بارك الله فيك أخوي ابو منيرة
على جمع هذه المعلومات التاريخية
عن حياة الشيخ عبدالكريم الجربا الشمري
والقصائد التي قيلت فيه وهو يستحق ذلك
وهناك من يشكك في القصيدة التي نسبها الراوي
الى خضير بن صعيليك الأسلمي ويقول أنها
للشاعر عبدالعزيز بن عيد الملقب - بالعزي -
من المطارفة حاضرة هذيل في برة نجد
والذي يعتبر المكمل للمثلث الهرمي لفطاحلة الشعر في نجد
مثل الشاعر ابن سبيل والشاعر محمد بن عبد الله العوني
والقصيدة وجهها العزي لـ ابن جربا عند زيارته له
يشكوا فيها ضيق الحال وقلة ذات اليد
وقصيدة العزي فيها بعض الأبيات التي لم يذكرها
الراوي الذي نسب القصيدة الى خضير بن صعيليك
يا شيخ انا جيتك على الفطر الشيب=قزان من دار المحبين دباب
دبا علي ودب مني بتقريب=قل المواشي يا ذرا كل من هاب
من دارنا جينا لدارك مغاريب=يموم نجم لا تغير ولا غاب
متخيرك يا منقع الجود والطيب=لا خيب الله للأجاويد طلاب
سلام من قلب محب بلا ريب=له يستتاب الشاب ويشب من شاب
يالجوهر التاريز يالعطر يالطيب=يالصعل يالصهال يا حصان الأطلاب
يالزير يالزحار يالنمر يالذيب=يالليث ياللايوث يالشبل يالداب
يالضاري الضرغام عطب المضاريب=يالفرز يا مفراص ضده والأجناب
يالنادر الهيلع عقاب المراقيب=يا نافل جيله بعيدين وأقراب
نطاح طابور العساكر ليا هيب=ستر العذارى لا غشى الزمل ضبضاب
عيبك ليامن قالوا الناس بك عيب=بالسيف لأرقاب المناعير قصاب
وعيبك ليامن قالوا الناس بك عيب=للسمن فوق مفطح الحيل صباب
وذبح الغنم والكوم حرش العراقيب=وعطاء المهار وبذل مال بلا حساب
وبك شارة كب الفراد المحانيب=وبذل الطعام وللتنافيل كساب
نمر تجره للعداء والأجانيب=تفجأ بها غرات ضدك بالأسباب
ومن عقب ذا بلعون ما بك عذاريب=احلى من السكر على كبد شراب
جيناك فوق الهجن شيب المحاقيب=لمشاهدك يا شوق وضاح الأنياب
الحر يضرب بالكفوف المعاطيب=والتبع قناصه من الصيد ما جاب
وأنت الذي تافي بكل المواجيب=كنك هديب الشام بالحمل عتاب
وعلمك وصل لعمان شرق وتغاريب=يا نافل البدوان وحتى هل الباب
تثنى لبو صلفيق ما به تكاذيب=شيخ الصخا معطي طويلات الأرقاب
ياما عطيت اللي يجونك طلاليب=كم واحد جالك من الوقت منصاب
وفرجت همه في كبار المواهيب=من عيلم يزمي كما يزمي الزاب
عز الله إنك طيب وتفعل الطيب=والطيب يجنى منك يا زاكي الأنساب
ولاهو كثير يا مهدي الأصاعيب=افعالكم يعده اللي بالأصلاب