الأخوه الشعار الأعزاء أشكركم جزيل الشكر على التفاعل المستمر كما لايفوتني بأن أشكر أخي صاحب الفكره سعد المقابله كما نتمنى المزيد وهذه القصيده رتبتها بعد ماشاركو فيها أخواني الشعار .
ياعين هلي عقب درع الجزيره=لو كان مايجبـر عزانـا بكانـا
شاعر يترجم ما يكنـه ظميـره=الله يجبـر فـي ملكنـا عزانـا
يالله ياللـي مالنـا رب غيـره=ترحم مليـك ٍ بالمعـزه حمانـا
اللّي على التوحيد وحّد مسيـره=هو درعنا هو ذخرنا هو ذرانـا
يالله ياعـلاَم خافـي السريـره=نطلبك يارحمـن تقبـل دعانـا
ترحم مليـكٍ بالمعـزَه مسيـره=وتوفَق اللي شال عقبـه لوانـا
يا الله يا كافل رزق كل البريره=ترحـم مليـك بالمـودة وفانـا
يا رب يا معبود ولا أحد غيـره=ترحم مليـك بالسجايـا عطانـا
تبكي على فراقه عيونٌ سهيـره=اللـي بخبـر فرقـاه الله بلانـا
اسم الفهد مرفوع في كل ديـره=مثل القمر اللـي ينـور سمانـا
يالله يعالـم بخافـي السريـره=تقبـل دعانـا لارفعنـا يـدانـا
ترحم فهد راعى الفعول الشهيره=اللي على سلم طموحـه رقانـا
فرقـــاك والله يافهـــدنا مريــــرة=بلــــوى وياكبر البـــــــلا ياذرانـــــــا
زادت على الكبد المريرة سعيرة=يالله عسى الفردوس الاعلى لقانــا
راح الفهد يالله تعوض بغيره=راح المليك اللي تخافه عدانا
اللي بنا النهضه بعلم وبصيره=يالله تصبرنا على اللي دهانا
الموت له عينٍ ولا هي بصيره=حقٍ خذا شمسٍ تنـور سمانـا
شيخٍ مسطر له مع المجد سيره=راح وفعوله كايده مـا تدانـا
تقبلو تحياتي وتقديري للجميع
محبكم : دغش البطي