هذه القصيده كتبها الشاعر / سعود بن فيحان الوريكي العصيمي
وهو مسجون في سجن الملز محكوم عليه بالقصاص لقتله اثنين في عفيف
وفي يوم من الأيام قام بصفعه المقدم المطيري وهو مقيد بالأغلال
وبعد أسبوع أتى المقدم المطيري ومعه عسكر الى جناح السجن الذي يمكث فيه
الوريكي وعندما دخل تم أنتقام السجين من المقدم المغرور
وقاموا معه ربعه ومعهم دواسر ومسكوا العسكر عنه لين اخذ حقه من الضابط ...
وهذا المقدم المطيري هو يمثل نفسه و مايمثل قبيلة مطير !!
ويقول :
يقول الوريكي يوم ضيق عليه الحجز=ذكر لابته من جاير الوقت وقيوده
عرض له مطيرين نجومه ترزه رز=لجل حكم أخو نوره تعدى على حدوده
وأخص العضيله بتغطرس لبس له قز =بعينه جميع الناس ماهيب موجوده
نصيته ودونه عسكره من يجيه يكز=وأخذت القضيه منه والرجل محدوده
عتيبه بني عمي بهم أفتخر و أعتز =أنا ودون ظباط من السجن وجنوده
طروا لي ودق دق القلب زود عليه وفز=على لابتن قصيرهم تثبت حدوده
هل المجلس الطيب هل الحيل وأهل العز=تقدم لناصيها من الطيب كنبوده
يقوله عتيبي من بغى العز ما يهتز=يحب الرفاقه والعدو يلعن جدوده
خويه على العليا وهو دوم له معنز=ولا تنقص حقوقه ولو زادت لهوده
وتناخو بني عاصم وشيبان وقفت عز=على عسكر حوله ثلاثين موجوده
وتعزوى ولد قسام وأسمع ولد مكرز=ترانا هل العادات حنا هل الزوده
وجونا بني زايد وانا أعدهم لي كنز =تناخوا وغدوا سورن على من بغى العوده
وبني مسعر اللي ضربهم بالنحر يركز =يجيبون ما يبغون لو زاد باروده
ومخاريم واحدهم على الطيب دوم يفز =لهم عزوت في ماضي الوقت مشهوده
ووداعين والبيضاء على العاليه تركز=قدايم لهم بالطيب والعز موجوده
ولاد البريكي بالمواقف رجال العز=ترى طيبهم ماياصل الرجل لحدوده
وباقي القبايل كل فخذ لها مركز=سلاطين نجد اللي على الطيب مولوده
يقوله عتيبي والشدايد بها نعتز =ترى الظلم مانرضاه والعز بلحوده
وسلامتكم ..