد.صحاهابشويش على غير عادته. ام سعد/هلاوالله .متى جيت؟ ابوسعد/البارح بس ماحبيت ازعجك.طمنيني عنك وكيف العيال؟عساكم بخير؟ أم سعد/كلنا بخير ابوسعد قرب منها وضمها.ورجع بعدها عنه شوي ابوسعد/ولدتي؟ ام سعد/ايه من شهرين ابوسعد/وش جبتي؟ ام سعد/بنت.بس ماتت اول ماولدتها ابوسعد/زين جت منها وفكتني من هم ذبحها ام سعد ...... . ابوسعد/خلينا من هالسيره وقومي صلي الفجر وتعالي جنبي حدي مشتاق لك .>>اخس يالشايب مسوي رومنسي ‏=‎==========‎===‎ اليوم الثاني باليل صحى ابو سعد على صوت بكاء قمرالي سعد حاول يهديها بس بدون فايده ابوسعد/وش هالصوت؟ ام سعد بخوف/هاه ؟ هذا اكيد من عند جيراننا ابوسعد/لاانامتأكد انه من داخل البيت .بطلع اشوف. ام سعد/لأانا بروح ابوسعدجلسها بالقوه وطلع وضل يتبع الصوت ولاقاه جاي من غرفة سعد.دف الباب برجله ودخل سعد تصنم بمكانه من الخوف.وابوسعد يناظر فيه مره وفي البنت مره ابوسعد/سعد!من هالبنت سعد . . . . . . ابوسعد/ليش ماترد؟ سعد . . . . . . ام سعد/انابقولك سعد/يبه هذي اختي قمر ابوسعد/أختك ؟ ؟يعني كذبتوا علي ؟ ام سعد/انا المسؤله سعد ماله دخل . ابوسعد/انتي حسابك بعدين الحين خليني اخلص من هالبلوه بالاول. سعد/محد راح يلمس شعره من راس قمر دامني موجود ابوسعد/تتحداني يالخسيس؟والله لادفنك معها سعد/يبه والله حرام الي تسويه هذي بنتك ابوسعد/موانت الي تعلمني الحلال من الحرام.ويالله هات البنت سعد/اسمحلي يبه هالمره مقدر اقولك تم وامر. ام سعد/تكفى ياعلي خلنا نربي هالبنت والله تعلقنا فيها. ابوسعد دف ام سعد وراح جهه سعد يبي ياخذ قمر بس سعد هرب بقمرمن الشباك قبل مايوصل له ابوه .طلع ابوسعد يدور لسعد بس الدنيا ظلام وسعد اختفى وماله اثر.رجع بعصبيه على ام سعد ونزل فيها ضرب لحد مااغمى عليها. *************************** اذا شفت تفاعل كملتها هي حوالي 19جزء

[/align]

 

 

 

 

[معلومات العضو حمد ابن فهد]

روعة ماطرح هنا وماشاء الله عليكي لديك تصوير متناسق اتمنى تكملة باقي الاجزاء
وسلمت يمينك

 

 

 

 

[معلومات العضو سعد الشمراني]

الله يعطيك العافيه وللمزيد من الجمال والتوفيق بإذن الله

 

 

 

 

[معلومات العضو محمد راشد النتيفات]

الله يعطيك العافيه وللمزيد من الجمال والتوفيق بإذن الله

 

 

 

 

[معلومات العضو فهد الخريم]

ما شاء الله
فيه روائيين بالمنتدى

واضح من الردود أن الرواية رائعة

لي عودة لقرائتها لاحقاً


الله يعطيك العافية

 

 

 

 

[معلومات العضو انآآ غيير]

يعطيكم الف عافيه عالردود المشجعه

 

 

 

 

[معلومات العضو انآآ غيير]

