هيـه يلي تنشــد الناس عنا=الدواسر من عصورٍ قدامي
ننــزل العليا ولا قد طمــنا=معتليينٍ نايفات العدامي
مرويين الضيف كيفٍ وبنا=مكرمينه راهيات السنامي
من لجا في ضفنا يستكنا=والله أنه بيننا مايضامي
جارنا من سالف الوقت منا=حاميينه من عيال الحرامي
مخبل اللي طامعٍ في وطنا=دونه الشجعان والسيف حامي
دارنا الوادي وبأرضه نزلنا=دار عالين النسب والمقامي
القصيـــده هاذي يالواضح/لأخي العزيز الشاعر مصلح بن علي بن طميش العمور الدوسري
وأشكر أخي أبن مشنان على أيرادها
لاهنتوا جميع