من قصايد عيدان الغزليه
ونيني ونين مصدر عشقه بثنين
مع رمله فيها مذب ومحالي
يبيله فريق من جبل عد منتزحين
لهم بين لارك والصفيات منزالي
ورد سايقه مستعجل والعرب مضمين
وصدر سنود القايله في الضحى العالي
حريص يلحه والحراره علي التسعين
تعرض بريم وقفت العود له صالي
يخلي مدار مريحه كلبوه يمين
ونطحله اعروق كنها عنده اسهالي
تفاخت وممشا سكت القار والتمرين
مذبه سنود والمحاويل هيالي
ونين المراوح والكوارين له تلحين
يسوقه شطيرنقله القير متوالي
الاحيه لامن ون والاحي الثنتين
اباكير شيل احورهم حل لبهالي
علي اول ولعن فيه عمره يجي شهرين
وهن من اصخاف البل اباكير وجهالي
الى روحوهن بالعصا يرجعن بحين
شواهن ارغاه وحنته يومه ايشالي
سرابه وجاهن عقب مسراه ليل شين
تغايالهن ويدرهمن بين الازوالي
يجرن حنين مضرمن يسهر الممسين
يجيهن الي جا تالي الليل غربالي
مادام البهيمه قلبها للجنين يلين
بعذر البشر لا مات لا فارق الغالي
تهون المصيبه دامها في دموع العين
ترى لحظه الفرقا لها عدت اشكالي
وذاقو مرارتها القديمن والتالين
ونا مثلهم لانيب الول واللى التالي
ولحدن نشدني قلتنا كل شي زين
وانا الزين مني بعد غداد من مالي
علي جادلن حبه ملكني ثمان اسنين
وعقب الثمان ابعدعلي وانكسر حالي
ولا عاديومن فيه نبني وهم طاوين
نطحني ودمعه فوق الاوجان همالي
ولاقلت ويش العلم قال العرب منوين
ويصعب عليكم تالي الوقت ميصالي
مع قولته لى بالسلامه غدا قسمين
ضمير كفاه من الغرابيل ماشلي
ولاعادانجيه اللى سلام وحن عجلين
ونا شف بالي في مقابل هوا بالي
حديث معه لو ساعه مالها تثمين
بلرواح ولى ماتقدر بلموالي
قلوب العوارف من جماله عليه تلين
يشادي مهاتن عاودت عقب مجفالي
ارقبته كما عسون ظهرمن فروع العين
تمروى حبابه طالعن مابعد مالي
عليه اشقرن طلقن يكده يجي مترين
كما ذيل شقرى قارحن له تفلفالي
علي منحرن كن القمر فيه يوم ايبين
ظهرمن كسوفه وانجلى والسماء خالي
ونهدن كما فنجال صين وردمن الصين
مساويه من نزل تبارك والنفالي