ياسدرة المغنى على مشرع الصفا = في جال مخضر الجناب قرون بنشدس ماشفتي هل الجودوالصخا = اللي لهم كود الامور تهون اقفوا وانا يادار اجاذب هضايمي = وتحملت من كثر الغبون اغبون من عقبهم يادار لاعلك الحيا = ولا اخضرت بك بالسنين غصون يتلون نزال الخطر مرهب العدى = عامر لصعبات الامور زبون خالي ولاغيره عزيز رجيته = ارجيه رجوى الممحلين قرون فياليتني معهم على كور وجنا = ويبرى لهم وقم الرباع ودون ان وجهوا فوق الرمك يمت العدى = عليهم عضيمات الامور تهون بيمانهم سمر القنا تنثر الدما = ويفجون في صدر الحريب طعون تمنيتهم والبعد دوني ودونهم ====== وفراقهم هيض علي اشجون اقفوا هل الشيمات يادار وانتحو = الى وين ياوادي قرون يبون