[معلومات العضو فهد الغريري]

بديت بسم اللي على العرش معتلي=منزّل القرآن نور و برهان
اللي رفع سبع السموات العلا=من دون لا جسر و لا عمدان
الأرض مهّدها و خزّن ماها=حرّك هواها و أنبتت الأغصان
أطلق طيور الجو فيها و البحر=تمشي السفينه فيه بالليحان
الواحد اللي ما تعد أفضاله=الحمد له و الشكر و العرفان
أرسل نبيّه رحمة لعباده=محمد المبعوث لإنس و جان
الرابح اللي يقتدي بسنّته=يفوز بالجنات و الرضوان
يمشي على أمره يهتدي بأقواله=متمّم الأخلاق والأديان
يا رب ورّدنا حياض الجنه=مع الصحابة سادة الميدان
اللي لزوم نتّصف بصفاتهم=و ننشر فضايلهم عبر الأزمان
و نكون بين مهاجر و مناصر=و نبلّغ التوحيد في الأوطان
أمة محمد سمّيت خير أمه=إن كان هي دستورها القرآن
الله أكبر وين ذيك العزة=إلى متى و إنا بذا الحقران
من وين ما نمشي نحصل فتنه=و البر و التقوى بدون أعوان
الدين له سيف و لكن مغمد=متى يسل السيف يالشجعان
نمحي ديار الكفر و الضلاله=و القدس نخلع منّه الصلبان
و نعيش في مجد مثل ما كنا=في سالفات العصر و الأوان
و يا سامعي و إن كان تبغي الجنة=الدين ما يحذف وراء الأمتان
دنياك حتى لو تطوّل فيها=شوف المقابر كيف هي مليان
إحفظ صلاتك ذخرك اللي يبقى=تفزع لك إليا خانك الزمان
آمن بربك خالقك ياإبن آدم=لا قال كن لأي مستحيل كان
قدّر معاشك و أنت في بطن أمك=و العمر لا زود و لا نقصان
الرابح اللي لا وضع وسط اللحد=لا إله إلا الله له بميزان
تحت الثرى يسأل و لا أحد حوله=ما غير هو و يا عمله خلان
من تصلح أعماله تطيب أحواله=لا خوف و لا حزن و لا خسران
و يحط قبره روضة من جنة=و إلا غدى حفره من النيران
كل محله الى قيام الساعة=الساعة اللي كم لها من شان
فيها السماء تنشق بأمر الوالي=و يجيك منها ينتشر دخان
يصعق جميع الخلق ثم يبعث=خلق جديد يرجع إل ما كان
يصلب تحت شمس تقّرب منّه=لين العرق يلجم به الإنسان
خمسين ألف من السنين مهدد=كون يجيء ما هوب في الأكوان
ينصون عقب العرض سيّد الأمة=يشفع لهم بالحق و الميزان
كل يدوّر له زيادة حسنة=و يا سعد راعي ذرة الإيمان
بأنصحك يا مسلم تفقد نفسك=و فتّش على بيتك من الأدران
و أبوك و أمك فضلهم متقدم=كم مرة شلّوك في الأحضان
لا تبتعد عنهم و هم يرجونك=و إخضع لهم يا قرة الأعيان
و حاذور منك تبور في خويّك=لا خير في من بار في الصحبان
و إحشم قصير البيت و إرفع شانه=أكرمه جار البيت ما ينهان
و الضيف ضيف الله إلى جاك أكرمه=يحبه الله مكرم الضيفان
و إحذر لسانك لا تساهل منه=تراه ساس الوصل و الحرمان
أصدق ترى الصادق ينجي نفسه=لا ضاع راعي الزور و البهتان
و مسكين ياللي عايش في غفلة=لا يعرف الحلقة ولا الآذان
إبليس يجمع حزبه لجهنم=والدين يصّّل جنة الديان
أنصحك و أنصح نفسي الأمارة=نكب دنيا من عليها فان
نفر للي ما يصك أبوابه=و يفرح لتوبة عبده الندمان
من دان نفسه ما تبع هواها=الجاهل اللي يتّّبع ما هان
إصبر على الدنيا و جاهد نفسك=ما فيه شيء يجيك بالمجان
حاول ترتب جزء من أوقاتك=تسمع كلام الدين و الإيمان
في مجلس وتحفه الملائكة=يكفيك منّه نظرة الرحمن
و مجالسة الأخيار و أهل الطاعة=هي الثمن لا بارت الأثمان
كما وصف لك في الجليس الصالح=المسك ما يخلط مع الدخان
والعلم نور يكشف الظلمات=و الجهل ينسف عالي البنيان
وإياك لا تحرم اهلك من مالك=ولا تحرم المحتاج من الإحسان
كثّر من الطاعات صوم وعمرة=داوم على التهليل و السبحان
خل التواضع دايم من طبعك=ترى التكبر مدخل الشيطان
قدّر كبير السن و أهل المعرفة=و خلّك رحوم و لا تجيء لعّان
و إقنع بما في إيديك و إرض و تغتني=و أستر على اللي مبتلى و تصان
بيّنت لك مما يجول بخاطري=خذ النصيحة وإحفظ الأركان
هذا و صلى الله على اللي وصّى=قال الصلاة و ما ملكت الأيمان
اللهم صلّ عليه و سلّّم=صلوّا على محمد و ذا بيان

الشاعر العزيز الفاضل "عبدالله الصليبي"

اررررحب ترحيبةٍ تخضر بيابس الورق

اررررررحب ترحيبةٍ من من الخليج الى المحيط

في البدايه اسمحلي ان ارحب في شخصك النبيل

في هذى المنتدى الكريم وعسى الله يبارك في مساعيك

وان يجمعنى على العز والطاعه وعلى مايحب ربنى ويرضي.

وصح الله السانك وعتلا شانك وزادك الله من زوايد فضله التي لا تنقضي

واهنى هذى المنتدى الكريم بقدوم شاعر وكاتب اليه من امثال عبدالله الصليبي

وننتظر جديدك المميز جعل عمرك طويل على طاعته

وتقبل مني فائق التقدير والاحترام

اخوك / فهد الغريري,,,