اسعد الله اوقاتكم بكل خير
قصيده من جديدي اتمنى ان تنال اعجابكم وتصل لذائقتكم
يامعاناة القلم بعثريني واجمعيني واجمعك=لملمي فكري وحرفي يامساحات الكتابه
وياقواميس العرب اسعفيني من حروفك واكتبك=بكتب احلام(ن) بقلبي وتنجلي عني الكئابه
يامناة القلب لحظه لوسمحتي برسمك=برسمك اجمل اميره والاوامر لك مجابه
برسمك عرش المحبه وقلب فيصل توجك=تاج قلبي وتاج راسي يااميره لك مهابه
بكتبك احلى قصيده يغار منها مسمعك=واروي حروف القصيده دم قلبي ارتوابه
حبك بقلبي تمكن والمشاعر تتبعك=غصب عني يالحبيبه القدر قلبي رضابه
قلب فيصل صار خاتم تلبسينه في اصبعك=وان فصختي خاتمك قلبي تجدد به صوابه
يانجوم الليل ياللي بالعدد ماحد اوصلك=حبي اكثر من نجومك مابها شك وتشابه
في سنا نور الشموع اسهر واشواقي معك=تنذبل عيني وقلبي يرتجف طيفك سرابه
تهت في دنياك ضايع ودي اوقف واسألك=يامدينه مابها حدود ومساحات وقرابه
صرت اتجول وانادي بااعلى صوتي واسمعك=واثرها اصداء صوتي كلها هموم وغرابه
وفي النهايه انتظرتك مقصدي بس اشكرك=من سببكم صرت شاعر قبلكم ماحد(ن) درابه
ويامعاناة القلم بعثريني واجمعيني واجمعك=لملمي فكري وحرفي يامساحات الكتابه
فيصل بن جزاء الدوسري