هذه القصيدة هي لبني هلال يمدحون الدواسر وعلى رأسهم الشيخ عامر بن بدران امير الدواسر في عصره عندما شدوا من جنوب الجزيرة الى تونس الخضراء
رحلنا ورحلنا مساس مـن القسـا=رحلنـا شمـال والضعـون اتــذاد
والله ماهـو شفنـا يـوم زاعنـا=لاهوب مـن بغـض وضـد اطـراد
شح المراعي والظما يـوم ضدنـا=والبل تبي المراعي وشـربٍ بـراد
فليل بضـدا والظمـا مركـي بنـا=لـولا خـواويـرٍ بـهـن اجــلاد
وليل باحما وحما شحيحٍ مشاربـه=عليـه نـاسٍ بالشـروب ازهــاد
تواقف المظهور والنـاس صنتـوا=يبـغـون راي للنـهـاج ســداد
صوت عليهم محمي النـار للعـدا=سيـروا لـعـدٍ يذكـرونـه جــاد
وردت عطـاش قريـة الجاهليـه=مياحهـا مايسمعـون لـه امـنـاد
وليلة وردنـا العـد عـد ال زايـد=عـد الــى نـهـا جمـامـه زاد
ضفنا وضيفنا ابن بـدران عامـر=حييـت ياغـمـر فـلاحـه بــاد
شيخ ذبح في الحال عشرين فاطـر=والكبـاش مايعـرف لهـن اعـداد
وكمل مزاهبنا علـى كثـر عدنـا=وخلا الجمـال تشيـل كثـر الـزاد
فلا ظل الا ظل غـارٍ مـن الصفـا=ولا شيـخ الا عامـر بـن زيــاد
ماهو يكف النشر من يمـة العـدا=ونشـر العـدا مـن لا اليـه ايـذاد
خذينا مـع ابوفقـار فـي الضحـا=عيـراتٍ لفنـا سيـرهـن اونــاد
وليل بدهو والحمل فـي نحورهـا=اجـداد اثاريهـن وهــن ابـعـاد
وليل بالحمـل والحميـل المسمـى=الثـر جديـد والعـيـون احــداد
وليل بماسـل والمويسـل وردنـا=سـود المغـارف غبهـن اجــداد
وليـل بالسـرادح لا علـه الحيـا=الشجيـر خـل والـمـراح شــداد
وليـل بحـد باسوفـة المعروفـة=اصبح علـى جـوا المـراح سـواد
وليل بشقـراء فاهقيـن اوشيقـر=بـاع الصبايـا حليـهـن ابــزاد
وليـل بطـيء مشمليـن النـيـه=نبغـي اديـار بالمـسـاس مــراد
لاشك "دهماء" مسها السير والسرى=قامـت تـردا قربـهـا الحـصـاد
لعلهـا عـام مديـم مـن الحـيـا=تجـي لنـا دوم الحـيـاة ابــلاد
لكنهـا ياحسـرة القلـب نوخـت=وانـا عليهـا حسـرتـي تــزداد
وقفيت اهل الدمع من حـب ناقتـي=والحـب يفطـر مهـجـة الـفـؤاد
من لامني في حب دهماء يشوف له=غــال وراه بحـسـرةٍ وانـكـاد
فحللتها والربـع قفـت ضعونهـم=خوفي عليها مـن الجـزم واجهـاد
حنيتهـا مـن حبهـا واختلاجهـا=طـول العنـاء للطيبـيـن ازهــاد