تــــــابع البارت الاول منيره كانت سهرانه ماجاها النوم وفجأه سمعت دقه خفيفه على شباكها منيرة/مين؟ سعد/انا سعد افتحي شوي منيرة/هلا سعد .عسى ماشر وش جايبك هالحزه؟ سعد/تهاوشت مع ابوي وهربت من البيت منيره/هربت؟ليش وش صار؟ وهالولد من ولده سعد/هذي اختي قمر وهربت عشان مايذبحها منيره/اختك؟ ليش هي ماماتت؟ سعد/لاانا خليت امي تكذب عشان قمر تعيش منيره /وابوك كشفكم صح؟ سعد/ايه والحين مالقيت غيرك يساعدني منيرة/كيف؟ سعد/بخلي قمرعندك للصباح واجي اخذها منيرة/وبعدين؟ سعد/باخذ أختي واطلع من الديره لوجلست ابوي بيذبحني انا وهي منيره/وانا؟بتتركني؟ سعد . . . . . منيرة/انتظرني بجي معك سعد/منيرة أنتي حبيبتي وروحي بس صعبه تهربين معي ماأرضى لك تشوهين سمعتك عشاني حتى لو احبك. منيره/تكفآ انا مقدر اعيش بدونك سعد/منيره انا احبك وبضل احبك لاخر العمر بس انا مدري متى برجع هذا ان رجعت. منيرة/نذر علي محد يسكن هالقلب غيرك . سعد/فديت قلبك ياقلبي والله انك غاليه منيره/وانت بعد غالي سعد /يالله انا بروح اخاف احد يشوفنا منيره/ووين بتنام؟ سعد/بنام عند محمد. منيره/الله وياك سعد قرب منها وتجرأ لاول مره وباس خدها وراح ركض لبيت محمد منيره كانت خااااارج التغطيه >> شكلها اول وأخر بوسه خخخخخ ‏***************** "سعد عند صديقه محمد" محمد/افآتخبي عني انا سعد/اناخبيت عن الكل حتى عن منيرة محمد/حتى ولو سعد/عاد هذا الي صار محمد/.طيب وش ناوي عليه؟ سعد/بطلع برا الديره محمد/وعشان ايش كل هذا؟ سعد/عشان قمرتعيش ويكون عندي اخت مثل باقي العيال محمد/والله انك مجنون سعد/خلني اناراضي بجنوني.بس ابيك تساعدني محمد/وش المطلوب سعد/خذ هذي فلوس وأبيك تدبر لي بعير اطلع عليه .وتحط لي اكل وماء حق يومين ثلاثه محمد/ابشربس ليش الفلوس والخساير والبعيرموجود سعد/موجود محمد/الله يخلي بعارين ابوك هههه سعد/ايوالله راحت عن بالي محمد/الحين نام والصبح تلاقيه جاهز سعد/ادري بتعبك معي بس مالي غيرك محمد/انطم ونام سعد/هههه طيب "الصبح قام سعد وراح اخذ قمر وودع منيرة وراح عند العين قابل امه هناك وودعها وكانت لحظات صعبه عليهم خاصه ام سعد لانها بتفقد ولدين بدل واحد وكلها بسبب ابوسعد . سعد وبدموع ماقدر يخبيها لوح لهم بيده وهو راكب عالبعير وكلها كم دقيقه واختفى عن انظارهم ‏¤¤¤¤ الجازي/منيره مااحب اشوفك كذا حزينه وشايله هموم الدنيا ع راسك فاطمه/قلت لها هالكلام ستين مره بس ماتفهم منيره/احبه ياعالم انتو ليش موراضين تفهمون فاطمه/حبك برص .انتي كذا بتفضحين روحك واهلك بيلاحظو انك متغيره من يوم سافر. الجازي/فاطمه معها حق. وبعدين هو لو يحبك ماخلاك وسافر عشان بزر منيره /هالبزر اخته الي طول عمره يتمناها. ولو مايحبني كان قبل اني اروح معه فاطمه/وشو؟ منيره/ايه انا عرضت عليه اهج معه بس هو مارضي لانه يحبني.ولو واحد غيره كان قال فرصه احصل وحده تربي اختي وتخدمني عرفتو ليش احبه؟ الجازي/انااسفه ماتوقعته يحبك هالكثر فاطمه/الله يستر عليه وين ماكان منيره{آه ياسعد ياترى وين اراضيك؟ وياترى بشوفك مره ثانيه؟ والابتنساني} ‏¤¤¤¤¤¤ سعد اخذ قمر وهام علآوجهه بالصحراء ووصل لمكان اسمه وادي الحمام وكان يميز هالوادي ان بأسفله نهر كبير سعد عجبه المكان وبنى له بيت صغير من سعف النخل بأعلا الوادي. وكان كل يوم الصبح والعصر يمر على راعي غنم عند النهر وياخذ منه حليب لقمر الراعي حاول في سعد يخلي قمر عند زوجته لحد مايخلص اشغاله بس سعد رفض وكان ياخذ قمر معه لاي مكان يروحه. مرت الايام والسنين وقمر صار عمرها 16سنه وصارت قمر علا اسمها . سعد كانت روحه متعلقه في قمر..ومن حبه وخوفه عليها مايخليها تطلع من البيت وكان يصيد ذيابه ويربيهم من صغرهم ويربطهم حول البيت اذا كان موجود واذا طلع يفكهم عشان يكون متطمن محد يتجرأ ويجي عند قمر. نهايه البارت الاول

 

 

 

 

