15-04-2005, 02:51 PM
|
#1
|
إحصائية
العضو |
|
|
قصيدة للشاعر محمد بن ضافي المصارير0000 صح لسانه
هذه القصائد من احدى القصائد التي اعجبتني والمورودة في ديوان الشاعر عبدالله بن حمير الرجباني جزاه الله خير00وهي مواطن حكم وعظات ونصائح من الشاعر المصروري000جزاه الله الف خير
سـلام اسلـم بالهـلا والتحيـة=اعداد ماهل المطر من سماهـا
متبرع يالربـع عنـدي هديـة=ارب تقبل يوم صدري حواهـا
اسبابها راعي القدي والخطيـة=نصيحة للي يعـرف امعناهـا
اتبع طريق الصدق لاجا دعيـة=تنجح وطراد الخطا في عماهـا
لابانت الحجـة تبيـن القضيـة=وحل القضية عند فاهم اقضاهـا
لاتفتخر بالزور في كـل نيـة=اخبر ترا العثرة تجي من خطاها
مايجحد المعروف راعي عنيـه=ايبين البيضاء وينشـر ثناهـا
هذا الجزاء لأهل الوجيه النديـة=لاشان وجه اللي يـدور رداهـا
واحذر تقاصر نملـة فارسيـة=خطر على الجيران يسري غثاها
دايم على الاذنين منهـا شكيـة=والا من القاصين يقصر احكاها
وبنت الردي حذارك لو هي نقية=لاجا نهار الهوش يعقب نماهـا
ماتنجـب الاعـلـة باطنـيـة=تقصر يمينه من مكاسب نداهـا
يجيك لاقـرم ولامـن حميـة=خسارة ياليـت ماجـاء نماهـا
عند الطلب ميسـورة المعذريـة=كنه قليـب غايـر جـم ماهـا
اطمع ببنت اللي عزومه قويـة=لاحانت الجاذي وطاحت عصاها
يلحق براعيها توالـي السريـة=في ساعة راعي العزاوي نساها
بنته الى جاتك مـن الله عطيـة=احمد وليك يوم هو لك عطاهـا
يجي ولدهـا للامـور القويـة=مجنا حرار سعد من هو جناهـا
رجل حكيـم دارس كـل ليـة=يجلا من الكبد المغلـة صداهـا
لاجاء نهار فيه تقبس اضويـة=نفسه لكسب العز يرخص غلاها
يركي على الباغي ويحمي اكوية=ومن هقوته يثنيه لامـن نواهـا
محزم ضفر ماهوب ينسا خويه=لاكحلت لنياب يحمـي ذراهـا
فيا ماذكرت من العلوم الطريـة=نفسي تمني جعل تلحـق مناهـا
وختمانها مني صـلاة وتحيـة=رجعتنا-اولهـا علـى مبتداهـا
الجاذي // الناقة اللي تطيح براكبها وقت المعركة
محزم ضفر// كنية وتشبيه للقوة والحمية
واضيف عن حياة الشاعر انه كان بدوي يتنقل في حياة البادية وبلدته الطوال جنوب الحيانية مع جماعته المصارير
المصدر// واحة الشعر الشعبي
__________________
|
|
|