وجدت هذه القصيده للشاعرة المعروفه ( النادره ) وهي شاعره
تنتمي لقبيله الدواسر عرف عنها الجزاله في قصيدها وفخرها بقبيلتها
قالت هذه القصيده مدح في خوالها العتبان وردهم عليها
نقلتها لكم كما كتبت في احد المنتديات المشهورة
ياراكبً من عندنا ألفيـن وأثنيـن=تــوَه جـديـدً وردوة الوكـالـة
جيبً أصيلً مصنعة شد ( برليـن )=قطـع غيـارة راكبـة ماشـرالـة
إلا ركب خطة مشا فـوق ميتيـن=من سرعتة مشية يسابـق ظلالـة
لو كان ينطق بالحكي قال ذلحيـن=قدام ياراعـي الوفـاء والشكالـة
علية قرمً من قروم ( الوداعيـن )=إلا نخيتـة فالـلـزوم أرتكـالـة
( ألاد زايـد )ملحقيـن المخلـيـن=هم لابتي أهـل الكـرم والجمالـة
فكاكة الأنشاب في العسـر والليـن=كسابـة الأمجـاد فـي كـل قالـة
وإليا توجة من ديار ( الوداعيـن )=باأول طلوع الفجر يمشـي شمالـة
وإلا كفخ يسبق حـرار الشياهيـن=يسلك طريق خريص يقطع رمالـة
منصاه لديار الصبـاح ا لحكيميـن=اللي لهم في المجد أعظـم دلالـة
أخوان ( مريم ) ريف كل المساكين=وسعد الحزين إن ضاق فيه أحتمالة
عقب العصر منصاة زبن الدخيليـن=(هو مقبل بن ... ) شيخ الشكالـة
من لابة ( عتيبة ) قرومٍ عديميـن=في فعلهم بالطيـب ماأحـدً مثالـة
شيخً ولد شيـخً يعـز الضعيفيـن=والامر عندة ينتهـي مـع جدالـة
( مقبل ) عزيز النفس لطم المعادين=حلحيـل و معَـربً بجـدة وخالـة
هذاك والله شيـخ ربـعٍ شكيليـن=وعون الضعيف اللي زمانة عوالـة
يشهد له الطرقي مع اللي مقيميـن=درب المراجل سيرتة هـو مجالـة
في قمة العليا لـه أكبـر عناويـن=والطيب عودً وكنَـة أكبـر عيالـة
في مجلسه مدهال للـي عريبيـن=أهل العلـوم الغانمـة و الجزالـة
فيه الشحم يعبـا لنـاسٍ مسميـن=والعود الأزرق ماشيٍ مـع دلالـة
سلَم علية أعـداد وفـد المصليـن=وأعداد ماتمطـر سحايـب خيالـة
وأعداد من طافـو بمكـة ملبيـن=وأعداد من حج الحـرم واعتنالـة
وأثن التحية فوق شيخ الكريميـن=يسمع صداهـا كـل قـرمً نصالـة
هذاك هو اللي من النـاس غاليـن=عز الرفيق وعـز منهـو شكالـة
ياجعلهـا عليـة ماتبكـي العيـن=ولا سنـاء برقـة يقـرب زوالـة
الررررررررررد
أبدي على المعبود زبن الضعيفيـن=الواحـد المعبـود عالـي جلالـة
وحي القصيد اللي لفا من سلاطين=يامرحبا واهليـن ياهـل وزمالـة
وأبدع قصيدي في البيوت الموازيين=والبيـت جـزلً كامـلً باكتمالـة
ما أجيب شعري كود أنا عارفة زين=أما النواقص مالـي فيهـا ومالـة
لا أجل الديار العامـرة بالمحبيـن=لا أركب أنا جيبي وأشـد أرتحالـة
جيبً نظيف أثنين من بعـد ألفيـن=إليـا مشـى بالخـط زاد أحتمالـة
بنصا رجـالً بالمجالـس ثقيليـن=أهل الكرم والطيب وأهل الطوالـة
من عقبها با أدخل ديار المحاميـن=أخوان نـورة بالمواقـف بسالـة
هم مزبن المسكين لاحـدًه الشيـن=الصعب عند أخوان نـورة سهالـة
وأقطع طريق خريص للطيب عانين=بأخر غروب الشمس بأول زوالـة
وأمر أنا الافلاج لأجـل العزيزيـن=قاصد ديار الخيـر شايـع جمالـة
أهل العقول الكاملـة بالموازييـن=الاد زايـد نعمهـا مـن سـلالـة
أهل المراجل هم هل العلم والديـن=من نسل رجلً ضـاريً بالشكالـة
رجلً لبيب وحـي شيـخ اللبيبيـن=قرم ورزين وصلب يا طيب حالـة
بالمعركة معروف وسط المياديـن=اليا عـزم بالشـي قـول وفعالـة
أنتو (دواسـر) بالمعـارك قوييـن=وافعالكـم بالطيـب كـلً حكالـة
وأبو...... شيخ الوفاء والوفييـن=مرحـوم ياكامـل بكـل الكمالـة
ياجعل منزالـة بوسـط البساتيـن=في جنه الفـردوس ربـي عفالـة
في جنة الفـردوس عنـد النبييـن=مكَـرم بالطيـب عــز ودلالــة
معرَب الساسين من صلـب جديـن=جدً سعـا بالطيـب وجـدً عنالـة
واليا مشينا من ديار (الوداعيـن)=بنصا ديار بقلـب نجـد وجبالـة
نسناسها يبري كبـود المصاخيـن=وسكانها رمـز الوفـاء والاصالـة
هم ربعنا مالـي غنـا للحكيميـن=أهل المراجـل والكـرم والفضالـة
(لطامـة العايـل لكـل المعاديـن=ذباحـة الحايـل ربـع الجزالـة)
ولاني بكَم الناس والنـاس وافيـن=من قال أكـم النـاس كـمُ مقالـة
والطيب عند الطيب والناس دارين=موكليـن الله ونـعـم الوكـالـة
والطيب باين مايبـي زود تبييـن=الطيب باين مـن زمـان الجهالـة
وصلو عليه اعداد ماترمش العيـن=واعداد مابـن القمـر مـع هلالـة
واعداد مارفرف طيـور بجناحيـن=واعداد من صلـى بمكـة وجالـة
واعداد اهل الهند مع مصر والصين=محمد المحمـود صـان الرسالـة
تحياتي للجميع