[معلومات العضو انآآ غيير]

البارت الثااااني ناصر/..بس مايصير كل يوم تروحين. موضي/..لاما باقي الا تحرمني من اهلي ناصر./.ماقلت لاتروحين بس خفي شوي واجلسي معي يوم كامل موطول الوقت هناك . موضي/.والله انا حره اروح ماروح كيفي كفايه حارمني من .... ناصر عصب واخذ شماغه وطلع من البيت >>ناصر هذا أخوسعد طيب لابعد حد ويموت بشي اسمه موضي ===== نوره../ صلوح ابي اطلبك شي بس خايفه صالح../ افآ نوره حبيبتي تخاف مني؟ نوره.. /يعني اطلب؟ .صالح../ اطلبي يابعد حيي . نوره .. /اممم ابي رطب ، .صالح../ رطب الحين؟ نوره../اييه . صالح ./.لايكون؟؟ نوره بخجل../ايه . صالح../انتي ماوراك شغله غير تحملين وتجمعين لي بهالعيال؟ خافي ربك توني 26سنه وعندي 4عيال . نوره .. /والله حاسب نفسك موتحاسبني، صالح../وش قصدك؟ نوره:/يعني انت المسؤول مو انا صالح:/ شسوي فيك 24ساعه مقابلتني ودي يوم تنامين عند اهلك بس مافي امل . نوره:/قد هالكلمه ؟؟ صالح :/لاموقدها بس جد كذا مايصير كل سنه بزر . نوره:/ ترا كنت امزح .بس كلامك صدمني .صالح /:والله اسف وحقك علي ، نوره: /بس مابرضى الأذا جبت لي رطب صالح:/ هههه طيب نجيب لك رطب بس اهم شي منتي حامل >>>هذا صالح اخوسعد تزوج نوره قبل سبع سنين لماكان عمره 19 ،وماشاء الله نوره كل سنه تجيب ولد الحين عندهم 3 عيال وبنت وحده سعد 7س لافي 6 س عمر5 س مزون 4س ==================== فاطمه/انتي اكيد مو صاحيه ، اخرفرص لك بالزواج وضيعتيها .والسبب وشو؟ سراااب فاهمه يعني وشو سرااب؟ منيرة/فاطمه افهميني انا ماأتخيل نفسي زوجه لاحد غير سعد . فاطمه/ياعمري ياقلبي حاسه فيك بس الحياة لازم تستمر وماتوقف لاعند سعد ولا غيره فهمتي؟ منيره . . . . . . ¤¤¤¤¤¤¤¤¤¤¤¤¤¤ قمر/سعود والله طفشت لحالي خلني أنزل للنهر شوي. سعد/‏‎ ‎عارفه رايي بهالمضوع . قمر/سعد مايصير كذا انت تطلع وتروح وتجي وانا محبوسه هنا لحالي . سعد/الناس ماوراهم الا المشاكل ووجع الراس كذا اريح لي ولك . قمر زعلت وراحت غرفتها ==‏‎ ‎‏== = ==== >بعد اسبوعين< ام حسين/وش يبي مني الشيخ فواز؟ حامد/والله مدري بس قالي لاارجع الاوانتي معي ..راحت ام حسين مع حامد للشيخ فواز ش فواز/ياااهلا بأم حسين . ام حسين/هلا فيك خير يقولون تبي تشوفني ضروري؟ ش فواز/ايه ابيك بخدمه واذا ساعدتيني لك الي تبين . ام حسين بحماس/ابشر بالي تبي ..فواز طلع من جيبه منديل وعطاه ام حسين.. ام حسين/وش ذا ؟شعر؟ فواز/ايه بس مو اي شعر . ام حسين/وش قصدك؟ فواز اخذ شعره وقال لام حسين تقيسها عليه . وفعلا قاستها وجات على طول فواز فواز/عمري ماشفت شعر بهالطول ولو عرفتي لمن لك هديه ام حسين/من وين جبته؟. فواز/كنا نتمشى بوادي اسمه وادي الحمام وسبحنا في النهر وعلق هالشعر بنعالي . والحين ابيك تدورين عالبيوت لحد ماتلقين راعية هالشعر ام حسين/اهاا خلاص عرفت لمن هالشعر فواز /لمن؟ ام حسين/لبنت اسمها قمر فواز /قمر!! . ام حسين/يووه والله قمر على اسمها بس عندها اخو اقشر . .فواز/مايهمني أخوها انا ابيها يعني ابيها شوفي لك صرفه... =@===@==@==@= محمد/والله انها وفيه فاطمه/وفيه مين ياعم الا غبيه ومهبوله. اجل فيه وحده صاحيه تضيع عمرها في رجا سراب؟ محمد/والله كنت مثلها بس . فاطمه/ياويلي كنت تعشق سعد؟ اخس عليك .. محمد/يابقره اقصد كنت ارتجي رجعته بس خلاص فقدت الامل . فاطمه/اهاا . طيب خلنا من منيره وسرابهاأنا عندي لك خبر . محمد/خير؟. فاطمه/انا حامل . محمد/والله ؟ الحمد لله اخيرا بيصير لعاليه أخ اواخت ؟. فاطمه/الحمد لله ربي عوض صبرنا خير . محمد/طيب ليش ساكته من الصبح ؟يالله يالله نروح نبشر الوالده. فاطمه/يالله ‏@@@@@@@@@@@ سعد كان طالع من البيت ولما قرب من الوادي شاف حرمه عجوز. سعد/السلام عليكم ام حسين /وعليكم السلام سعد/شكلك مضيعه شي؟ ام حسين/ايو الله ناقتي ضايعه ومن الصبح ادورها ولالها اثر .وذبحني العطش سعد/لاتشيلي هم انا بدورها بس تعالي عندنا البيت تغدي وعيني من الله خير وامر الناقه خليه علي. ام حسين/الله يوفقك ويجزاك خير . راحت ام حسين مع سعد بيته واول مادخلو استقبلتهم قمر . سعد/معي ضيوف . قمر /هلا فيك وفي ضيوفك تفضلي ياخاله نورتي بيتنا ... ام حسين /هلا فيك يمه منور بأهله. سعد / قمر اهتمي بضيفتنا وانا بروح ادور ناقتها، سلام "بعد ماراح سعد." ام حسين/بشريني عنك يايمه عسا مستانسه؟ قمر/ماشي الحال بس الوحده ذبحتني. ام حسين/باقي سعد زي ماهو؟ قمر/ايه باقي. بس خلينا من سعد وعلميني متى ضاعت ناقتك؟ ام حسين/هههههه لاضاعت ولاشي هذي حجه عشان اجي عندك قمر/حجه؟!! ام حسين/ ايه حجه لاني مرسوله لك من الشيخ فواز. قمر/فواز؟ ام حسين /ايه فواز قمر/ووش يبي فواز مني ومن وين يعرفني؟؟ ام حسين/يبي يتزوجك، ومن وين عرفك؟ من شعرك لقاه بالنهر ويوم شاف طوله حلف ماياخذ غيرك. هاه وش قلتي؟ . قمر/والله مدري شقول. ام حسين/قولي موافقه قمر........ ام حسين/يابنتي ليش تردين نصيبك ؟ هذي فرصه ماتتعوض. فواز شيخ وبيعيشك عيشه ماتحلمين فيها.احسن من هالحبسه ..‏ الي اخوك معيشك فيها. قمر/بس أخاف سعد مايوافق. ام حسين/انتي وافقي وسعد خليه علي .. سعد جاء على هالجمله. سعد/مساء الخير قمر/هلا اخوي .تغديت؟ سعد/لاوالله ماتغديت طول اليوم الف وادور على ناقة الخاله بس للاسف ماحصلتها. ام حسين/الله يعوضني خير. قمر روحي حطي لاخوك الغداء .وانا بسولف معه بموضوع .. "بعد ماراحت قمر" ام حسين/اقول ياسعد ابي افاتحتك بموضوع سعد/تفضلي يآخاله. ام حسين/الشيخ فواز طالب القرب منك ويبي يتزوج قمر . سعد ....... ام حسين/ههههه كل هذا تفكركم تطلب مهر؟ سعد/ماعندي اخوات للزواج. ام حسين/ في أحد يرد الشيخ فواز؟اكيد منت بصآحي. سعد/ايه انا ارده ولو كآن اخر رجال بالدنيا مازوجته اختي. ام حسين/اختك موافقه حرام تكسر بخاطرها. سعد/قمر باقي صغيره عالزواج . ‏‎ ام حسين/لاماهي صغيره ،وترا فواز شاريها . سعد/خلاص انتهينا من هالموضوع اذا عندك غير هالسالفه قوليها واذا ماعندك ياليت تتسهلي لاهلك تأخرتي عليهم . ام حسين/افآ تطردني ياسعد؟ بس انا استاهل الي حبيت لكم الخير. سعد /مشكوره محنا بحاجة هالخير. " ام حسين راحت وهي زعلانه ،جات قمر وجلست/ليش كذا؟ الحرمه ماسوت شي عشان تطردها. سعد/هذي ماوراها الا الخراب. قمر/تعتبر زواجي خراااب!!!! سعد/اذا من فواز ايه خراب. قمر/بس انا موافقه . سعد/انا اعرف فواز . هذا راعي بنات واكبر نصاب . قمر/عادي انا راضيه . سعد/قفلي هالسيرة قمر/انا من حقي اتزوج واعيش حياتي زي ماابي ،والاتبي تحبسني بهالبيت لين اموت؟ انت ماتحبني لوتحبني كان دورت راحتي وسعادتي . "قمر خلت سعد وراحت غرفتها وهي تبكي " سعد{آه ياقمر لوتدرين بغلاتك عندي ماتمنيتي تتركيني لحالي } =@=@==@=@=@@ صالح/ناصر اشفيك مهموم وضايق صدرك؟ ناصر/ابد سلامتك بس شويه مشاكل بالبيت صالح/ناقصك فلوس؟ ترا حنا اخوان . ناصر/عساك عالقوه يالغالي .بس ليتها سالفه فلوس كان هانت صالح/ماودي اتدخل بس وانا اخوك وضعك ابد موعاجبني . ناصر/وش قصدك؟ صالح/اقصد موضي . ناصر/وش فيها موضي صالح/لاتخلي حبك لها يذلك. انا بكون صريح معك ترا الكل بدا يلاحظ انك تمشي علا هوا موضي . حتى لو تحبها بس انت الرجال ومايصير تخليها تتمادى عليك . لاتزعل مني انت اخوي الكبير وماقلت هالكلام الا لاني أحبك . ناصر مارد على صالح وراح وخلاه . ‏@=@=@==@=@=@ نهايه البااارت الثاااني اتمنى عجبكم

