[معلومات العضو ثامر البدراني]

هذي أبيات قلتها في أخوي ناصر الله يحفظه

اتمنى تعجبكم ..

أقول فيها :

سلام يا زين الفعل والخصالي=سلام يا اللي للفخر دوم كسّاب
سلام يا حرّ(ن) بروس العوالي= قرم(ن) سنافي من يخاويك ما خاب
ناصر نصرك الله يا خير الرجالي=يا اللي فدرب الحق تمشي ولا تهاب
يا نور نجم(ن) في الليالي يلالي=يا كامل الخقلة جميل(ن) وجذّاب
شهم(ن) كريم(ن) مرخص(ن) للريالي=تعطي ومالك فالعطا منّ وحساب
يفداك شعر(ن) للثقيلات شالي=يا فزعة المظلوم لا جاك منصاب
عزيز نفس وراسك الزين عالي=شيخ المحامد بالعطا دوم وهّاب
سبحان من كمّلك بأحسن جمالي=قوّة شباب وتحمل عقول شيّاب
لا من ذكرتك زان وارتاح بالي=والا قبل ذكرك شفوق(ن) ومرتاب
ودّي بشوفك يا بعد كل غالي=وإن غاب زولك عنّي ذكراك ما غاب
ناصر إلى ضاقت عليك الليالي=اذكر وراك إنسان للفرح جلاّب
أفداك أنا بروحي وحالي ومالي=يا من بطيبه للعقل حيل سلاّب
أدعي لك المولى عظيم الجلالي= يجنّبك من كل شرّ(ن) وأتعاب

لكم مني أحلى تحية

ثامر البدراني