[معلومات العضو أبوفهيد الودعاني]

في بنت حظريه رايحه للبر مع السايق ( دريول ) وضيع السايق دربه


ولقت لها بدوي وهي طبعاا كاشفه وجهها واسالته عن طريقهاا اللي تبيه

ودلهاا ذيبان على طريقها ماقصر عز الله وهذي هي القصيده ,,,

قلنا سلام الله يا راعي الرعيه =وين الطريق اللي تودي للبلد
معنا غشيم ما عرف قيمة خويه = ضيعه بقفار ما فيهـا أحـد
يا هلا ويا مرحبا بالنرجسيه = أقلطـي فالـدار دارك والولـد
ذيك خيمتنا ولا أنتي بالخليه = ولك أمان الله في يـوم الأحـد
ما لنا مجلاس يا رجل الحميه = مثلنا لا غـاب لحظـه يفتقـد
غير ذالهندي عساه اليوم حيه = لا عرف درب ولا هو اللي نشد
إن جلستوا مرحبا ضيوف عليه = وإن تعذرتوا معك طير السعد
ما يجوز الغصب لك وأنتي بنيه = لاكن العوده ولازم من وعـد
إن عطاني الله عمر ولي بقيه = لازم أرجع مع هلي لك يوم غد
وإن تفارقنا تذكرك المطيه = وجعل يخلفنا على ديـارك رعـد
ليتني هندي معك يا الغشمريه= وإن ذا الهندي في المفلا قعـد
ليتني وياك نرعى بالرعيه = أو ليت قلبي خبل لا رحتي هجـد
الله يخليك ما ني ببدويه =ما نقصنـي يـا ولـد هـم ونكـد
دلنا على الخط دام الشمس حيه = لا دنانا الليل ذالهنـدي رقـد
ذاك دربك من ورا ذيك الحويه = وأستري وجهك ولا تبديه أبد
وأن بغيتي تحطبي مالك لويه =أجعلي بيديك حبل مـن مسـد