[معلومات العضو بدر بن سعود]

المشاركة الأصلية كتبت بواسطة محمد المهنا

مرثيتي .. حزني الأقدم .. الأحدث ..

يالله يالمعبود يامنشي الكون = بامرك يسير الكون ذرة وذرة
عالم خفايا السر لو كان مكنون = ومايعلن المخلوق واللي يسره
ياناصرٍ موسى على جند فرعون = ورافع عنا أيوب كاشف لضره
تغفر لعبدٍ بالمعلاة مدفون = عند الحرم والبيت تعلم مقره
عد المطر واعداد ناسٍ يلبون = وعد الهوا لادار وسط المجرة
وعسى حمام البيت حوله يحومون = وفوقه قراح المزن عذبٍ تدره
ونبت الخزامى فوق قبره يقومون = والفل والريحان في مستقره
سنة ثلاثة مات من عقب عشرون = واربعمية والالف ماغير مره
ثالث نهار العيد راحو يطوفون = وعلى فراش الموت يقرا سوره
وصاني ارمي عنه لاجو يرمون = ومالي فضل لو مت في درب بِره
استغفر الله كان للروح يشرون = لاشري لبوي الروح في كل مره
لو ان شرع الموت في ابوي من دون = باقي البشر لاشب واطغى بحره
واشق وابعج لو يقولون مجنون = حتاي اذوق الموت واشوف شره
لكن ربي جاعل الموت مسنون = نامن بحكمه والنواصي تحرا
آمنت بالله ، حق، والموت بيكون = مهما يعيش العبد غصبٍ يمره
وسط الحشا زفرات ونات وشجون = وريح الحزن والهم بي مستمره
ربه ختم له خير والناس يثنون = ومن صر له صره يجازى بصره
يارب قبره مجمع انهار وعيون = واسألك ياربي نعيمٍ يسره
والفلك ساير بالبشر لين يفنون = مثل الرحى تطحن دقيقه وبره

وسلامة روسكم .. ورحم الله شايبي والمسلين أجمعين ..

أخوكم / محمد المهنا .....

يا لله ياحي ياقيوم اسئلكــ اللهم بأسمائكــ الحسنى وصفاتكــ العلا

أن تغفر وترحم ابونا والد أخي محمد المهنا
رحمة واسعة وأن تنير قبره إلى أن تقوم الساعة ..


أخي الشاعر محمد ،،


لا أملكـــ إلا الدعـاء ،، وإلا قصيدتكـــ احسبها عن مليون قصيدة ’’


صح الله السانكــ ،، والله يتقبل منه صالح أعمالـه


ويجعلـه من أهل الفردوس الأعلى من الجنة ..



عز الله انها ميتة طيبـه ،، هنيئاً لأبونـا رحمة الله عليه ..



اسمح لي طال عمركــ إن قصرت في ردي ،،


مع إني كفاني شرف أسبقية الـرد عليهـا ..


أرحب طال عمركـــ ..



اخوكــ / بدر بن سعود العجالين ..