السلام عليكم ورحمة الله وبركاته
مساكم الله بالخير جميع
هناك ( روائـع ) من الشعر تمر على الواحد صعب ينساها ..
وأنا عندي بعض الأبيات والقصائد اللي أعجبتني لعدة شعراء أبعرضها عليكم وبتكون إن شاء الله في عدة أجزاء ..
والبداية مع أبيات لأمير الشعراء ( الأمير : محمد الأحمد السديري ) من قصيدته ( الملحمة الزايدية ) ..
ما يفصـل الـقـالات إلا رجالـهـا=ولا كـل مـن شـيـد بـنـاه حـمـاه
ولا كل من ركب الجـواد عدا بهـا=علـى حامـي الهيجـا وحـر لـظـاه
ولا كل من نوى لـدار رحـل لهـا=يـمـوت ما لـحـق هــواه إمـنــاه
ولا كل مـن رام المراجـل ينولهـا=يا عسـر مقضبـهـا عـلـى يمـنـاه
ولا كل من ركب المطايـا غزا بهـا=ولا كـل مــن رام الغـريـم قــواه
ولا كل مـن يبـرم عهـود وفى بهـا=يطغـى علـى فـعـل الجمـيـل رداه
ولا كـل مـن ودع لسـر يصونـه=وكـم واحـدٍ سـر الصـديـق أبــداه
ولا كل من حصـل حـلالٍ سخا بـه=يبيـن بالـوقـت الشـديـد سـخـاه
ولا كل من جالس هل العلـم عالـم=وكـم عالـمٍ ضـر العـبـاد خـطـاه
ولا كـل مـن نالـه جميـلٍ يـرده=ولا كـل مـن شـاف الحريـب نصـاه
ولا كل من سـل السنـان سطا بـه=يمـوت وسنـانـه جضـيـع إخـبـاه
يمنى بـلا يسـرى قليـلٍ حصيلهـا=ورجـلٍ بـلا ربـع يـخـاف اعــداه
الأجواد مثل الورد عطر روايحه=والأنـذال زقـومٍ يطـيـر سـفاه
الأجواد آيات النـدى في وجيهها=والأنذال شـرى مـا يـذاق جنـاه
الأجواد ما تنوي بك البوق والردى=والأنـذال عيـب مـا يعـد غـيـاه
الأجواد فعل الخير لذة نفوسهم=والأنـذال ملـزوم يشـاف خـنـاه
الأجـواد جنـات تعاقـب نهورها=والأنذال صلدا من صخور صفاه
الأجواد تاصف لـك طريق يدلك=والأنذال لعسرات الدروب إقداه
الأجواد فيهـم بـاب يسر ومعزه=والأنذال عسـرٍ مـا عليـه شفاه
الأجـواد زلـة جارهم يدمحونها=والأنـذال تجـزا الأقربيـن جـناه
الأجواد مثـل النهـر حلـو شرابه=والأنـذال صبـاخٍ مــلاح مــاه
الأجواد تبذل فضلها دون عرضها=والأنذال دنسيـن العروض عراه
الأجواد مثل الريف سعد سعوده=والأنـذال قحـط الزمهرير شتاه
الأجواد تامن شرهم وأنت عندهم=والأنـذال شـر ما يطـيـب بــلاه
الأجـواد حبـات النـدى يبذرونها=والأنـذال تبـذر بالرخيص رياه
الأجواد فعول الخير ما يجحدونها=والأنـذال حزم ما يطيـب حـفاه
الأجـواد ما تلحـق عزيـز مـذمـه=والأنـذال تنطـق بالصديق زراه
الأجواد عز الجار والضيف سلمهم=والأنـذال بعيـون العزيـز قـذاه
الأجواد مثل الصبح تمشي بنوره=والأنذال ليـلٍ مظـلـمٍ ممـسـاه
 |
|
 |
|
وصــــــــــــــيــــــــــــة |
|
 |
|
 |
خذ يا لبيـب القلـب منـي وصيـه=حميدان في ماضي الزمان لقاه
إختـر مـن الخـلان حـي تـوده=تسبـق علـى فعـل الجميل يداه
دليل على العليا بعيد من الخطا=الطيـب فـي دنيـا الحيـاة مناه
ما جال في قلبه من الخوف جايل=وإن كـاد مرقـا الطايـلات رقـاه
ولا ضعف النفس العزيزه لجارته=ولا هرولـت للمحصنات اخطاه
يفرح به العاني ليا حده القصا=وللضيـف معسـول الكـلام نباه
وإن جاك من يمّة معاديك ريبه=مـن قبـل ما تاطى عليـه وطــاه
صديقك صديق له وضدك يضده=وعلى روس عدوانك تدير رحاه
هـذاك حطـه لـك رفيق موالي=عونـك ليا زاد الـزمـان بــلاه
يا ناشـدٍ عنـي وأنـا لـي قبيـلة=لهـا المجـد زايـد بالرفاع بنـاه
وكمل مقام المجد عامر وشيده=طريـق المعالـي للدخيل مشاه
دواسر كنيوا على دوسر الفحل=واسـمٍ علـى فعـل يبيـن إقـداه
تعلوا لعرش المجد من قو عزمهم=مصابيـح ظلنـات تريـح رجــاه
مراجيـم عـدوان مرابيع ملتجى=ليا جف مـن وبل المزون ثراه
إلى قطبت عسر السنين وجدبت=ولا عـاد يذكـر بالريـاض كـماه
يهوشون بوجيه تكاشف من النقا=والضيـف مايقصـر عليـه اقراه
يا ناشد عنـي وأنـا لـي قبيـلة=قصـر النـدا زادو عليـه إبـنـاه
أشادوا فعول بالفضايل وسلمهم=للجـار كــل باللـسـان حـكاه
بني زايد أدوا جارهم من جداره=ولا أحـدٍ مـن أسبـاب الإلـه وداه
لهم وادي سهـل الـدروب ودونه=نـار ينـزح عـن احمـاه سـنـاه
سنـاه مصقـول الحديد الصافي=وعـزم القلـوب الصاطيات لظاه
عذروبهم للضيف ترخص نفوسهم=والجـار مضمون السلام اغطاه
قصيرهم يـارد على العد قبلهم=ولا شكى يـوم الــورود ظـمـاه
إن زادت سنينـه تجـدد معـزته=وكـلٍ خطـا جـاره عليـه رفـاه
على الطيب شبان وشيب تزاحموا=والطيـب يتعـب للـرجـال مـداه
من الهضب للأفلاج مكدين ضدهم=وحريبهـم مـر المـذاق عـشـاه
وادي العقيـق مطهرينـن جنـابه=ولا ديـس بيـن العالمين إحماه
من عصر ابن بدران هذي ديارهم=والـدار محـدٍ للخصـيـم أعـطـاه
راسين مثل جبال هضب آل زايد=وهـم ليـا شـان الزمـان إحماه
حموه يـوم إن القنا يقرع القنا=ولمثلـهـم رب العـبـاد بـنــاه
من الفرعة العليا إلى الخرج حدهم=به الجـار مـا كِّـدر عليه صفاه
دارٍ خذوهـا بالمراهـيـف عنوه=وهم نورها الصاطع ينير ضياه
تشهـد مشاريـف اليمامة بفعلهم=فـعـل تـعـد العالمـيـن ثـنـاه
فعلٍ على فعلٍ تحاكا به العرب=مجـدٍ يكـذب مـن يـعـد ثـنـاه
هرج بفعل يشبه الماس بالذهب=وهـرج بلا فـعـل يـقـال سـفاه
وإلى اللقاء في الأجزاء القادمة
تحياتي ،،،