 

 

 

 

[معلومات العضو انآآ غيير]

الـــــبآآآآآآآرت الثالــــــث "بعد اسبوع" ام حسين/اقولك رفض وطردني. فواز /ومن يكون عشان يرفض يناسب الشيخ فواز؟ والله لاخذها غصب عليه ام حسين/البنيه موافقه بس اخوها المشكله فواز/طيب والحل؟؟؟ ام حسين/عندي خطه بس كل شي بحسابه . فواز /ابشري بالي تبين ام حسين/ابي 10روس من الغنم مع راعيها فواز /لك 20راس بس قمر تكون لي ام حسين/فديتك والله . انا بحاول بكل جهدي تنجح الخطه عشان تعرف اني احب لك الخير فواز{والله مو حب فيني بس عشان مصلحتك} فواز/طيب وش هي الخطه؟ ام حسين/اسمع ياطويل العمر وقولي رايك . =@=@==@=@==@= ام سعد/ياوليدي ماحبه. سعد ص /جده ليش تكذبين ؟ انتي تحبينه بس عشان ماعندك ضروس نوره/هههههه سعد عيب ام سعد/وجع بعينك يالخايس انا كذابه؟ وانتي فرحانه بولدك يعني؟ صالح/سعيدان قم حب راس جدتك ولوعدتها شقيت جبهتك فاهم ام سعد/مابيه لايحبني ولااحبه ، وقله لاعاد يقولي جده زين سعد ص /افا ياجدتي نسيتي انا سمي الغالي ام سعد/لامانسيت بس والله ان عدتها لاخلي ابوك يغير اسمك نوره/هههههه لافي/صح وخلي اسم سعد لي انا صالح/هههه الله يرجكم ام سعد/يالله انت وياها خذوعيالكم واذلفوا عني بنام صالح/هههه طيب بنذلف =@=@==@=@==@= ام حسين/هاه وش قلتي؟ اكيد موافقه؟ قمر/بس خايفه حسين/قوي قلبك اذا تبين ترتاحين من هالسجن.. قمر/خليني اكلم سعد مره ثانيه يمكن يغير رايه. ام حسين/ماراح يغيره اخوك يبيك تجلسين عنده عشان تخدمينه وتخدمين زوجته اذا تزوج قمر........ ام حسين/اعتبر سكوتك علامه الرضى؟؟؟ قمر/اممم ايه ام حسين/طيب متى؟ قمر/بعد بكره. ام حسين/اجل الحين اخليك قبل يجي اخوك ***************************** ‏ مريم/يالبييه على سلطان يجنن. سارة/بس فواز احلى فديت خشمه . نشميه/خلونا نشوف من الي بيفوز بالسباق . سارة/بدون شك حبيبي فواز هو الفايز. مريم/اذا فاز نبي احلا عشاء بس شرط انتي الي تطبخيه بيديك. سارة/ابشري بأحلا عشاء بس قولي يارب يفوز . ‏@==@==‏‎@==@‎‏==@ قمر/سعد تكفى بس اليوم سعد/ياقمر تدرين اذا كانو مفكوكين اكون متطمن عليك قمر/بس ربطهم ساعه عشان ابي اتمشى شوي كرهت حياتي من الحبسه هنا . سعد /امري لله بس عشان خاطرك واليوم بس قمر/فديتك والله.. ‏"سعد ربط الذيابه قبل يطلع وسلم ع قمر وراح بعد ماراح سعد بشوي جاء فوازورجاله،وذبحو الذيابه كلهم ودخلو سلمان /يالله ادخل قبل يرجع اخوها ‏ فواز/طيب خلكم هنا لااحد يلحقني زين؟ سلمان/زين ‏"دخل فواز البيت وحصل قمر جالسه تمشط شعرها "‏ فواز/سلام ‏ قمربخوف/من انت؟؟ فواز /لاتخافين انا فواز قمر/هلا فيك فواز/طلعتي احلا من وصف ام حسين بألف ألف مره قمر/ فواز/فديت المستحيه . اقول حياتي خلينا نمشي قبل يرجع اخوك ‏‎ ‎ قمر/دقيقه اجيب ملابسي واجي فواز/مابي تاخذين من هنا اي شي .انا جهزت لك كل شي هناك قمر/طيب مشينآ "راحت قمر وفواز ولما صاروا عند النهر تصادفوا مع سعد .الي ثارت اعصابه يوم شاف قمر معهم وفكر انهم خطفوها وهجم علا فواز وبدا يتضارب معه بس فواز فاجئه بطعنه في صدره وعشان يظمن قمر تكون له للابد زاد سعد كم طعنه خلته يطيح عالارض . قمروهي تبكي/ ليش يافواز ليش؟ احنا مااتفقنا على كذا فواز/لوماذبحته كان هو ذبحني،شفتيه كيف كان معصب. قمر/بس هذا اخوي >>>الحين اخوك ياحيوانه فواز/خلاص ماعاد ينفع الكلام الي صار صار ، واوعدك انا بكون لك الاخ والاب والام وكل شي بس اهدي قمر........ فواز/ قمر يالله مشينا باقي ورانا طريق طويل لديرتنا وهناك بتعيشين احلا عيشه ومابخلي نفسك بشي الا واجيبه لك قمر/وسعد بنخليه كذا؟ فواز/بخلي الشباب يدفنونه ويلحقونا قمر/طيب بودعه فواز /خذي رآحتك قمر قربت من اخوها /سامحني بس لازم اعيش حياتي مثل ماابي . فوازيكلم سلمان/اسمع ارمي جثته بالنهر سلمان/ليش؟ فواز/عشان اذا ماكان ميت اظمن انه بيموت في النهر سلمان/ابشرطال عمرك "مشت قمر مع فواز وتركت اخوها الي عاش عشانها والحين مات عشانها @==@==@==@==@ بعد شهرين من الاحداث قمر تزوجت فواز ونست او تناست انه ذبح اخوها فواز/اخيرا صرتي حلالي ،كنت مستعد ابيع عمري بس اخذك قمر/ وش الي خلاك تحبني ؟ فواز/من يوم شفت شعرك انهبلت، وقلت لازم اشوف هالبنت الي شعرها يوصل لحد أصابع رجولها . بس ام حسين قالت انه مستحيل اقدر اشوفك بسبب اخوك وبعدها قررت اتزوجك . قمر/يعني لو قصيت شعري ماعاد بتحبني؟ فواز /بسامحك علا اي شي تسوينه الا قص شعرك . قمر/هههه تطمن ماراح اقصه. فواز/شاطره هههه ************************** ام سرور/يابن الحلال لاتتعب نفسك مافيه امل ابوسرور/الامل بالله موجود . ام سرور/ونعم بالله بس كم له على هالحال ابوسرور/ربك قادر يحي العظام وهي رميم ،الله يشفيه بس . اسمعي بروح اصلي المغرب جهزي القهوه ع بال مااجي زين ام سرور/ابشر يالغالي ابوسرورطلع من الباب بس رجعه صوت ام سرور . ام سرور/لااله الا الله اللهم لك الحمد البشاره يابوسرور ابوسرور/ابشري بسعدك بس وش فيه؟ ام سرور/الرجال تحرك وفتح عينه شوي ابوسرور/من جدك؟ ام سرور/قسم بالله ابوسرور قرب منه ومسك يده /غريب غريب تسمعني؟ اذا تسمعني شد على يدي طيب. بعدشوي حس بأيد تشد ع ايده ابوسرور/الحمد لله ربي استجاب دعائنا ونجاه من الي هو فيه ..../عطشان ابوسرور/جيبي الماء عشان اسقيه بعد ماشرب الغريب بدا يفتح عيونه وسألهم ..../انا وين؟وانتم من؟ ابوسرور/انت ببيت ابوسرور .وابيك ترتاح ولاحقين عالاسئل ‏..../آه احس بألم في بطني انا وش فيني ؟ومن متى انا هنا؟ ابوسرور/شكلك مابترتاح لين تعرف. اسمع وانا ابوك احنا كنا انا وخالتك ام سرور ندور ديره فيها عشب وماء نسكن فيها ووصلنا لوادي جلسنا ارتحنا فيه شوي وجيت اعبي القربه ماء ن اسفل النهر ولقيتك محجوز بين اغصان شجره بوسط النهر. شكل النهر جرفك من مسافه بعيده واخذناك معنا وكنت بحاله ميؤس منها كلك جروح وطعنات بس ربي كتب لك عمر جديد‎ ام سرور/من الي سوابك كذا؟ جعل ايديه الكسر ابوسرور/خلي غريب يرتاح وبكره يعلمنا سالفته ‏..../من غريب؟ ام سرور/انت ‏..../انا اسمي سعد ابوسرور/عاشت الاسامي .الحمد لله يعني متذكر انت من ؟ سعد/ايه متذكر.الابسألك ياعم انا كم لي هنا؟ ابوسرور/لك حول الشهرين في غيبوبه لدرجه كناراح نفقد الامل انك تقوم.. "سعد سرح بفكره شوي.وتذكر بعدماطعنه فواز وطاح سمع قمر يوم قالت مااتفقنا على كذا {آه ياقمر تتفقين مع الغريب على اخوك وانا الي ضحيت بأهلي وعمري عشان انتي تعيشين.هذي جزاتي تتركيني غرقان بدمي وتروحين ياحسافه بس ابوسرور/وين رحت؟؟ سعد/تذكرت الي صار لي. ام سرور/يالله قولنا سالفتك سعد/بكره ياخآله الحين بنآم وارتآح ابوسرور/يالله ياام سرور خلي سعد يرتاح وبكره سولفي معه لين تشبعين.. @==@==@==@==@ بعد كم اسبوع سعد استعاد عافيته وقرر يرجع لاهله وديرته. ام سرور/بعد ماتعودنا عليك بتروح وتتركنا؟؟ سعد/غصب عني ياخاله لازم ارجع ديرتي ماعاد فيه سبب يخليني ابقى بعيد عنهم ابوسرور/يمكن ماارتحت عندنا، لان البيت موقد المقام وحالتنا على قدنا سعد/لاوالله موهذا السبب . انتو ماقصرتوا معي بأي شي تحملتوني وانا مااعني لكم شي وكنتوا بمثابه اهلي .ربي يقدرني ارد لكم هالجميل. ابوسرور/احنا ماسوينا غير الواجب واعتبرناك بدل سرور الله يرحمه. >>>بعد مامشى سعد حاول ينفذوصية عمه ابوسرور انه ينسى قمر بس ماقدر،وسأل على ديره فواز وتوجه لها،

