[معلومات العضو عبدالرحمن الشرافي]

اخواني الاعزاء ,,,



أعتذر لكم عن هذه الغيبه الطويله وذلك لظروف لا يمكن ان اخالفها

وآتي لكم في هذا الموضوع بمحاورة جرت بيني وبين اخي / ابو عبدالمحسن " راشد المسعري"


اتمنى ان تنال على استحسانكم ...



عبدالرحمن الشرافي:

يا المسعري يالقرم لو اوحيتوا = ما اتعبتوا الخيال والرجليه
جيتوا لوسط السوق او ما جيتوا = سرج الفرس ماتلبسه شهريه

راشد المسعري :

يا اهل قطر واليوم يوم " الفيتوا = وين الفخر والشبرمي عاريه
رمادنا من كومته شبيتوا = نارً طفت واليوم صارت حيه

عبدالرحمن الشرافي:

العام دون ديارنا قفيتوا = واليوم لا هذه ولا هذيّه
بلادكم باسم الرماد اسميتوا = تكتب لكم طول اليالي سيه

راشد المسعري :

العام كفيتوا بعد و اوفيتوا = والماركه ميه عليها ميه
الخوف بكر لا يجي "ببيتو" = يبغى يمثلكم نهار الهيّه

عبدالرحمن الشرافي :

حلف الأمم معروف دون "النيتو = منا من اللي كلمته منسيه
بالأمس جبنا فارسً وازريتوا = واليوم والغد ناتي بعبريه

وسلااااامتكم ,,,,