السبيعي في مدح سلمان الهميج الشينه

[معلومات العضو ابو محمد الفرجان]

قصيدة الشاعر الكبير / مساعد بن عمر المجمعي السبيعي
في سلمان بن فهيد الهميج الشيـنـه

في مدح سلمان شرد القوافي ماتشيب
البيوت لطاري اسمه يزيد اسباقها

كاسب الطالات من دون شك ودون ريب
الجبال الشامخه بالمراجل واقها

الرجوله بنت شيخ لها شرط صعيب
قال ابو فهيد ابشري به وفعله شاقها

يوم الايام الصعيبه مع الوقت العصيب
والحلوق من المخاوف اتجف ارياقها

يقطع فجوج الخلاء لايذل ولا يهيب
لو يشوف الموت قدام عينه ساقها

مع دياراً موحشه مالها الا صوت ذيب
من غروب الشمس حتى يبين اشراقها

من طموحه يقدح الراي من راس صليب
عزم نفسه عن دروب العلاء ماعاقها

والهميج ومن تفرع من اسمه ساس طيب
عزوة يعرف ظفرها وطيب اعراقها

فرع من لاد ابن لشين مطوعت الحريب
لا تقدم من صفوف العداء عملاقها

والدواسر مجد شامل وتاريخ مهيب
الصحافه مايغطيه نشر اوراقها

يرخصون الروح من دون حلوات الحليب
احتمو وضحا وملحا تموح اشناقها

كم رمو من دون سحج الخلاياء من صويب
يحسبه لا حصل البل يجي مستاقها