؛
؛
أبرسل للجميع أزكى تحياتي بلا نقصان=ابرسلها صدى صوتٍ تعدّا نفس شفقانه
وخص بالجمع عبدالله أبوراشد كريمٍ عان =أبد ماقصر ابحله على أهله على اخوانه
بقول ابصوتي العالي واْبد مالك علي حلفان=قسم بالله تستاهل كريم وتستحق شانه
وتستاهل أخطّ اسمك على باب الكرم عنوان=إذا ضاعت عناوينه لقيتك رمزّ عنوانه
بعلي كلمتي عالي ولاني منّها خجلان=إذا للمرجله اركانِ حسبك عزّ أركانه
كريم الضيف مايخذل ضيوفه مجلسه عَمْرَان=مجالس هيلها فايح أبد ماصكّ بيبانه
رقيت المرجله عالي رقيت ابعزها كسبان=ترا الواحد تعلمها من اجداده وَشِيبانه
نهجت ابنهج جدانك بني زايد شيوخ اعيان =خذيت الطيب من لابه وسرت ابنهج تبيانه
عملت الخير لجل الله وكلن يرتجي لحسان=أبد ماتنتظر شكراً ،، جزاك الخير سبحانه
لفتني دعوةٍ منّك وجا حرفي مع الضيفان=يسابقهم يبي ينشد لكم حرفه على اوزانه
عز الله انه يستاهل الخير ‘‘
أسأل الله له التوفيق والسداد ’’
تسلم يابوصهيب ،، وعساكــ على القوة يالغالي ؛
