قصيده قديمه ونادره لصاحب السمو الملكي الأمير بندر بن سلطان بن عبد العزيز
وقد نشرت في مجلة اليقضه بتاريخ 12-12 -1979
يالله ياللي كـل مخلـوق يرجيـك=ياعالـم حالـي عزيـز الجلالـي
يامستجيب لدعوة اللـي يناديـك=افرج لمن كنه على حـر صالـي
قد قيل قبلي من هرج بك هرج فيك=وخلاك تكره واحـد كـان غالـي
خلاك تكـره واحـد كـان يغليـك=لو كان من ربعك قريـب اموالـي
والجد مايرفـع مقامـك ويحييـك=ليا صرت من كل المواجيب خالـي
والخال ليا ضاعت سموتك يخليـك=ماينفعك لو قلت ابو زيـد خالـي
وانا ولد منهـو يحـل الشرابيـك=يذكر اليا عـدت فعـول الرجالـي
ولاني عشير للرخـوم الصعاليـك=اربوعي اللـي يلحقـون التوالـي
اتمنى ان تنال على اعجابكم واستحسانكم
تحياتي وتقديري