يا سعد عينك بالطـرب يالحمامـه=ياللي على خضر الجرايـد تغنيـن
عزي لعينك وان درى بك سلامـه=خـلاك مثلـي يالحمامـه تونيـن
كسر اعظامي كسـر الله اعظامـه=شوفي مضارب شوحطه بالحجاجين
جانـي يقـول مروحينـه عمامـه=الله يخرب ديـرة لا صفـر العيـن
ان كان ودك بالطـرب والسلامـه=عليك بالفرعـه ديـار الوداعيـن
تنحـري ربـع تفـك الجهـامـه=فكاكة القـالات بالعسـر والليـن
دخيلهم ما أحد على الحق ضامـه=لو هو ضعيف الحال ما يلحقه دين
تركي الودعاني
والله والنعم بصبيان الوداعين وداية جارها من جدارها
وأهل العلوم الغانمه كلها من غير قصور في الباقين
بيض الله وجهك على هذه المشاركة الرائعه
واللتي تعودنا على قرآءة ماهو جميل منك ياتركي
وصح الله لسان مويضي المطيريه
تقبل الود والتقدير
محبك دغش البطي