هذه من روائع من قيل أنه معدم في عين المستشرق الهولندي
وهذا هو السر الذي لايفهمه الكثير وهو أن من هو معدم في نظرهم فهوا عند ذاته يعانق السحاب بكبريائه .
هذا المعدم في نظر الاوربي لم يمدح قط أي مخلوق على الارض الا قبيلته
وعشقه الابدي رحمه الله الابل.
في حين أن بأستطاعته بما يملك من جزالة المعني وتطويع القوافي وهندستها هندسة المتمكن أن يكسب الملايين .
أبا هذا العملاق الى ان يبقى ويموت عملاقاً مهاب الجانب .
مات رحمه الله وأسكنه فسيح جناته غني غنات النفس التي تخلى عنها كثير من الشعراء .
فله منا الدعاء .
إنه الشاعر الدندان رحمه الله وأسكنه فسيح جناته..
ذبيت رجمٍ ضحى فعلا حجا طوقه=تصفق علاوي عروقه برد لنوادي
رجمٍ شريفٍ على لمثال صاعوقه=هيض جديد العنا مرقاه لا عادي
يا الله ياللي قطيب عراه ماثوقه=ياغافر الذنب ياخلاق ياهادي
طالبك ليلٍ سحابه خايط فتوقه=كن التهامي حماره فيه منقادي
كن المشاعيل بين المزن واسحوقه=من خشم سنحٍ إلى لنكير متقادي
تصبح مزونه على الجزلات مدفوقه=قامت تعاقب عليهن مثل لركادي
ليله عروضٍ يقود الناس ببروقه=اللي يعده يضنه ما بقى وادي
تفرح به اللي ألجر الصوت مطفوقه=خطوات سادأ سنادٍ حجزها بادي
أثفانها ماتحس البطن مفهوقه=مثل الفحل عينها في كل منقادي
خطلاً من الرجل سادا اللون معنوقه=كن راسها باديٍ في الرجم بينادي
عريضة المتن تشرب كل مدنوقه=تركا لهل حاضها في يوم لارادي
ترزم إلى آحت صبيب الدلو مشلوقه=وتفرع وتذرع ولا للضرب تنذادي
عشاقتن تنشد اللقلاط معشوقه=تمله وتزله لاكان إحوارها غادي
لا وردت هاربٍ مهيب ملحوقه=لاهي تسيعب على من كان ورادي
تبرا لقبٍ تورد كل مفتوقه=تقضم حكايم لعنه تحت لالادي
لا لحقوا البل على الدخان مسيوقه=مثل الحدايا بمركاضٍ ومسنادي
تركض على الموت الحمر لحتمى سوقه=لاجا لعج الرمك في الجو عمادي
الجيش ديست وقحص الخيل ممحوقه=والمنهزم مقطبٍ يتلاه طرادي
تلافتت للعزاوي كل مشفوقه=ترايعت يوم توحي حس لجوادي
هذا طريحٍ وذا الطير أنكسر فوقه=وهذي قليعٍ بطلع الحبل تنقادي
وإن جاء نهارٍ يشيب العين بحقوقه=يومٍ زحامٍ يفتر دفر لزنادي
صك الجمل بالحديد وعجلو سوقه=ينطح جموعٍ تسير بغير عدادي
كم بندرٍ ماخذينن بالجنا سوقه=مثل السليل مع لفلاج والوادي
بسيوف هندٍ تقص الروس مفلوقه=وخيال ملحٍ لسبرات النظر زادي
دواسرٍ كل فعلٍ فعلهم شوقه=آلاد زايد هل الطالات والقادي
فمن طال طولٍ تعدا طولنا فوقه=من حلنا ماخذين حقنا العادي
حقٍ لنا الجود فان الجود طاروقه=يهدي على مشربه ويدله الغادي
هذا ولا انقص حدٍ من طايل إحقوقه=كل القبايل لها طولات وأمجادي