اقتباس:
المشاركة الأصلية كتبت بواسطة صبي آل عريمه
للصبح ودروب الوفا والغيم ونفحات العطـى =الشمس وصدور الوله تصهر مساحات الجليد
ماحرّ من جمر الغضى إلاّ المفارق والبطـى =وجد.ن.على الايام كدّر بسمةالصبح السعيد
زرعت ارض السمبله وطارت اسراب القطى =وماعاد للحيله جدى وللشعر والكلمه رصيـد
ابعثر حروف الوفا وتفهمني النظـره خطـى =والليل صمته مسرح التفكير والجفن السهيد
درست والدنيا دروس ومعرفه واخذ وعطـى =عرفت شي وفاتني اشياء والمبصـر فريـد
جهودي ميدان الزلل وصوابي قابل للخطـى =شاعر ولكن مافتخر فخر البطل( بـن الوليـد )
ورتني الدنيا البشاعه وارهقت قلب الخطـى =استعذبت همي وبرتني بري عودان الجريـد
والهم معشوق الضماير لاصطى فيها صطـى =انجوم ليل المعرفه تنزف ضمايرهـم قصيـد
المبصرين تحثهم لمصافح الجـدي الخطـى =منارة الليل الضليل ومقطع الـراي السديـد
همّاتهم متن السما وارواحهم حـب وعطـى =وشعورهم يخونـه التخذيـل وادراك البليـد
قل للقلوب الهايمه بين المحاجـر والغطـى =وقل للعصافير وسراب احلامها وقـل للزّهيـد
خذل الليالي المبهمه ياصاحبي ذنب وخطـى =والموجعه ياصاحبي خذل الموالي والعضيـد
أمد شوفي للسما واشوم عن جرف الوطـى =واسوم واخسر لكن ادفعها على الربح الاكيد
|
اررررررررررررررررحب تراحيب الحيا من بعد البطى
يشرفني ان اكون اول من يرد على هذه الجزلة
الشاعر الكبير والفحل / عبدالله آل عريمة
صح اللسانكـ واتعلا شانك ورفع الله مقدارك
جزل ولا تكتب الا الجزاله وهي غير مستغربه منك
أخوكـ / ابو زيــد الغيــيثي