 

 

 

 

[معلومات العضو انآآ غيير]

سعد/السلام عليكم الكل/وعليكم السلام سعد/وين بيت الشيخ فواز؟ سطام/وش تبي بالشيخ انت ووجهك ؟ سعد/ابيه بموضوع ناجي/اقول تقلع الشيخ مايقابل هالاشكال راكان/ماعليك منهم تعال معي اوديك للشيخ. سعد/مشكور ربي يعافيك سعد كان مبهدل حاله بملابس مقطعه وحاط فحم على وجه ومعه حمار محمل عليه ماء.راكان اخذ سعد ووداه لقصر فواز ومشى وخلاه،،وقف سعد عند الباب والحراس ماخلوه يدخل الحارس1/خير يالحبيب وين داخل؟ سعد/بدخل داخل الحارس 2/اقول اذلف انت وحمارك سعد/الشيخ قالي بكره تعال واذا احد كلمك قولي . الحراس يطالعون لبعض سعد/هاه ادخل والاامشي؟ الحارس1/خلاص ادخل .اهم شي رضا الشيخ.. دخل سعد القصر وشاف الحشم والخدم معبين المكان ، عايشه/هي انت وش تسوي هنا؟ سعد/انا وظفني الشيخ اجيب لكم الماء من العين عايشه/الله يجزاه خير ريحنا من الروحه كل يوم . اقولا أنت ليش كذا؟ سعد/وش فيني؟ عايشه/ملابسك وعع شكلها يقرف سعد/لولقيت غيرها مالبستها بس الله كريم عايشه /انا بجيب لك ثياب ومن بكره ابيك تجي وانت نظيف . والحين تعال اوريك المطبخ عشان تحط الماء. سعد/مشكوره ياغلاهم عايشه/انت وش اسمك سعد/اسمي جلمود عايشه/وع وش هالاسم سعد/كل شي وعع ؟الله يسامحك . هذا وانا بغيت اقول فيك شعر عايشه/خلاص لاتزعل بس قول الشعر تكفآ. سعد/امم معرف اقول شعر وانا جيعان. عايشه/الحين احط لك احلا غدا بس هالله هالله بالقصيد الزين. >>عايشه هذي خدامه بالقصر واقرب وحده لقمر سعد كان جالس ياكل وعايشه تحوس بالمطبخ.دخلت عليهم قمر عايشه/هلابالشيخه قمر/هلافيك عيوش.جهزتو الغدا؟ الشيخ على وصول عايشه /دقايق ونحطه. لاتشيلي هم ارتاحي. قمر/تعرفين اي شي يخص فواز لازم يهمني عايشه/تحبينه ياعمه عادي لاتستحين قمر/لاماأحبه انا امووت فيه عايشه/الله يخليكم لبعض‎ ‎‏، اقول ياطويله العمر وش صار على موضوع خطيبي؟ قمر/من بكره خليه يروح يستلم شغله بالمزرعه الجنوبيه. وخليه يبيض الوجه ..ويهتم بالشغل والعمال عايشه/فديتك والله قمر/من هالرجال؟ وليش جالس هنا؟ عايشه/هذا الشيخ جابه عشان يجيب لنا الماء من العين. وابيك تسمعينه وهو يقول فيني شعر. قمر/يالله سمعنا قصيدك. سعد رفع راسه وعطاها نظره وقال سعد/باقي ماشبعت قمر{هالنظره احس اني قد شفتها بس وين} عايشه/يقول مايعرف يشعر الا وهوشبعان قمر/انت وش اسمك ومن اي ديره جاي؟ سعد/اسمي جلمود ومالي ديره قمر حست بضيقه وطلعت وخلتهم سعد/هذي زوجه الشيخ؟ عايشه/ايه فديتها سعد/ماشاء الله مزيونه عايشه /هي قمر وبعد اسمها قمر فديت الي مسميها انا اشهد انه عرف يختار سعد تذكر يوم اختار لقمر اسمها وكان طاير فرحه فيها. سعد/كثر الله خيركم انا لازم امشي. عايشه/وين ياحلو؟ والقصيده؟ سعد/اووه نسيت .طيب اسمعي وعطيني رايك نهايه البارت الثالث

 

 

 

 

[معلومات العضو راشد المسعري]

صراحة جهد جبار اختي الكريمة في هذه الرواية الرائعه حتى الآن في جزئها الثالث

وإن كانت طويلة نوعاً ما ومن كثر التدقيق في الأسماء تلخبطت وضيعت بعضها

وفقك الله وأعتقد أن هذه الرواية لو عرضت على منتجي المسلسلات لكانت قصة صالحة للتمثيل

وفيها عدة نقاط هادفة لعل أهمها:

وأد البنات أو التقليل من حقهن في هذه الحياة وهذا من صفات الجاهلية وقد قضى عليه الإسلام

ولا أنسى أن فيه كلمة أو كلمتين في القصة تحتاج تغيير أو تشفير

وفقك الله وبانتظار تكملة الرواية ،،،

 

 

 

 

[معلومات العضو شافي بن راشد النتيفات]

يعطيك العافية على الموضوع المميز

 

 

 

 

[معلومات العضو انآآ غيير]

المشاركة الأصلية كتبت بواسطة راشد المسعري

صراحة جهد جبار اختي الكريمة في هذه الرواية الرائعه حتى الآن في جزئها الثالث

وإن كانت طويلة نوعاً ما ومن كثر التدقيق في الأسماء تلخبطت وضيعت بعضها

وفقك الله وأعتقد أن هذه الرواية لو عرضت على منتجي المسلسلات لكانت قصة صالحة للتمثيل

وفيها عدة نقاط هادفة لعل أهمها:

وأد البنات أو التقليل من حقهن في هذه الحياة وهذا من صفات الجاهلية وقد قضى عليه الإسلام

ولا أنسى أن فيه كلمة أو كلمتين في القصة تحتاج تغيير أو تشفير

وفقك الله وبانتظار تكملة الرواية ،،،

يعطيك العافيه اخي المسعري

بس اي كلمات تقصد؟عشان استفيد

 

 

 

 

[معلومات العضو عبدالرحمن بن فلاح آل بريك]

جهد جميل . متابعين لك .