[معلومات العضو ابوحمد الشامري]

المشاركة الأصلية كتبت بواسطة جزيل العطاوي

مشكورين يالاداره على استضافة الاديب ابو حمد الشامري مدير موقع العجمان الرسمي و ننتظر منكم اكثر مثل هذه اللقاءات اللي تثقفنا في تاريخ القبائل في الجزيرة العربية وقبيلةالعجمان قبيلة عزيزة علينا

وانا لي سؤال واحد فقط ويمكن بعد فترة اشوف اسئلة ثانية


ابو حمد انا قريت في منتدى العجمان هذه الصورة من كتاب ( بلاد العرب ) لجون فليبي

ولننظر ماقاله جون فلبي في كتابه (بلاد العرب )ص37 لندن-1928وقد نقل عنه العبيد في كتابه العوازم



فما هو ردك على قول جون فليبي ؟؟؟؟؟؟؟؟

مرحبا الف بالاخ العزيز جزيل العطاوي لا هنت يا السنافي على التقديم الطيب وما عليك زود طال عمرك.

بالنسبة لمقولة جون فيلبي فهي مخفية المعالم ذكر حماية وسكت طيب وش احداث هذي الحماية ومن من يحميهم؟ من ابن سعود ما اعتقد لان العجمان وابن سعود علاقتهم ممتازه بعد صلحهم في مناخ الاحساء اللي حدث سنة 1915 ولا تأزمزت الاحداث الا بعد سنة 1929 اي بعدوقعة السبلة في عام 1929 لان الملك عبد العزيز ارسل رسائل شكر للشيخ ضيدان يثني عليه على عدم مشاركة العجمان في معركة السبلة ولا تأزمت الاوضاع الا بعد مقتل الشيخ ضيدان على يد فهد بن جلوي ومن عقبها قاموا العجمان بقتل فهد بن جلوي يوم يقول الشاعر في حرب العيينه :

يوم جيـنا مع الـصـوان جـرداني = يا زيـن ضـرب النمـش فـي قــوم عـبـدالله
بندق في "العيينة" حج راعيها= طَيّرت من (فهد) في كبد (عبد الله)
ليت من هو بزين الصوغ حاليها= أنقذت من خبيث الفعل خلق الله
أربع آلاف راحت هي وراعيها= كل ألف بميّة من جنود الله

وجون فيلبي يقول سنة 1928؟؟؟ وش اللي يخلي العجمان يطلبون الحماية هذا اذا قلنا مجازا ان الخبر صحيح.

والسبب عدم صحة الخبر ان العجمان ايام الامام فيصل بن تركي يحمون قوافل الحجاج العابرة من الاحساء والمتوجهه الى الحجاز وكانت الدولة السعودية الثانية تعتمد على قبيلة العجمان في حماية قوافل الحجاج وكان ذلك ايام الشيخ فلاح بن مانع قبل ان تسوء العلاقة بين الامام فيصل بن تركي والعجمان بعد معركة الطبعة وملح.

وجون فيلبي عميل بريطاني في الشرق الاوسط اثناء الحرب العالمية الاولى والثانيه وبعدها اسلم وسما نفسه عبد الله فيلبي ، وعلى كل حال المستشرقون يذكرون الاخبار ولكن ليست دقيقه فمثلا يقولون للعقيد انه شيخ القبيلة فهم ما يفرقون بين شيخ الشمل والعقيد ولكن اعتقد انه افضل ما كتب في احداث القرن العشرين هو ديكسون لانه كان رفيق ومصاحب لزنيفر ال محفوظ والشيء المهم انه كان معاصر للاحداث ولو ان اللي ذكره فيلبي صحيح ما اعتقد انه بطوف على ديكسون في كتابه عرب من الصحراء لانه ما خلى شيء الا ما وثقه وهو اعلم من فيلبي في احداث شرق الجزيرة وشمالها لان فليبي اكثر ما يكتب عن نجد وصحراء الربع الخالي وجنوب السعودية.

ولا هنت يا السنافي وان شاء الله اكون عند حسن الظن في الاجابة