هذي قصة الشيخ شيبان ابن قويد وهو معروف ان كثرت ابله من كثرمغازيه ويختار افضلها واطيبها
وتسمى ابله الركبا .
وبعد ما غزا وكسب ابل طيبه مر على غدير لتشرب الابل وكانت وحدت(ن) من النياق متاخره وعقبها ابعدت وضاعت وارسل احدن من عياله يدورها ويردها ومر يومين وماجا الولد وثالث يوم بشروه بسلامة ولده والناقه وقال ذا القصيده
يـا مرحبـا جاتنـا الظالـع وراعيهـا= بالغايـب اللـي لفانـا عنـد مظنونـه
يحلـب لبنهـا لمنهـو مشفـي فيـهـا= للضيف والا رفيـق (ن) جـا بماعونـه
كسب(ن) لنا من العدو مانـي بشاريهـا= يوم الردي ما يشـوف القـوم بعيونـه
لا ما التوينا علـى الابـل مـا نخليهـا= عسـر فككهـا يكـود احد(ن)يصيبونـه
رحنا عقـب هـوش(ن) خشـرن فيهـا= هـذا يحـول والاخـر طـارت جنونـه
ما جاتنا كون غصب (ن) عنـد تاليهـا= ضرب (ن) يشوق النشاما اللي يحضرونه
الظفـر ياخـذ قريعـه مـن نواديـهـا= واللاش لا من بغى شـي قصـر دونـه
الـلاش نفسـه علـى الدنيـا يعنيهـا= والنـاس لا عينـو شــي يطـرونـه
يا ما قطعنـا الظوامـي مـن مظاميهـا= عد(ن) نكاون هله مـا عـاد يردونـه
كـم سابقـن قـد عثرناهـا براعيهـا= بغـوه ربـعـه وعييـنـا يشيلـونـه
اللـي غـزا يمنـا جعـلـه فداويـهـا= يبشر بشلفـا مـن الحديـن مسنونـه
منقول من الشــــــــــــــــــــــــكري