البارحه والجو حامي ومشحون= وكلن على ليلاه ساقه غرامه
جرّيت لي ونّه من التون للتون=وسمّعتها من لايغيّر كلامه
شرواك ياللي لظلم الوقت مضمون=لاكبرت الدعوى بعين الهلامه
مضمونها شوف الظواري يهابون=وشداد ريمه فاهقته المسامه
اقسا علي امن القسا يشقر اللون=واقسا من احساس القهر والندامه
واقسا من الترحيب في حظرة الدون=وروس العرب حوله عليهم علامه
والهيّن اللي كل ماله وهو يهون =لاشح في وصله يشح بسلامه
نشكر غيابه قد ماحاول يمون =وقد البشاير عند قل اهتمامه