[معلومات العضو مسفر جمعان الصفا]

ياهاجس الشعر وْخيال الشاعر = بروق هيضي في سماك مْشيعه
شاعر ولي فالشعر منهج واضح = واجيد في عسفه وفي تطويعه
ابدعه من عرفي ونظم افكاري = ما اعيد من السوق الشعر تصنيعه
واللي على بدع الشعر يدفعني = مشاكلٍ في ذالزمان مْريعه
وبالاختصار اقول عن ما اشوفه = من غير لا موضه ولا تقليعه
اغلب قضاة اليوم يأهل السنه = ماكنّه الا من قضاة الشيعه
يفتي له بْفتوى ولا يطبقها = فعله يخالف دينه وْ تشريعه
لو قلت له ياشيخ فيه موظف = ما يداوم الا فالنهار ( سْويعه )
يقول لك هذا حرام ومنكر = وقت العمل ما يجوز له تضييعه
واذا نظرت الى دوام القاضي = ما عاد ينفع ستره وترقيعه
فالعاشره دايم يجيك مْداوم = وفالمختصر جلسه وكم تركيعه
وفالحاديه عشر يجيك بّشته = وجلس في المكتب وهزّ اصبيعه
ثم خذ قضيه واحده من عشره = وبحث بها عن نقص لجل يْذيعه
يدّور على راع القضيه غلطه = يبي يضره ما يبي تنفيعه
وان حاول المسكين يتوسلّه =بالسجن دايم خوفه وترويعه
واعطاه موعد بعد عامٍ كامل = او ستة اشهر ان نوى تسريعه
وفالثانيه عشر يروح يْصلي = قبل المؤذن الاذان يْذيعه
وفالواحده فالمختصر له جلسه = بعد التعب لا بد من تربيعه
قهوه وشاهي والبخور يذعذع = ثم قاموا الكُتّاب في توديعه
تعب فضيلته بْقضايا الامه = ويجب علينا كلنا تشجيعه
عنده حصانه وكل شي بكيفه = منصبه قاضي والحصون مْنيعه
وضع المحاكم يابشر يُرثاله = مهما يحاول شيخنا تلميعه
والمشكله لا غاب عنها القاضي = كل على كيفه ومعطي ريعه
تشوف المكاتب مغلقه والكاتب = سرح يدّور فالضحى كم بيعه
ضاعت لامانه والعداله معها = وحق المواطن سببوا تمزيعه
لكن عندي للمواطن كلمه = ان كان ما طاعك زمانك طيعه