ألف شكر لمن شارك في هذه المرثيه الشعريه وهذه القصيده بعد مشاركة عدد
من شعار المنتدى بارك الله في سعد المقابله على طرح الفكره وبارك الله في اللذين
تجاوبو مع هذا النداء.
ياعين هلي عقب درع الجزيره=لو كان مايجبر عزانـا بكانـا
شاعر يترجم ما يكنه ظميـره=الله يجبر فـي ملكنـا عزانـا
يالله ياللي مالنـا رب غيـره=ترحم مليك ٍ بالمعـزه حمانـا
اللّي على التوحيد وحّد مسيره=هو درعنا هو ذخرنا هو ذرانا
يالله ياعلاَم خافـي السريـره=نطلبك يارحمن تقبـل دعانـا
ترحم مليكٍ بالمعـزَه مسيـره=وتوفَق اللي شال عقبـه لوانـا
يا الله يا كافل رزق كل البريره=ترحم مليـك بالمـودة وفانـا
يا رب يا معبود ولا أحد غيره=ترحم مليك بالسجايـا عطانـا
تبكي على فراقه عيونٌ سهيره=اللي بخبر فرقاه الله بلانا
اسم الفهد مرفوع في كل ديره=مثل القمر اللي ينور سمانا
يالله يعالـم بخافـي السريـره=تقبـل دعانـا لارفعنـا يدانـا
ترحم فهد راعى الفعول الشهيره=اللي على سلم طموحـه رقانـا