السلام عليكم ورحمة الله وبركاته أخواني المتابعين أسعد الله صباحكم بالخير والمسرات لقد شرفني أخي الشاعر عامر عبدالرحمن النتيفات بقصيدة وافيه وليست بمستغربه منه ولقد ورأيتها ليلة البارحة بعد منتصف الليل وأعجبني أسلوب الشاعر بهذه الرائعه وحاولت أن أرد عليها والرد جاء سريعاً والحقيقه لم يكن بالشكل المرضي لي ولكن إليكم وليعذرني أبو عبدالرحمن والمتابعين على قصيدتي المتواضعه
أما قصيدة الشاعر عامر فهي على الرابط التالي :
http://www.aldawasser.com/vb/showthread.php?t=8750
وإليكم قصيدتي :
هلا مرحباً وإعداد مالاح وسط قنوف=بروقٍ تكاشف في دجى الليل من منشاه
هلا مرحباً من غرب جدَه إلى الهفهوف=وعدد من يزور البيت ويطوف مع مسعاه
هلا مرحباً بالخط واللي كتبه أُولوف=وأكرر وأزيد من التراحيب في ملفاه
لفى من طرف عامر على النت دون زروف=صديق الوفاء والجود جعل الردي إفداه
حكيمٍ يحكم الشعر ماشٍ عليه يطوف=أديبٍ وشعره بالجزاله رقى وأعلاه
من اللأبة اللي تُنعرف في الرخاء والخوف=سعد عين من حدَه زمانه على بلواه
ولايالنتيفي شعركم بالوفاء به نوف=قريته وشوَْقني على الرد ومجاراه
ذكرت الكلام اللي عيوني تشوفه شوف=كأنك قريت إحساس فكري وماخفَاه
كلامك جعل من فوق كل النقاط إحروف=كلام الخبير اللي رسم للهدف معناه
رسمته وبيَنت الهدف واضحٍ مكشوف=عسى يستفيد المستمع لابغى يقراه
بكلامٍ صحيحٍ يُفرح الخاطر المكسوف=ويُعالج مواضيعٍ كثير العرب خلاَه
وأنا حاضرٍ في ماتبي مابها تكلوف=تقدَم وأنا ويَاك والدرب مانخفاه
عسى الله يقدينا على الخير والمعروف=وينوَر بصايرنا ودرب الهُدى نقداه
مادام الهدف واضح ماننشد عن الملقوف=نجيب الحلول وكلمة الصدق ماننساه
ونهاية كلامي جاك رد الوفاء مردوف=بعطر النشامى ياعزيز الوفاء والجاه
وسلامتكم جميعاً
محب الجميع الشاعر : دغش البطي