[معلومات العضو عبدالرحمن الشرافي]

أخواني أخواتي ..

مرتادي منتدى قبيلة الدواسر ..


أسعد الله أوقاتكم بكل خير ...



أنقل لكم هذه المحاورة التي جرت بين الشاعرين :

الشاعر/ عبدالله بن حجاب الودعاني الدوسري .الشاعر / ملفي المورقي العتيبي .


الجدير بالذكر انا الشاعر / عبدالله بن حجاب الودعاني الدوسري
صغير بالسن عمره (( 17)) ونتمنى له التوفيق ..


إليكم المحاورة : يبدأها الشاعر / عبدالله بن حجاب :

عزو الصف عزوا وأسر ياليل هيا = ودي اطلع على سطح القمر والثريا
مير قولوا لملفي لا نويت يتهيا = أذن المذن أذن صلوا الفرض صلوا

يالمورقي بين امس واليوم والحين = شايفك بين الناس مثل الدويله
السن فيه السن والعين بالعين = اقولها والرجل قلبه دليله

ملفي:

انت وش وصلك يم النجوم المطله = اصبر ايام لين انك تحصل مظله
دور العافيه بعدين والشر خله = أذن المذن أذن صلوا الفرض صلوا

الله يصبر تالي الوقت ويعين = أنا اشهد ان الوقت ما فيه حيله
ما كل خيال يخض الميادين = لو كان حزم فوق سرج الأصيله

عبدالله بن حجاب :

حرٍٍ أشقر وارفرف بالسما بالجناحين = مير قوله يا ملفي قول والناس دارين
والله إني ولد شيخٍ يروس الوداعين = أذن المذن أذن صلوا الفرض صلوا

لو كان منتم يا الشواعير راضين = ذا الليل وسط الحفل مجنون ليله
في ذمتي ما ادريكِ من بين ثنتين = يا ملفي انته ليه يدك بخيله

ملفي :

ما نذم الرجال ولا نذم القبايل = مير كم شاعرٍ مثلك علومه هوايل
لا تجيب العلوم الا عليها دلايل = أذن المذن أذن صلوا الفرض صلوا

لو كان عن بعض المخاليق دارين =ما كان عدينا الجبال الطويله
واصل دروسك واحفظ الجيم والسين = حتى تحفظ الدرس بأهون وسيله

وسلامت الجميع



سوف اقوم بإنزال المحاورة (( بالصوت )) قريبا



تحياتي أخوكم/ عبدالرحمن الشرافي